19 ഏകോനവിംശദശകഃ - ഭൂമ്യാഃ ദുഃഖം 1dasakam 19 st0ry@5G malayalam

 

dasakam 19 st0ry@5G malayalam https://youtu.be/EsAzBWZCOt8

19 ഏകോനവിംശദശകഃ -    ഭൂമ്യാഃ ദുഃഖം 1
പുരാ ധരാ ദുർജനഭാരദീനാ സമം സുരഭ്യാ വിബുധൈശ്ച ദേവി .
വിധിം സമേത്യ സ്വദശാമുവാച സ ചാനയത്ക്ഷീരപയോനിധിം താൻ .. 19-1..

സ്തുതോ ഹരിഃ പദ്മഭവേന സർവം ജ്ഞാത്വാഽഖിലാൻ സാഞ്ജലിബദ്ധമാഹ .
ബ്രഹ്മൻ സുരാ നൈവ വയം സ്വതന്ത്രാ ദൈവം ബലീയഃ കിമഹം കരോമി .. 19-2..

ദൈവേന നീതഃ ഖലു മത്സ്യകൂർമകോലാദിജന്മാന്യവശോഽഹമാപ്തഃ .
നൃസിംഹഭാവാദതിഭീകരത്വം ഹയാനനത്വാത്പരിഹാസ്യതാം ച .. 19-3..

ജാതഃ പുനർദാശരഥിശ്ച ദുഃഖാദ്ദുഃഖം ഗതോഽഹം വിപിനാന്തചാരീ .
രാജ്യം ച നഷ്ടം ദയിതാ ഹൃതാ മേ പിതാ മൃതോ ഹാ പ്ലവഗാഃ സഹായാഃ .. 19-4..

കൃത്വാ രണം ഭീമമരിം നിഹത്യ പത്നീം ച രാജ്യം ച പുനർഗൃഹീത്വാ .
ദുഷ്ടാപവാദേന പതിവ്രതാം താം വിഹായ ഹാ ദുര്യശസാഽഭിഷിക്തഃ .. 19-5..

യദി സ്വതന്ത്രോഽസ്മി മമൈവമാർതിർന സ്യാദ്വയം കർമകലാപബദ്ധാഃ .
സദാഽപി മായവശഗാസ്തതോഽത്ര മായാധിനാഥാം ശരണം വ്രജാമഃ .. 19-6..

ഇതീരിതൈർഭക്തിവിനമ്രശീർഷൈർനിമീലിതാക്ഷൈർവിബുധൈഃ സ്മൃതാ ത്വം .
പ്രഭാതസന്ധ്യേവ ജപാസുമാംഗീ തമോനിഹന്ത്രീ ച പുരഃ സ്ഥിതാഽഽത്ഥ .. 19-7..

ജാനേ ദശാം വോ വസുദേവപുത്രോ ഭൂത്വാ ഹരിർദുഷ്ടജനാൻ നിഹന്താ .
തദർഥശക്തീരഹമസ്യ ദദ്യാമംശേന ജായേയ ച നന്ദപുത്രീ .. 19-8..

യൂയം ച സാഹായ്യമമുഷ്യ കർതുമംശേന ദേവാ ദയിതാസമേതാഃ .
ജായേധ്വമുർവ്യാം ജഗതോഽസ്തു ഭദ്രമേവം വിനിർദിശ്യ തിരോദധാഥ .. 19-9..

വിചിത്രദുഷ്ടാസുരഭാവഭാരനിപീഡിതം മേ ഹൃദയം മഹേശി .
അത്രാവതീര്യേദമപാകുരു ത്വം മാതാ ഹി മേ തേ വരദേ നമോഽസ്തു .. 19-10..

19 PPT MAL VIV