38 അഷ്ടാത്രിംശദശകഃ - ചിത്തശുദ്ധിപ്രാധാന്യം

https://youtu.be/hTiN2ysThZE

 

38 അഷ്ടാത്രിംശദശകഃ -    ചിത്തശുദ്ധിപ്രാധാന്യം
അന്തർമുഖോ യഃ സ്വശുഭേച്ഛയൈവ സ്വയം വിമർശേന മനോമലാനി .
ദൃഷ്ട്വാ ശമാദ്യൈർധുനുതേ സമൂലം സ ഭാഗ്യവാന്ദേവി തവ പ്രിയശ്ച .. 38-1..

ന വേദശാസ്ത്രാധ്യയനേന തീർഥസംസേവയാ ദാനതപോവ്രതൈർവാ .
ശുദ്ധിം മനോ യാതി തവ സ്മൃതേസ്തദ്വൈശദ്യമാദർശവദേതി മാതഃ .. 38-2..

ശുദ്ധിർന യജ്ഞേന യജൻ ശശാങ്കഃ പത്നീം ഗുരോഃ പ്രാപ ഭൃശം സ്മരാർതഃ .
ശതക്രതുർഗൗതമധർമപത്നീമഗാദഹല്യാം മദനേഷു വിദ്ധഃ .. 38-3..

സ വിഘ്നകാരീ തപസാം മുനീനാം ഗതസ്പൃഹം യോഗിവരം പ്രശാന്തം .
ഹാ വിശ്വരൂപം പവിനാ ജഘാന ന കിഞ്ചനാകാര്യമധർമബുദ്ധേഃ .. 38-4..

മുനിർവസിഷ്ഠഃ ഖലു തീർഥസേവീ തപോനിധിർഗാധിസുതശ്ച കോപാത് .
ഉഭൗ മിഥഃ ശേപതുരാഡിഭാവം പ്രാപ്തഃ കിലൈകോ ബകതാം പരശ്ച .. 38-5..

ധനാനി പൃഷ്ടാനി ഗുരൂനദാതൄൻ സ്വാൻ ഭാർഗവാൻ പുത്രകലത്രഭാജഃ .
ക്രുദ്ധാഃ പരം ഹൈഹയഭൂമിപാലാ ന്യപീഡയൻ കോഽത്ര വിശുദ്ധചിത്തഃ .. 38-6..

കുര്യാന്ന കിം ലോഭഹതോ മനുഷ്യോ യുധിഷ്ഠിരാദ്യാ അപി ധർമനിഷ്ഠാഃ .
പിതാമഹം ബന്ധുജനാൻ ഗുരൂംശ്ച രണേ നിജഘ്നുഃ ഖലു രാജ്യലോഭാത് .. 38-7..

കൃഷ്ണോപദിഷ്ടോ ജനമേജയസ്തു ശുദ്ധാന്തരംഗഃ പിതരം മഖേന .
പരീക്ഷിതം പാപവിമുക്തമാര്യം വിധായ തേ പ്രാപയതിസ്മ ലോകം .. 38-8..

സദാ സദാചാരരതോ വിവിക്തേ ദേശേ നിഷണ്ണശ്ചരണാംബുജേ തേ .
ധ്യായന്നജസ്രം നിജവാസനാ യോ നിർമാർഷ്ടി സ ത്വന്മയതാമുപൈതി .. 38-9..

ജ്ഞാനം ന ഭക്തിർന തപോ ന യോഗബുദ്ധിർന മേ ചിത്തജയോഽപി മാതഃ .
അന്ധം തമോഽഹം പ്രവിശാമി മൃത്യോഃ സമുദ്ധരേമം വരദേ നമസ്തേ .. 38-10..

37 സപ്തത്രിംശദശകഃ - വിഷ്ണുമഹത്ത്വംhttps://www.youtube.com/watch?v=P7VWB4bQfzE

https://www.youtube.com/watch?v=P7VWB4bQfzE

 

37 സപ്തത്രിംശദശകഃ -    വിഷ്ണുമഹത്ത്വം
പുരാ ഹരിസ്ത്വാം കില സാത്ത്വികേന പ്രസാദയാമാസ മഖേന ദേവി .
സുരേഷു തം ശ്രേഷ്ഠതമം ചകർഥ സ തേന സർവത്ര ബഭൂവ പൂജ്യഃ .. 37-1..

അധർമവൃദ്ധിശ്ച യദാ ത്രിലോകേ ധർമക്ഷയശ്ചാപി തദാ ഭവത്യാ .
ധർമം സമുദ്ധർതുമധർമമൃദ്ധം മാർഷ്ടും ച ദേവ്യേഷ നിയുജ്യതേ ഹി .. 37-2..

സ ഈഡ്യതേ സർവത ഏവ സർവൈഃ പത്ന്യാ ച ഭൂതൈശ്ച സമം ഗിരീശഃ .
ഇലാവൃതേഽപൂരുഷസന്നിധാനേ സങ്കർഷണാഖ്യം ഭജതേ മുരാരിം .. 37-3..

തമേവ ഭദ്രശ്രവസോ ഹയാസ്യം ഭദ്രാശ്വവർഷേ മുനയഃ സ്തുവന്തി .
പ്രഹ്ലാദ ഉച്ചൈർഹരിവർഷവാസീ വിശ്വാർതിശാന്ത്യൈ നൃഹരിം ച നൗതി .. 37-4..

ശ്രീഃ കേതുമാലേ ഖലു കാമരൂപം തം രമ്യകേ മത്സ്യതനും മനുശ്ച .
ഹിരണ്മയേ കൂർമശരീരഭാജം സ്തുവന്തി നാരായണമര്യമാ ച .. 37-5..

മഹാവരാഹം കുരുഷൂത്തരേഷു ഭൂ രാഘവം കിമ്പുരുഷേ ഹനൂമാൻ .
തം നാരദോ ഭാരതവർഷവർതീ നരം ച നാരായണമാശ്രയന്തേ .. 37-6..

സത്കർമഭൂമിർഭരതസ്യ രാജ്യം സന്ത്യത്ര വൈകുണ്ഠകഥൈകസക്താഃ .
തീർഥാനി പുണ്യാശ്രമപർവതാശ്ച ജന്മാത്ര ദേവാഃ സ്പൃഹയന്ത്യജസ്രം .. 37-7..

പ്രഹ്ലാദപൗത്രഃ സുതലാധിവാസഃ സുരക്ഷിതശ്ചാത്മനിവേദനേന .
വാർധക്യരോഗക്ലമഭീതിമുക്തോ മഹാബലിർവാമനമേവ നൗതി .. 37-8..

സഹസ്രശീർഷഃ ശിരസാ ദധത് ക്ഷ്മാം ഹലീ ഹരേസ്താമസമൂർതിരാര്യൈഃ .
സംസ്തൂയമാനഃ സഹനാഗകന്യഃ പാതാലമൂലേ ച സലീലമാസ്തേ .. 37-9..

വിചിത്രരൂപം ജഗതാം ഹിതായ സർവേ സ്തുവന്ത്യച്യുതമിദ്ധഭക്ത്യാ .
ഏനം കുരു ത്വം വരദാനദക്ഷം മാതഃ കൃപാർദ്രേ വരദേ നമസ്തേ .. 37-10..

24 ಚತುರ್ವಿಂಶದಶಕಃ - ಮಹಿಷಾಸುರವಧಂ - ದೇವೀಸ್ತುತಿಃ KANNADA ST0RY@5GKANNADA NARRATI0N Pr0fManjula Bharadwaj

https://youtu.be/0H85RVA5UpM 

24 ಚತುರ್ವಿಂಶದಶಕಃ -    ಮಹಿಷಾಸುರವಧಂ - ದೇ

ವೀಸ್ತುತಿಃ
ದೇವಿ ತ್ವಯಾ ಬಾಷ್ಕಲದುರ್ಮುಖಾದಿದೈತ್ಯೇಷು ವೀರೇಷು ರಣೇ ಹತೇಷು .
ಸದ್ವಾಕ್ಯತಸ್ತ್ವಾಮನುನೇತುಕಾಮೋ ಮೋಘಪ್ರಯತ್ನೋ ಮಹಿಷಶ್ಚುಕೋಪ .. 24-1..

ತ್ವಾಂ ಕಾಮರೂಪಃ ಖುರಪುಚ್ಛಶೃಂಗೈರ್ನಾನಾಸ್ತ್ರಶಸ್ತ್ರೈಶ್ಚ ಭೃಶಂ ಪ್ರಹರ್ತಾ .
ಗರ್ಜನ್ ವಿನಿಂದನ್ ಪ್ರಹಸನ್ ಧರಿತ್ರೀಂ ಪ್ರಕಂಪಯಂಶ್ಚಾಸುರರಾಡ್ಯುಯೋಧ .. 24-2..

ಜಪಾರುಣಾಕ್ಷೀ ಮಧುಪಾನತುಷ್ಟಾ ತ್ವಂ ಚಾರಿಣಾಽರೇರ್ಮಹಿಷಸ್ಯ ಕಂಠಂ .
ಛಿತ್ವಾ ಶಿರೋ ಭೂಮಿತಲೇ ನಿಪಾತ್ಯ ರಣಾಂಗಣಸ್ಥಾ ವಿಬುಧೈಃ ಸ್ತುತಾಽಭೂಃ .. 24-3..

ಮಾತಸ್ತ್ವಯಾ ನೋ ವಿಪದೋ ನಿರಸ್ತಾ ಅಶಕ್ಯಮನ್ಯೈರಿದಮದ್ಭುತಾಂಗಿ .
ಬ್ರಹ್ಮಾಂಡಸರ್ಗಸ್ಥಿತಿನಾಶಕರ್ತ್ರೀಂ ಕಸ್ತ್ವಾಂ ಜಯೇತ್ ಕೇನ ಕಥಂ ಕುತೋ ವಾ .. 24-4..

ವಿದ್ಯಾಸ್ವರೂಪಾಽಸಿ ಮಹೇಶಿ ಯಸ್ಮಿನ್ ಸ ವೈ ಪರೇಷಾಂ ಸುಖದಃ ಕವಿಶ್ಚ .
ತ್ವಂ ವರ್ತಸೇ ಯತ್ರ ಸದಾಽಪ್ಯವಿದ್ಯಾಸ್ವರೂಪಿಣೀ ಸ ತ್ವಧಮಃ ಪಶುಃ ಸ್ಯಾತ್ .. 24-5..

ಕೃಪಾಕಟಾಕ್ಷಾಸ್ತವ ದೇವಿ ಯಸ್ಮಿನ್ ಪತಂತಿ ತಸ್ಯಾತ್ಮಜವಿತ್ತದಾರಾಃ .
ಯಚ್ಛಂತಿ ಸೌಖ್ಯಂ ನ ಪತಂತಿ ಯಸ್ಮಿನ್ ತ ಏವ ದುಃಖಂ ದದತೇಽಸ್ಯ ನೂನಂ .. 24-6..

ಪಶ್ಯಾಮ ನಿತ್ಯಂ ತವ ರೂಪಮೇತತ್ಕಥಾಶ್ಚ ನಾಮಾನಿ ಚ ಕೀರ್ತಯಾಮ .
ನಮಾಮ ಮೂರ್ಧ್ನಾ ಪದಪಂಕಜೇ ತೇ ಸ್ಮರಾಮ ಕಾರುಣ್ಯಮಹಾಪ್ರವಾಹಂ .. 24-7..

ತ್ವಮೇವ ಮಾತಾಽಸಿ ದಿವೌಕಸಾಂ ನೋ ನಾನ್ಯಾ ದ್ವಿತೀಯಾ ಹಿತದಾನದಕ್ಷಾ .
ಅನ್ಯೇ ಸುತಾ ವಾ ತವ ಸಂತಿ ನೋ ವಾ ನ ರಕ್ಷಿತಾ ನಸ್ತ್ವದೃತೇ ಮಹೇಶಿ .. 24-8..

ಕ್ವ ತ್ವಂ ವಯಂ ಕ್ವೇತಿ ವಿಚಿಂತ್ಯ ಸರ್ವಂ ಕ್ಷಮಸ್ವ ನೋ ದೇವ್ಯಪರಾಧಜಾಲಂ .
ಯದಾ ಯದಾ ನೋ ವಿಪದೋ ಭವಂತಿ ತದಾ ತದಾ ಪಾಲಯ ಪಾಲಯಾಸ್ಮಾನ್ .. 24-9..

ಇತಿ ಸ್ತುವತ್ಸು ತ್ರಿದಶೇಷು ಸದ್ಯಃ ಕೃಪಾಶ್ರುನೇತ್ರೈವ ತಿರೋದಧಾಥ .
ತತೋ ಜಗದ್ದೇವಿ ವಿಭೂತಿಪೂರ್ಣಂ ಬಭೂವ ಧರ್ಮಿಷ್ಠಸಮಸ್ತಜೀವಂ .. 24-10..

ತ್ವಾಂ ಸಂಸ್ಮರೇಯಂ ನ ಚ ವಾ ಸ್ಮರೇಯಂ ವಿಪತ್ಸು ಮಾ ವಿಸ್ಮರ ಮಾಂ ವಿಮೂಢಂ .
ರುದನ್ ಬಿಡಾಲಾರ್ಭಕವನ್ನ ಕಿಂಚಿಚ್ಛಕ್ನೋಮಿ ಕರ್ತುಂ ಶುಭದೇ ನಮಸ್ತೇ .. 24-11..