36 ഷട്ത്രിംശദശകഃ - മൂലപ്രകൃതിമഹിമാ https://www.youtube.com/watch?v=KRdfBtzNg0w

https://www.youtube.com/watch?v=KRdfBtzNg0w

https://www.youtube.com/watch?v=KRdfBtzNg0w

 

36 ഷട്ത്രിംശദശകഃ  -    മൂലപ്രകൃതിമഹിമാ
ത്വമേവ മൂലപ്രകൃതിസ്ത്വമാത്മാ ത്വമസ്യരൂപാ ബഹുരൂപിണീ ച .
ദുർഗാ ച രാധാ കമലാ ച സാവിത്ര്യാഖ്യാ സരസ്വത്യപി ച ത്വമേവ .. 36-1..

ദുർഗാ ജഗദ്ദുർഗതിനാശിനീ ത്വം ശ്രീകൃഷ്ണലീലാരസികാഽസി രാധാ .
ശോഭാസ്വരൂപാഽസി ഗൃഹാദിഷു ശ്രീർവിദ്യാസ്വരൂപാഽസി സരസ്വതീ ച .. 36-2..

സരസ്വതീ ഹാ ഗുരുശാപനഷ്ടാം ത്വം യാജ്ഞവൽക്യായ ദദാഥ വിദ്യാം .
ത്വാമേവ വാണീകവചം ജപന്തഃ പ്രസാധ്യ വിദ്യാം ബഹവോഽധിജഗ്മുഃ .. 36-3..

ത്വം ദേവി സാവിത്ര്യഭിധാം ദധാസി പ്രസാദതസ്തേ ഖലു വേദമാതുഃ .
ലേഭേ നൃപാലോഽശ്വപതിസ്തനൂജാം നാമ്നാ ച സാവിത്ര്യഭവത്കിലൈഷാ .. 36-4..

സാ സത്യവന്തം മൃതമാത്മകാന്തമാജീവയന്തീ ശ്വശുരം വിധായ .
ദൂരീകൃതാന്ധ്യം തനയാനസൂത യമാദ്ഗുരോരാപ ച ധർമശാസ്ത്രം .. 36-5..

സ്കന്ദസ്യ പത്നീ ഖലു ബാലകാധിഷ്ഠാത്രി ച ഷഷ്ഠീതി ജഗത്പ്രസിദ്ധാ .
ത്വം ദേവസേനാ ധനദാഽധനാനാമപുത്രിണാം പുത്രസുഖം ദദാസി .. 36-6..

സത്കർമലബ്ധേ തനയേ മൃതേ തു പ്രിയവ്രതോഽദൂയത ഭക്തവര്യഃ .
തം ജീവയിത്വാ മൃതമസ്യ ദത്വാ സ്വഭക്തവാത്സല്യമദർശയസ്ത്വം .. 36-7..

ത്വമേവ ഗംഗാ തുലസീ ധരാ ച സ്വാഹാ സ്വധാ ത്വം സുരഭിശ്ച ദേവി .
ത്വം ദക്ഷിണാ കൃഷ്ണമയീ ച രാധാ ദധാസി രാധാമയകൃഷ്ണതാം ച .. 36-8..

ത്വം ഗ്രാമദേവീ നഗരാധിദേവീ വനാധിദേവീ ഗൃഹദേവതാ ച .
സമ്പൂജ്യതേ ഭക്തജനൈശ്ച യാ യാ സാ സാ ത്വമേവാസി മഹാനുഭാവേ .. 36-9..

യദ്യച്ഛ്രുതം ദൃഷ്ടമപി സ്മൃതം ച തത്തത്ത്വദീയം ഹി കലാംശജാലം .
ന കിഞ്ചനാസ്ത്യേവ ശിവേ ത്വദന്യദ്ഭൂയോഽപി മൂലപ്രകൃതേ നമസ്തേ .. 36-10..

35 പഞ്ചത്രിംശദശകഃ - അനുഗ്രഹവൈചിത്ര്യംhttps://youtu.be/DzuyfxehVaA?si=96_4raScf_PIcbe8

https://youtu.be/DzuyfxehVaA?si=96_4raScf_PIcbe8

DASAKAM35 malAYALAM ST0RY@5G

 

35 പഞ്ചത്രിംശദശകഃ -    അനുഗ്രഹവൈചിത്ര്യം
ഭാഗ്യോദയേ ത്രീണി ഭവന്തി നൂനം മനുഷ്യതാ സജ്ജനസംഗമശ്ച .
ത്വദീയമാഹാത്മ്യകഥാശ്രുതിശ്ച യതഃ പുമാംസ്ത്വത്പദഭക്തിമേതി .. 35-1..

തതഃ പ്രസീദസ്യഖിലാർഥകാമാൻ ഭക്തസ്യ യച്ഛസ്യഭയം ച മാതഃ .
ക്ഷമാം കൃതാഗസ്സു കരോഷി ചാര്യോരന്യോന്യവൈരം ശമയസ്യനീഹാ .. 35-2..

ദുഷ്കീർതിഭീത്യാ പൃഥയാ കുമാര്യാ ത്യക്തം തടിന്യാം സുതമർകലബ്ധം .
സമ്പ്രാർഥിതാ ത്വം പരിപാലയന്തീ പ്രാദർശയഃ സ്വം കരുണാപ്രവാഹം .. 35-3..

സുതാൻ കുരുക്ഷേത്രരണേ ഹതാൻ സ്വാൻ ദിദൃക്ഷവേ മാതൃഗണായ കൃഷ്ണഃ .
സമ്പ്രാർഥിതസ്ത്വത്കരുണാഭിഷിക്തഃ പ്രദർശ്യ സർവാൻ സമതോഷയച്ച .. 35-4..

വണിക് സുശീലഃ ഖലു നഷ്ടവിത്തോ വ്രതം ചരൻ പ്രാങ്നവരാത്രമാര്യഃ .
ത്വാം ദേവി സമ്പൂജ്യ ദരിദ്രഭാവാന്മുക്തഃ ക്രമാദ്വിത്തസമൃദ്ധിമാപ .. 35-5..

ദേവദ്രുഹോ ദേവി രണേ ത്വയൈവ ദൈത്യാ ഹതാ ഗർഹിതധർമശാസ്ത്രാഃ .
പ്രഹ്ലാദമുഖ്യാനസുരാൻ സ്വഭക്താൻ ദേവാംശ്ച സന്ത്യക്തരണാനകാർഷീഃ .. 35-6..

പുരന്ദരേ പാപതിരോഹിതേ തത്സ്ഥാനാധിരൂഢാന്നഹുഷാത്സ്മരാർതാത് .
ഭീതാ ശചീ ത്വാം പരിപൂജ്യ ദൃഷ്ട്വാ പതിം ക്രമാദ്ഭീതിവിമുക്തിമാപ .. 35-7..

ശപ്തോ വസിഷ്ഠേന നിമിർവിദേഹോ ഭൂത്വാഽപി ദേവി ത്വദനുഗ്രഹേണ .
ജ്ഞാനം പരം പ്രാപ നിമേഃ പ്രയോഗാന്നിമേഷിണോ ജീവഗണാ ഭവന്തി .. 35-8..

ഹാ ഭാർഗവാ ലോഭവികോപചിത്തൈഃ പ്രപീഡിതാ ഹൈഹയവംശജാതൈഃ .
ഹിമാദ്രിമാപ്താ ഭവതീം പ്രപൂജ്യ പ്രസാദ്യ ഭീതേഃ ഖലു മുക്തിമാപുഃ .. 35-9..

ദസ്രൗ യുവാനാം ച്യവനം പതിം ച സമാനരൂപാനഭിദൃശ്യ മുഗ്ധാ .
സതീ സുകന്യാ തവ സംസ്മൃതായാ ഭക്ത്യാ പ്രസാദാത്സ്വപതിം വ്യാജാനാത് .. 35-10..

സത്യവ്രതോ വിപ്രവധൂം പ്രസഹ്യ ഹർതാ നിരസ്തോ ജനകേന രാജ്യാത് .
വസിഷ്ഠശപ്തോഽപി തവ പ്രസാദാദ്രാജ്യേഽഭിഷിക്തോഽഥ ദിവം ഗതശ്ച .. 35-11..

ഹാ ഹാ ഹരിശ്ചന്ദ്രനൃപോ വിപത്സു മഗ്നഃ ശതാക്ഷീം പരദേവതാം ത്വാം .
സംസ്മൃത്യ സദ്യഃ സ്വവിപന്നിവൃത്തഃ കാരുണ്യതസ്തേ സുരലോകമാപ .. 35-12..

അഗസ്ത്യപൂജാം പരിഗൃഹ്യ ദേവി വിഭാസി വിന്ധ്യാദ്രിനിവാസിനീ ത്വം .
ദ്രക്ഷ്യേ കദാ ത്വാം മമ ദേഹി ഭക്തിം കാരുണ്യമൂർത്തേ സതതം നമസ്തേ .. 35-13..

article gr https://www.scribd.com/document/497816619/Ennappadam-Venkatarama-Bhagavatar-Final-With-List#

 https://www.scribd.com/document/497816619/Ennappadam-Venkatarama-Bhagavatar-Final-With-List#

song 2 eede girijaa tanoojam s0ng saveri Adi evrb n0tatI0n ENNAPADAM VENKATRAMA BHAGAVATAR

https://www.blogger.com/blog/page/edit/4831276821453466883/1693473761123513739

 EVRB S0NG 2 EEDE PPT ADI0

https://youtu.be/QKU27S7dhDE?si=_oUTpROspMg1fb63

34 ചതുസ്ത്രിംശദശകഃ - ഗൗതമശാപഃ https://www.youtube.com/watch?v=astFTJ4xEBU

https://www.youtube.com/watch?v=astFTJ4xEBU

https://www.youtube.com/watch?v=astFTJ4xEBUhttps://www.youtube.com/watch?v=astFTJ4xEBU

 

34 ചതുസ്ത്രിംശദശകഃ -    ഗൗതമശാപഃ
സ്വർവാസിഭിർഗൗതമകീർത്തിരുച്ചൈർഗീതാ സഭാസു ത്രിദശൈഃ സദേതി .
ആകർണ്യ ദേവർഷിമുഖാത്കൃതഘ്നാ ദ്വിജാ ബഭൂവുഃ കില സേർഷ്യചിത്താഃ .. 34-1..

തൈർമായയാഽഽസന്നമൃതിഃ കൃതാ ഗൗഃ സാ പ്രേഷിതാ ഗൗതമഹോമശാലാം .
അഗാന്മുനേർജുഹ്വത ഏവ വഹ്നൗ ഹുങ്കാരമാത്രേണ പപാത ചോർവ്യാം .. 34-2..

ഹതാ ഹതാ ഗൗരിഹ ഗൗതമേനേത്യുച്ചൈർദ്വിജാഃ പ്രോച്യ മുനിം നിനിന്ദുഃ .
സ ചേദ്ധകോപഃ പ്രലയാനലാഭസ്താൻ രക്തനേത്രഃ പ്രശപന്നുവാച .. 34-3..

വ്രതേഷു യജ്ഞേഷു നിവൃത്തിശാസ്ത്രേഷ്വപി ദ്വിജാ വോ വിമുഖത്വമസ്തു .
നിഷിദ്ധകർമാചരണേ രതാഃ സ്ത സ്ത്രിയഃ പ്രജാ വോഽപി തഥാ ഭവന്തു .. 34-4..

സത്സംഗമോ മാഽസ്തു ജഗജ്ജനന്യാഃ കഥാമൃതേ വോ ന രതിഃ ഖലു സ്യാത് .
പാഷണ്ഡകാപാലികവൃത്തിപാപൈഃ പീഡാ ഭവേദ്വോ നരകേഷു നിത്യം .. 34-5..

ഉക്ത്വൈവമാര്യോ മുനിരേത്യ ഗായത്ര്യാഖ്യാം കൃപാർദ്രാം ഭവതീം നനാമ .
ത്വമാത്ഥ ദുഗ്ധം ഭുജഗായ ദത്തം ദാതുഃ സദാഽനർഥദമേവ വിദ്ധി .. 34-6..

സദേദൃശീ കർമഗതിർമഹർഷേ ശാന്തിം ഭജ സ്വം തപ ഏവ രക്ഷ .
മാ കുപ്യതാമേവമൃഷിർനിശമ്യ മഹാനുതാപാർദ്രമനാ ബഭൂവ .. 34-7..

ശപ്താ ദ്വിജാ വിസ്മൃതവേദമന്ത്രാ ലബ്ധ്വാ വിവേകം മിലിതാ മുനിം തം .
പ്രാപ്താഃ പ്രസീദേതി മുഹുർവദന്തോ നത്വാ ത്രപാനമ്രമുഖാ അതിഷ്ഠൻ .. 34-8..

കൃപാർദ്രനേത്രോ മുനിരാഹ ന സ്യാന്മൃഷാ വചോ മേ നരകേ വസേത .
ജായേത വിഷ്ണുർഭുവീ കൃഷ്ണനാമാ വന്ദേത തം ശാപവിമോചനാർഥം .. 34-9..

സ്വപാപമുക്ത്യർഥമനന്തശക്തിം ദേവീം സദാ ധ്യായത ഭക്തിപൂതാഃ .
സർവത്ര ഭൂയാച്ഛുഭമിത്യുദീര്യ ഗായത്രി ദധ്യൗ ഭവതീം മഹർഷിഃ .. 34-10..

മുഞ്ചാനി മാ വാക്ശരമന്യചിത്തേ കൃതഘ്നതാ മാഽസ്തു മമാന്തരംഗേ .
നിന്ദാനി മാ സജ്ജനമേഷ ഭീതോ ഭവാനി പാപാദ്വരദേ നമസ്തേ .. 34-11..

33 ത്രയസ്ത്രിംശദശകഃ - ഗൗതമകഥാhttps://www.youtube.com/watch?v=5l5XI96g8ls

https://www.youtube.com/watch?v=5l5XI96g8ls

]

 

33 ത്രയസ്ത്രിംശദശകഃ -    ഗൗതമകഥാ
ശക്രഃ പുരാ ജീവഗണസ്യ കർമദോഷാത്സമാഃ പഞ്ചദശ ക്ഷമായാം .
വൃഷ്ടിം ന ചക്രേ ധരണീ ച ശുഷ്കവാപീതഡാഗാദിജലാശയാഽഽസീത് .. 33-1..

സസ്യാനി ശുഷ്കാണി ഖഗാൻ മൃഗാംശ്ച ഭുക്ത്വാഽപ്യതൃപ്താഃ ക്ഷുധയാ തൃഷാ ച .
നിപീഡിതാ മർത്യശവാനി ചാഹോ മർത്യാ അനിഷ്ടാന്യപി ഭുഞ്ജതേ സ്മ .. 33-2..

ക്ഷുധാഽർദിതാഃ സർവജനാ മഹാഽഽപദ്വിമുക്തികാമാ മിലിതാഃ കദാചിത് .
തപോധനം ഗൗതമമേത്യ ഭക്ത്യാ പൃഷ്ടാ മുനിം സ്വാഗമഹേതുമൂചുഃ .. 33-3..

വിജ്ഞായ സർവം മുനിരാട് കൃപാലുഃ സമ്പൂജ്യ ഗായത്ര്യഭിധാം ശിവേ ത്വാം .
പ്രസാദ്യ ദൃഷ്ട്വാ ച തവൈവ ഹസ്താല്ലേഭേ നവം കാമദപാത്രമേകം .. 33-4..

ദുകൂലസൗവർണവിഭൂഷണാന്നവസ്ത്രാദി ഗാവോ മഹിഷാദയശ്ച .
യദ്യജ്ജനൈരീപ്സിതമാശു തത്തത്തത്പാത്രതോ ദേവി സമുദ്ബഭൂവ .. 33-5..

രോഗോ ന ദൈന്യം ന ഭയം ന ചൈവ ജനാ മിഥോ മോദകരാ ബഭൂവുഃ .
തേ ഗൗതമസ്യോഗ്രതപഃപ്രഭാവമുച്ചൈർജഗുസ്താം കരുണാർദ്രതാം ച .. 33-6..

ഏവം സമാ ദ്വാദശ തത്ര സർവേ നിന്യുഃ കദാചിന്മിലിതേഷു തേഷു .
ശ്രീനാരദോ ദേവി ശശീവ ഗായത്ര്യാശ്ചര്യശക്തിം പ്രഗൃണന്നവാപ .. 33-7..

സ പൂജിതസ്തത്ര നിഷണ്ണ ഉച്ചൈർനിവേദ്യ താം ഗൗതമകീർതിലക്ഷ്മീം .
സഭാസു ശക്രാദിസുരൈഃ പ്രഗീതാം ജഗാമ സന്തോ ജഹൃഷുഃ കൃതജ്ഞാഃ .. 33-8..

കാലേ ധരാം വൃഷ്ടിസമൃദ്ധസസ്യാം ദൃഷ്ട്വാ ജനാ ഗൗതമമാനമന്തഃ .
ആപൃച്ഛ്യ തേ സജ്ജനസംഗപൂതാ മുദാ ജവാത്സ്വസ്വഗൃഹാണി ജഗ്മുഃ .. 33-9..

ദുഃഖാനി മേ സന്തു യതോ മനോ മേ പ്രതപ്തസംഘട്ടിതഹേമശോഭി .
വിശുദ്ധമസ്തു ത്വയീ ബദ്ധരാഗോ ഭവാനി തേ ദേവി നമോഽസ്തു ഭൂയഃ .. 33-10..