36 ಷಟ್ತ್ರಿಂಶದಶಕಃ - ಮೂಲಪ್ರಕೃತಿಮಹಿಮಾ

 

36 ಷಟ್ತ್ರಿಂಶದಶಕಃ  -    ಮೂಲಪ್ರಕೃತಿಮಹಿಮಾ
ತ್ವಮೇವ ಮೂಲಪ್ರಕೃತಿಸ್ತ್ವಮಾತ್ಮಾ ತ್ವಮಸ್ಯರೂಪಾ ಬಹುರೂಪಿಣೀ ಚ .
ದುರ್ಗಾ ಚ ರಾಧಾ ಕಮಲಾ ಚ ಸಾವಿತ್ರ್ಯಾಖ್ಯಾ ಸರಸ್ವತ್ಯಪಿ ಚ ತ್ವಮೇವ .. 36-1..

ದುರ್ಗಾ ಜಗದ್ದುರ್ಗತಿನಾಶಿನೀ ತ್ವಂ ಶ್ರೀಕೃಷ್ಣಲೀಲಾರಸಿಕಾಽಸಿ ರಾಧಾ .
ಶೋಭಾಸ್ವರೂಪಾಽಸಿ ಗೃಹಾದಿಷು ಶ್ರೀರ್ವಿದ್ಯಾಸ್ವರೂಪಾಽಸಿ ಸರಸ್ವತೀ ಚ .. 36-2..

ಸರಸ್ವತೀ ಹಾ ಗುರುಶಾಪನಷ್ಟಾಂ ತ್ವಂ ಯಾಜ್ಞವಲ್ಕ್ಯಾಯ ದದಾಥ ವಿದ್ಯಾಂ .
ತ್ವಾಮೇವ ವಾಣೀಕವಚಂ ಜಪಂತಃ ಪ್ರಸಾಧ್ಯ ವಿದ್ಯಾಂ ಬಹವೋಽಧಿಜಗ್ಮುಃ .. 36-3..

ತ್ವಂ ದೇವಿ ಸಾವಿತ್ರ್ಯಭಿಧಾಂ ದಧಾಸಿ ಪ್ರಸಾದತಸ್ತೇ ಖಲು ವೇದಮಾತುಃ .
ಲೇಭೇ ನೃಪಾಲೋಽಶ್ವಪತಿಸ್ತನೂಜಾಂ ನಾಮ್ನಾ ಚ ಸಾವಿತ್ರ್ಯಭವತ್ಕಿಲೈಷಾ .. 36-4..

ಸಾ ಸತ್ಯವಂತಂ ಮೃತಮಾತ್ಮಕಾಂತಮಾಜೀವಯಂತೀ ಶ್ವಶುರಂ ವಿಧಾಯ .
ದೂರೀಕೃತಾಂಧ್ಯಂ ತನಯಾನಸೂತ ಯಮಾದ್ಗುರೋರಾಪ ಚ ಧರ್ಮಶಾಸ್ತ್ರಂ .. 36-5..

ಸ್ಕಂದಸ್ಯ ಪತ್ನೀ ಖಲು ಬಾಲಕಾಧಿಷ್ಠಾತ್ರಿ ಚ ಷಷ್ಠೀತಿ ಜಗತ್ಪ್ರಸಿದ್ಧಾ .
ತ್ವಂ ದೇವಸೇನಾ ಧನದಾಽಧನಾನಾಮಪುತ್ರಿಣಾಂ ಪುತ್ರಸುಖಂ ದದಾಸಿ .. 36-6..

ಸತ್ಕರ್ಮಲಬ್ಧೇ ತನಯೇ ಮೃತೇ ತು ಪ್ರಿಯವ್ರತೋಽದೂಯತ ಭಕ್ತವರ್ಯಃ .
ತಂ ಜೀವಯಿತ್ವಾ ಮೃತಮಸ್ಯ ದತ್ವಾ ಸ್ವಭಕ್ತವಾತ್ಸಲ್ಯಮದರ್ಶಯಸ್ತ್ವಂ .. 36-7..

ತ್ವಮೇವ ಗಂಗಾ ತುಲಸೀ ಧರಾ ಚ ಸ್ವಾಹಾ ಸ್ವಧಾ ತ್ವಂ ಸುರಭಿಶ್ಚ ದೇವಿ .
ತ್ವಂ ದಕ್ಷಿಣಾ ಕೃಷ್ಣಮಯೀ ಚ ರಾಧಾ ದಧಾಸಿ ರಾಧಾಮಯಕೃಷ್ಣತಾಂ ಚ .. 36-8..

ತ್ವಂ ಗ್ರಾಮದೇವೀ ನಗರಾಧಿದೇವೀ ವನಾಧಿದೇವೀ ಗೃಹದೇವತಾ ಚ .
ಸಂಪೂಜ್ಯತೇ ಭಕ್ತಜನೈಶ್ಚ ಯಾ ಯಾ ಸಾ ಸಾ ತ್ವಮೇವಾಸಿ ಮಹಾನುಭಾವೇ .. 36-9..

ಯದ್ಯಚ್ಛ್ರುತಂ ದೃಷ್ಟಮಪಿ ಸ್ಮೃತಂ ಚ ತತ್ತತ್ತ್ವದೀಯಂ ಹಿ ಕಲಾಂಶಜಾಲಂ .
ನ ಕಿಂಚನಾಸ್ತ್ಯೇವ ಶಿವೇ ತ್ವದನ್ಯದ್ಭೂಯೋಽಪಿ ಮೂಲಪ್ರಕೃತೇ ನಮಸ್ತೇ .. 36-10..

35 ಪಂಚತ್ರಿಂಶದಶಕಃ - ಅನುಗ್ರಹವೈಚಿತ್ರ್ಯಂ

 

35 ಪಂಚತ್ರಿಂಶದಶಕಃ -    ಅನುಗ್ರಹವೈಚಿತ್ರ್ಯಂ
ಭಾಗ್ಯೋದಯೇ ತ್ರೀಣಿ ಭವಂತಿ ನೂನಂ ಮನುಷ್ಯತಾ ಸಜ್ಜನಸಂಗಮಶ್ಚ .
ತ್ವದೀಯಮಾಹಾತ್ಮ್ಯಕಥಾಶ್ರುತಿಶ್ಚ ಯತಃ ಪುಮಾಂಸ್ತ್ವತ್ಪದಭಕ್ತಿಮೇತಿ .. 35-1..

ತತಃ ಪ್ರಸೀದಸ್ಯಖಿಲಾರ್ಥಕಾಮಾನ್ ಭಕ್ತಸ್ಯ ಯಚ್ಛಸ್ಯಭಯಂ ಚ ಮಾತಃ .
ಕ್ಷಮಾಂ ಕೃತಾಗಸ್ಸು ಕರೋಷಿ ಚಾರ್ಯೋರನ್ಯೋನ್ಯವೈರಂ ಶಮಯಸ್ಯನೀಹಾ .. 35-2..

ದುಷ್ಕೀರ್ತಿಭೀತ್ಯಾ ಪೃಥಯಾ ಕುಮಾರ್ಯಾ ತ್ಯಕ್ತಂ ತಟಿನ್ಯಾಂ ಸುತಮರ್ಕಲಬ್ಧಂ .
ಸಂಪ್ರಾರ್ಥಿತಾ ತ್ವಂ ಪರಿಪಾಲಯಂತೀ ಪ್ರಾದರ್ಶಯಃ ಸ್ವಂ ಕರುಣಾಪ್ರವಾಹಂ .. 35-3..

ಸುತಾನ್ ಕುರುಕ್ಷೇತ್ರರಣೇ ಹತಾನ್ ಸ್ವಾನ್ ದಿದೃಕ್ಷವೇ ಮಾತೃಗಣಾಯ ಕೃಷ್ಣಃ .
ಸಂಪ್ರಾರ್ಥಿತಸ್ತ್ವತ್ಕರುಣಾಭಿಷಿಕ್ತಃ ಪ್ರದರ್ಶ್ಯ ಸರ್ವಾನ್ ಸಮತೋಷಯಚ್ಚ .. 35-4..

ವಣಿಕ್ ಸುಶೀಲಃ ಖಲು ನಷ್ಟವಿತ್ತೋ ವ್ರತಂ ಚರನ್ ಪ್ರಾಙ್ನವರಾತ್ರಮಾರ್ಯಃ .
ತ್ವಾಂ ದೇವಿ ಸಂಪೂಜ್ಯ ದರಿದ್ರಭಾವಾನ್ಮುಕ್ತಃ ಕ್ರಮಾದ್ವಿತ್ತಸಮೃದ್ಧಿಮಾಪ .. 35-5..

ದೇವದ್ರುಹೋ ದೇವಿ ರಣೇ ತ್ವಯೈವ ದೈತ್ಯಾ ಹತಾ ಗರ್ಹಿತಧರ್ಮಶಾಸ್ತ್ರಾಃ .
ಪ್ರಹ್ಲಾದಮುಖ್ಯಾನಸುರಾನ್ ಸ್ವಭಕ್ತಾನ್ ದೇವಾಂಶ್ಚ ಸಂತ್ಯಕ್ತರಣಾನಕಾರ್ಷೀಃ .. 35-6..

ಪುರಂದರೇ ಪಾಪತಿರೋಹಿತೇ ತತ್ಸ್ಥಾನಾಧಿರೂಢಾನ್ನಹುಷಾತ್ಸ್ಮರಾರ್ತಾತ್ .
ಭೀತಾ ಶಚೀ ತ್ವಾಂ ಪರಿಪೂಜ್ಯ ದೃಷ್ಟ್ವಾ ಪತಿಂ ಕ್ರಮಾದ್ಭೀತಿವಿಮುಕ್ತಿಮಾಪ .. 35-7..

ಶಪ್ತೋ ವಸಿಷ್ಠೇನ ನಿಮಿರ್ವಿದೇಹೋ ಭೂತ್ವಾಽಪಿ ದೇವಿ ತ್ವದನುಗ್ರಹೇಣ .
ಜ್ಞಾನಂ ಪರಂ ಪ್ರಾಪ ನಿಮೇಃ ಪ್ರಯೋಗಾನ್ನಿಮೇಷಿಣೋ ಜೀವಗಣಾ ಭವಂತಿ .. 35-8..

ಹಾ ಭಾರ್ಗವಾ ಲೋಭವಿಕೋಪಚಿತ್ತೈಃ ಪ್ರಪೀಡಿತಾ ಹೈಹಯವಂಶಜಾತೈಃ .
ಹಿಮಾದ್ರಿಮಾಪ್ತಾ ಭವತೀಂ ಪ್ರಪೂಜ್ಯ ಪ್ರಸಾದ್ಯ ಭೀತೇಃ ಖಲು ಮುಕ್ತಿಮಾಪುಃ .. 35-9..

ದಸ್ರೌ ಯುವಾನಾಂ ಚ್ಯವನಂ ಪತಿಂ ಚ ಸಮಾನರೂಪಾನಭಿದೃಶ್ಯ ಮುಗ್ಧಾ .
ಸತೀ ಸುಕನ್ಯಾ ತವ ಸಂಸ್ಮೃತಾಯಾ ಭಕ್ತ್ಯಾ ಪ್ರಸಾದಾತ್ಸ್ವಪತಿಂ ವ್ಯಾಜಾನಾತ್ .. 35-10..

ಸತ್ಯವ್ರತೋ ವಿಪ್ರವಧೂಂ ಪ್ರಸಹ್ಯ ಹರ್ತಾ ನಿರಸ್ತೋ ಜನಕೇನ ರಾಜ್ಯಾತ್ .
ವಸಿಷ್ಠಶಪ್ತೋಽಪಿ ತವ ಪ್ರಸಾದಾದ್ರಾಜ್ಯೇಽಭಿಷಿಕ್ತೋಽಥ ದಿವಂ ಗತಶ್ಚ .. 35-11..

ಹಾ ಹಾ ಹರಿಶ್ಚಂದ್ರನೃಪೋ ವಿಪತ್ಸು ಮಗ್ನಃ ಶತಾಕ್ಷೀಂ ಪರದೇವತಾಂ ತ್ವಾಂ .
ಸಂಸ್ಮೃತ್ಯ ಸದ್ಯಃ ಸ್ವವಿಪನ್ನಿವೃತ್ತಃ ಕಾರುಣ್ಯತಸ್ತೇ ಸುರಲೋಕಮಾಪ .. 35-12..

ಅಗಸ್ತ್ಯಪೂಜಾಂ ಪರಿಗೃಹ್ಯ ದೇವಿ ವಿಭಾಸಿ ವಿಂಧ್ಯಾದ್ರಿನಿವಾಸಿನೀ ತ್ವಂ .
ದ್ರಕ್ಷ್ಯೇ ಕದಾ ತ್ವಾಂ ಮಮ ದೇಹಿ ಭಕ್ತಿಂ ಕಾರುಣ್ಯಮೂರ್ತ್ತೇ ಸತತಂ ನಮಸ್ತೇ .. 35-13..

34 ಚತುಸ್ತ್ರಿಂಶದಶಕಃ - ಗೌತಮಶಾಪಃ

 

34 ಚತುಸ್ತ್ರಿಂಶದಶಕಃ -    ಗೌತಮಶಾಪಃ
ಸ್ವರ್ವಾಸಿಭಿರ್ಗೌತಮಕೀರ್ತ್ತಿರುಚ್ಚೈರ್ಗೀತಾ ಸಭಾಸು ತ್ರಿದಶೈಃ ಸದೇತಿ .
ಆಕರ್ಣ್ಯ ದೇವರ್ಷಿಮುಖಾತ್ಕೃತಘ್ನಾ ದ್ವಿಜಾ ಬಭೂವುಃ ಕಿಲ ಸೇರ್ಷ್ಯಚಿತ್ತಾಃ .. 34-1..

ತೈರ್ಮಾಯಯಾಽಽಸನ್ನಮೃತಿಃ ಕೃತಾ ಗೌಃ ಸಾ ಪ್ರೇಷಿತಾ ಗೌತಮಹೋಮಶಾಲಾಂ .
ಅಗಾನ್ಮುನೇರ್ಜುಹ್ವತ ಏವ ವಹ್ನೌ ಹುಂಕಾರಮಾತ್ರೇಣ ಪಪಾತ ಚೋರ್ವ್ಯಾಂ .. 34-2..

ಹತಾ ಹತಾ ಗೌರಿಹ ಗೌತಮೇನೇತ್ಯುಚ್ಚೈರ್ದ್ವಿಜಾಃ ಪ್ರೋಚ್ಯ ಮುನಿಂ ನಿನಿಂದುಃ .
ಸ ಚೇದ್ಧಕೋಪಃ ಪ್ರಲಯಾನಲಾಭಸ್ತಾನ್ ರಕ್ತನೇತ್ರಃ ಪ್ರಶಪನ್ನುವಾಚ .. 34-3..

ವ್ರತೇಷು ಯಜ್ಞೇಷು ನಿವೃತ್ತಿಶಾಸ್ತ್ರೇಷ್ವಪಿ ದ್ವಿಜಾ ವೋ ವಿಮುಖತ್ವಮಸ್ತು .
ನಿಷಿದ್ಧಕರ್ಮಾಚರಣೇ ರತಾಃ ಸ್ತ ಸ್ತ್ರಿಯಃ ಪ್ರಜಾ ವೋಽಪಿ ತಥಾ ಭವಂತು .. 34-4..

ಸತ್ಸಂಗಮೋ ಮಾಽಸ್ತು ಜಗಜ್ಜನನ್ಯಾಃ ಕಥಾಮೃತೇ ವೋ ನ ರತಿಃ ಖಲು ಸ್ಯಾತ್ .
ಪಾಷಂಡಕಾಪಾಲಿಕವೃತ್ತಿಪಾಪೈಃ ಪೀಡಾ ಭವೇದ್ವೋ ನರಕೇಷು ನಿತ್ಯಂ .. 34-5..

ಉಕ್ತ್ವೈವಮಾರ್ಯೋ ಮುನಿರೇತ್ಯ ಗಾಯತ್ರ್ಯಾಖ್ಯಾಂ ಕೃಪಾರ್ದ್ರಾಂ ಭವತೀಂ ನನಾಮ .
ತ್ವಮಾತ್ಥ ದುಗ್ಧಂ ಭುಜಗಾಯ ದತ್ತಂ ದಾತುಃ ಸದಾಽನರ್ಥದಮೇವ ವಿದ್ಧಿ .. 34-6..

ಸದೇದೃಶೀ ಕರ್ಮಗತಿರ್ಮಹರ್ಷೇ ಶಾಂತಿಂ ಭಜ ಸ್ವಂ ತಪ ಏವ ರಕ್ಷ .
ಮಾ ಕುಪ್ಯತಾಮೇವಮೃಷಿರ್ನಿಶಮ್ಯ ಮಹಾನುತಾಪಾರ್ದ್ರಮನಾ ಬಭೂವ .. 34-7..

ಶಪ್ತಾ ದ್ವಿಜಾ ವಿಸ್ಮೃತವೇದಮಂತ್ರಾ ಲಬ್ಧ್ವಾ ವಿವೇಕಂ ಮಿಲಿತಾ ಮುನಿಂ ತಂ .
ಪ್ರಾಪ್ತಾಃ ಪ್ರಸೀದೇತಿ ಮುಹುರ್ವದಂತೋ ನತ್ವಾ ತ್ರಪಾನಮ್ರಮುಖಾ ಅತಿಷ್ಠನ್ .. 34-8..

ಕೃಪಾರ್ದ್ರನೇತ್ರೋ ಮುನಿರಾಹ ನ ಸ್ಯಾನ್ಮೃಷಾ ವಚೋ ಮೇ ನರಕೇ ವಸೇತ .
ಜಾಯೇತ ವಿಷ್ಣುರ್ಭುವೀ ಕೃಷ್ಣನಾಮಾ ವಂದೇತ ತಂ ಶಾಪವಿಮೋಚನಾರ್ಥಂ .. 34-9..

ಸ್ವಪಾಪಮುಕ್ತ್ಯರ್ಥಮನಂತಶಕ್ತಿಂ ದೇವೀಂ ಸದಾ ಧ್ಯಾಯತ ಭಕ್ತಿಪೂತಾಃ .
ಸರ್ವತ್ರ ಭೂಯಾಚ್ಛುಭಮಿತ್ಯುದೀರ್ಯ ಗಾಯತ್ರಿ ದಧ್ಯೌ ಭವತೀಂ ಮಹರ್ಷಿಃ .. 34-10..

ಮುಂಚಾನಿ ಮಾ ವಾಕ್ಶರಮನ್ಯಚಿತ್ತೇ ಕೃತಘ್ನತಾ ಮಾಽಸ್ತು ಮಮಾಂತರಂಗೇ .
ನಿಂದಾನಿ ಮಾ ಸಜ್ಜನಮೇಷ ಭೀತೋ ಭವಾನಿ ಪಾಪಾದ್ವರದೇ ನಮಸ್ತೇ .. 34-11..

23 ತ್ರಯೋವಿಂಶದಶಕಃ - ಮಹಾಲಕ್ಷ್ಮ್ಯವತಾರಃ 31 ಏಕತ್ರಿಂಶದಶಕಃ - ಭ್ರಾಮರ್ಯವತಾರಃ

https://youtu.be/ZKGQB4V_d8o?si=sHOwP0A499COdKgB 

KANNADA NARRATI0N Pr0fManjula Bharadwaj
ST0RY@5GKANNADA NARRATI0N Pr0f

Manjula Bharadwaj
ST0RY@5G23 ತ್ರಯೋವಿಂಶದಶಕಃ -    ಮಹಾಲಕ್ಷ್ಮ್ಯವತಾರಃ
ರಂಭಸ್ಯ ಪುತ್ರೋ ಮಹಿಷಾಸುರಃ ಪ್ರಾಕ್ ತೀವ್ರೈಸ್ತಪೋಭಿರ್ದ್ರುಹಿಣಾತ್ಪ್ರಸನ್ನಾತ್ .
ಅವಧ್ಯತಾಂ ಪುಂಭಿರವಾಪ್ಯ ಧೃಷ್ಟೋ ನ ಮೇ ಮೃತಿಃ ಸ್ಯಾದಿತಿ ಚ ವ್ಯಚಿಂತೀತ್ .. 23-1..

ಸ ಚಿಕ್ಷುರಾದ್ಯೈರಸುರೈಃ ಸಮೇತಃ ಶಕ್ರಾದಿದೇವಾನ್ಯುಧಿ ಪದ್ಮಜಂ ಚ .
ರುದ್ರಂ ಚ ವಿಷ್ಣುಂ ಚ ವಿಜಿತ್ಯ ನಾಕೇ ವಸನ್ ಬಲಾದ್ಯಜ್ಞಹವಿರ್ಜಹಾರ .. 23-2..

ಚಿರಂ ಭೃಶಂ ದೈತ್ಯನಿಪೀಡಿತಾಸ್ತೇ ದೇವಾಃ ಸಮಂ ಪದ್ಮಜಶಂಕರಾಭ್ಯಾಂ .
ಹರಿಂ ಸಮೇತ್ಯಾಸುರದೌಷ್ಟ್ಯಮೂಚೂಸ್ತ್ವಾಂ ಸಂಸ್ಮರನ್ ದೇವಿ ಮುರಾರಿರಾಹ .. 23-3..

ಸುರಾ ವಯಂ ತೇನ ರಣೇಽತಿಘೋರೇ ಪರಾಜಿತಾ ದೈತ್ಯವರೋ ಬಲಿಷ್ಠಃ .
ಮತ್ತೋ ಭೃಶಂ ಪುಂಭಿರವಧ್ಯಭಾವಾನ್ನ ನಃ ಸ್ತ್ರಿಯೋ ಯುದ್ಧವಿಚಕ್ಷಣಾಶ್ಚ .. 23-4..

ತೇಜೋಭಿರೇಕಾ ಭವತೀಹ ನಶ್ಚೇತ್ಸೈವಾಸುರಾನ್ ಭೀಮಬಲಾನ್ನಿಹಂತಾ .
ಯಥಾ ಭವತ್ಯೇತದರಂ ತಥೈವ ಸಂಪ್ರಾರ್ಥಯಾಮೋಽವತು ನೋ ಮಹೇಶೀ .. 23-5..

ಏವಂ ಹರೌ ವಕ್ತರಿ ಪದ್ಮಜಾತಾತ್ತೇಜೋಽಭವದ್ರಾಜಸರಕ್ತವರ್ಣಂ .
ಶಿವಾದಭೂತ್ತಾಮಸರೌಪ್ಯವರ್ಣಂ ನೀಲಪ್ರಭಂ ಸಾತ್ತ್ವಿಕಮಚ್ಯುತಾಚ್ಚ .. 23-6..

ತೇಜಾಂಸ್ಯಭೂವನ್ ವಿವಿಧಾನಿ ಶಕ್ರಮುಖಾಮರೇಭ್ಯೋ ಮಿಷತೋಽಖಿಲಸ್ಯ .
ಸಮ್ಯೋಗತಸ್ತಾನ್ಯಚಿರೇಣ ಮಾತಃ ಸ್ತ್ರೀರೂಪಮಷ್ಟಾದಶಹಸ್ತಮಾಪುಃ .. 23-7..

ತತ್ತು ತ್ವಮಾಸೀಃ ಶುಭದೇ ಮಹಾಲಕ್ಷ್ಮ್ಯಾಖ್ಯಾ ಜಗನ್ಮೋಹನಮೋಹನಾಂಗೀ .
ತ್ವಂ ಹ್ಯೇವ ಭಕ್ತಾಭಯದಾನದಕ್ಷಾ ಭಕ್ತದ್ರುಹಾಂ ಭೀತಿಕರೀ ಚ ದೇವಿ .. 23-8..

ಸದ್ಯಸ್ತ್ವಮುಚ್ಚೈಶ್ಚಕೃಷೇಽಟ್ಟಹಾಸಂ ಸುರಾಃ ಪ್ರಹೃಷ್ಟಾ ವಸುಧಾ ಚಕಂಪೇ .
ಚುಕ್ಷೋಭ ಸಿಂಧುರ್ಗಿರಯೋ ವಿಚೇಲುರ್ದೈತ್ಯಶ್ಚ ಮತ್ತೋ ಮಹಿಷಶ್ಚುಕೋಪ .. 23-9..

ತ್ವಾಂ ಸುಂದರೀಂ ಚಾರಮುಖಾತ್ ಸ ದೈತ್ಯೋ ವಿಜ್ಞಾಯ ಕಾಮೀ ವಿಸಸರ್ಜ ದೂತಂ .
ಸ ಚೇಶ್ವರೀಂ ದೈತ್ಯಗುಣಾನ್ ಪ್ರವಕ್ತಾ ತ್ವಾಂ ನೇತುಕಾಮೋ ವಿಫಲೋದ್ಯಮೋಽಭೂತ್ .. 23-10..

ಪ್ರಲೋಭನೈಸ್ತ್ವಾಮಥ ದೇವಶಕ್ತಿಂ ಜ್ಞಾತ್ವಾಽಪಿ ವಾಕ್ಯೈರನುನೇತುಕಾಮಃ .
ಏಕೈಕಶಃ ಪ್ರೇಷಯತಿಸ್ಮ ದೂತಾನ್ ತ್ವಾಂ ಕಾಮಿನೀಂ ಕರ್ತುಮಿಮೇ ನ ಶೇಕುಃ .. 23-11..

ಅವೇಹಿ ಮಾಂ ಪುಚ್ಛವಿಷಾಣಹೀನಂ ಭಾರಂ ವಹಂತಂ ಮಹಿಷಂ ದ್ವಿಪಾದಂ .
ಹಿಂಸಂತಿ ಮಾಂ ಸ್ವರ್ಥಿಜನಾಸ್ತ್ವಮೇವ ರಕ್ಷಾಕರೀ ಮೇ ಶುಭದೇ ನಮಸ್ತೇ .. 23-12..

21 ಏಕವಿಂಶದಶಕಃ - ನಂದಸುತಾವತಾರಃ

https://clipchamp.com/watch/h6g18XaTG1c 

https://youtu.be/t6o_uXaCo2Q21 ಏಕವಿಂಶದಶಕಃ -    ನಂದಸುತಾವತಾರಃ<div style="position:relative;width:fit-content;height:fit-content;">             <a style="position:absolute;top:20px;right:1rem;opacity:0.8;" href="https://clipchamp.com/watch/h6g18XaTG1c?utm_source=embed&utm_medium=embed&utm_campaign=watch">                 <img loading="lazy" style="height:22px;" src="https://clipchamp.com/e.svg" alt="Made with Clipchamp" />             </a>             <iframe allow="autoplay;" allowfullscreen style="border:none" src="https://clipchamp.com/watch/h6g18XaTG1c/embed" width="640" height="360"></iframe>         </div>
ಸರ್ವೇಽಪಿ ಜೀವಾ ನಿಜಕರ್ಮಬದ್ಧಾ ಏತೇ ಷಡಾಸಂದ್ರುಹಿಣಸ್ಯ ಪೌತ್ರಾಃ .
ತನ್ನಿಂದಯಾ ದೈತ್ಯಕುಲೇ ಪ್ರಜಾತಾಃ ಪುನಶ್ಚ ಶಪ್ತಾ ಜನಕೇನ ದೈವಾತ್ .. 21-1..

ತೇನೈವ ತೇ ಶೌರಿಸುತತ್ವಮಾಪ್ತಾ ಹತಾಶ್ಚ ಕಂಸೇನ ತು ಜಾತಮಾತ್ರಾಃ .
ಶ್ರೀನಾರದೇನರ್ಷಿವರೇಣ ದೇವಿ ಜ್ಞಾತಂ ಪುರಾವೃತ್ತಮಿದಂ ಸಮಸ್ತಂ .. 21-2..
ಪ್ರಾಗ್ದಂಪತೀ ಚಾದಿತಿಕಶ್ಯಪೌ ಹಾ ಸ್ವಕರ್ಮದೋಷೇಣ ಪುನಶ್ಚ ಜಾತೌ .
ತೌ ದೇವಕೀಶೂರಸುತೌ ಸ್ವಪುತ್ರನಾಶಾದಿಭಿರ್ದುಃಖಮವಾಪತುಶ್ಚ .. 21-3..

ತ್ವಂ ದೇವಕೀಸಪ್ತಮಗರ್ಭತೋ ವೈ ಗೃಹ್ಣಂತ್ಯನಂತಾಂಶಶಿಶುಂ ಸ್ವಶಕ್ತ್ಯಾ .
ನಿವೇಶ್ಯ ರೋಹಿಣ್ಯುದರೇ ಧರಣ್ಯಾಂ ಮರ್ತ್ಯೋ ಭವೇತ್ಯಚ್ಯುತಮಾದಿಶಶ್ಚ .. 21-4..

ಪ್ರಾಕ್ಕರ್ಮದೋಷಾತ್ಸ ಸುಹೃನ್ಮಘೋನಃ ಕ್ರುದ್ಧೇನ ಶಪ್ತೋ ಭೃಗುಣಾ ಮುರಾರಿಃ .
ದಯಾರ್ಹಸಂಸಾರಿದಶಾಮವಾಪ್ಸ್ಯನ್ ಹಾ ದೇವಕೀಗರ್ಭಮಥಾವಿವೇಶ .. 21-5..

ಪೂರ್ಣೇ ತು ಗರ್ಭೇ ಹರಿರರ್ದ್ಧರಾತ್ರೇ ಕಾರಾಗೃಹೇ ದೇವಕನಂದನಾಯಾಃ .
ಜಜ್ಞೇ ಸುತೇಷ್ವಷ್ಟಮತಾಮವಾಪ್ತಃ ಶೌರಿರ್ವಿಮುಕ್ತೋ ನಿಗಡೈಶ್ಚ ಬಂಧಾತ್ .. 21-6..

ವ್ಯೋಮೋತ್ಥವಾಕ್ಯೇನ ತವೈವ ಬಾಲಂ ಗೃಹ್ಣನ್ನದೃಷ್ಟಃ ಖಲು ಗೇಹಪಾಲೈಃ .
ನಿದ್ರಾಂ ಗತೈಸ್ತ್ವದ್ವಿವೃತೇನ ಶೌರಿರ್ದ್ವಾರೇಣ ಯಾತೋ ಬಹಿರಾತ್ತತೋಷಂ .. 21-7..

ತ್ವಂ ಸ್ವೇಚ್ಛಯಾ ಗೋಪಕುಲೇ ಯಶೋದಾನಂದಾತ್ಮಜಾ ಸ್ವಾಪಿತಜೀವಜಾಲೇ .
ಅಜಾಯಥಾ ಭಕ್ತಜನಾರ್ತಿಹಂತ್ರೀ ಸರ್ವಂ ನಿಯಂತ್ರೀ ಸಕಲಾರ್ಥದಾತ್ರೀ .. 21-8..

ತವ ಪ್ರಭಾವಾದ್ವಸುದೇವ ಏಕೋ ಗಚ್ಛನ್ನಭೀತೋ ಯಮುನಾಮಯತ್ನಂ .
ತೀರ್ತ್ವಾ ನದೀಂ ಗೋಕುಲಮಾಪ ತತ್ರ ದಾಸ್ಯಾಃ ಕರೇ ಸ್ವಂ ತನಯಂ ದದೌ ಚ .. 21-9..

ತಯೈವ ದತ್ತಾಮಥ ಬಾಲಿಕಾಂ ತ್ವಾಮಾದಾಯ ಶೀಘ್ರಂ ಸ ತತೋ ನಿವೃತ್ತಃ .
ಕಾರಾಗೃಹಂ ಪ್ರಾಪ್ಯ ದದೌ ಪ್ರಿಯಾಯೈ ಸ ಚಾಭವತ್ಪೂರ್ವವದೇವ ಬದ್ಧಃ .. 21-10..

ತ್ವದ್ರೋದನೋತ್ಥಾಪಿತಗೇಹಪಾಲೈರ್ನಿವೇದಿತೋ ಭೋಜಪತಿಃ ಸಮೇತ್ಯ .
ತ್ವಾಂ ಪಾದಯುಗ್ಮಗ್ರಹಣೇನ ಕುರ್ವನ್ನಧಃಶಿರಸ್ಕಾಂ ನಿರಗಾದ್ಗೃಹಾಂತಾತ್ .. 21-11..

ಸ ಪೋಥಯಾಮಾಸ ಶಿಲಾತಲೇ ತ್ವಾಂ ಸದ್ಯಃ ಸಮುತ್ಪತ್ಯ ಕರಾದಮುಷ್ಯ .
ದಿವಿ ಸ್ಥಿತಾ ಶಂಖಗದಾದಿಹಸ್ತಾ ಸುರೈಃ ಸ್ತುತಾ ಸ್ಮೇರಮುಖೀ ತ್ವಮಾತ್ಥ .. 21-12..

ವಧೇನ ಕಿಂ ಮೇ ತವ ಕಂಸ ಜಾತಸ್ತವಾಂತಕಃ ಕ್ವಾಪ್ಯವಿದೂರದೇಶೇ .
ಮಾ ದ್ರುಹ್ಯತಾಂ ಸಾಧುಜನೋ ಹಿತಂ ಸ್ವಂ ವಿಚಿಂತಯೇತ್ಯುಕ್ತವತೀ ತಿರೋಽಭೂಃ .. 21-13..

ಸ ಭೋಜರಾಟ್ ಸ್ವಾಂತಕನಾಶನಾಯ ಸರ್ವಾನ್ ಶಿಶೂನ್ ಹಂತುಮರಂ ಬಲಿಷ್ಠಾನ್ .
ವತ್ಸಾಘಮುಖ್ಯಾನಸುರಾನ್ನಿಯುಜ್ಯ ಕೃತಾರ್ಥಮಾತ್ಮಾನಮಮನ್ಯತೋಚ್ಚೈಃ .. 21-14..

ಕಂಸೋಽಸ್ತಿ ಮೇ ಚೇತಸಿ ಕಾಮಲೋಭಕ್ರೋಧಾದಿಮಂತ್ರಿಪ್ರವರೈಃ ಸಮೇತಃ .
ಸದ್ಭಾವಹಂತಾ ಖಲು ನಂದಪುತ್ರಿ ತಂ ನಾಶಯ ತ್ವಚ್ಚರಣಂ ನಮಾಮಿ .. 21-15..