DASAKA 1 TELUGU ప్రథమదశకః - దేవీమహిమా

 

1 ప్రథమదశకః  -    దేవీమహిమా
యస్మిన్నిదం యత ఇదం యదిదం యదస్మాత్
     ఉత్తీర్ణరూపమభిపశ్యతి యత్సమస్తం .
నో దృశ్యతే చ వచసాం మనసశ్చ దూరే
     యద్భాతి చాదిమహసే ప్రణమామి తస్మై .. 1-1..

న స్త్రీ పుమాన్ న సురదైత్యనరాదయో న
     క్లీబం న భూతమపి కర్మగుణాదయశ్చ .
భూమంస్త్వమేవ సదనాద్యవికార్యనంతం
     సర్వం త్వయా జగదిదం వితతం విభాతి .. 1-2..

రూపం న తేఽపి బహురూపభృదాత్తశక్తి-
     ర్నాట్యం తనోషి నటవత్ఖలు విశ్వరంగే .
వర్షాణి తే సరసనాట్యకలావిలీనా
     భక్తా అహో సహృదయా క్షణవన్నయంతి .. 1-3..

రూపానుసారి ఖలు నామ తతో బుధైస్త్వం
     దేవీతి దేవ ఇతి చాసి నిగద్యమానా .
దేవ్యాం త్వయీర్యస ఉమా కమలాఽథ వాగ్ వా
     దేవే తు షణ్ముఖ ఉమాపతిరచ్యుతో వా .. 1-4..

త్వం బ్రహ్మ శక్తిరపి ధాతృరమేశరుద్రైః
     బ్రహ్మాండసర్గపరిపాలనసంహృతీశ్చ .
రాజ్ఞీవ కారయసి సుభ్రు నిజాజ్ఞయైవ
     భక్తేష్వనన్యశరణేషు కృపావతీ చ .. 1-5..

మాతా కరోతి తనయస్య కృతే శుభాని
     కర్మాణి తస్య పతనే భృశమేతి దుఃఖం .
వృద్ధౌ సుఖం చ తవ కర్మ న నాపి దుఃఖం
     త్వం హ్యేవ కర్మఫలదా జగతాం విధాత్రీ .. 1-6..

సర్వత్ర వర్షసి దయామత ఏవ వృష్ట్యా
     సిక్తః సుబీజ ఇవ వృద్ధిముపైతి భక్తః .
దుర్బీజవద్వ్రజతి నాశమభక్త ఏవ
     త్వం నిర్ఘృణా న విషమా న చ లోకమాతః .. 1-7..

సర్వోపరీశ్వరి విభాతి సుధాసముద్ర-
     స్తన్మధ్యతః పరివృతే వివిధైః సుదుర్గైః .
ఛత్రాయితే త్రిజగతాం భవతీ మణిద్వీ-
     పాఖ్యే శివే నిజపదే హసితాననాఽఽస్తే .. 1-8..

యస్తే పుమానభిదధాతి మహత్త్వముచ్చై-
     ర్యో నామ గాయతి శృణోతి చ తే విలజ్జః .
యశ్చాతనోతి భృశమాత్మనివేదనం తే
     స స్వాన్యఘాని విధునోతి యథా తమోఽర్కః .. 1-9..

త్వాం నిర్గుణాం చ సగుణాం చ పుమాన్ విరక్తో
     జానాతి కించిదపి నో విషయేషు సక్తః .
జ్ఞేయా భవ త్వమిహ మే భవతాపహంత్రీం
     భక్తిం దదస్వ వరదే పరిపాహి మాం త్వం .. 1-10..

Devi Narayaniyam DASAKAMS దేవీనారాయణీయం అనుక్రమణికా

 

Devi Narayaniyam

 దేవీనారాయణీయం 
అనుక్రమణికా
             దశకః
       1 ప్రథమదశకః  -   దేవీమహిమా
       2 ద్వితీయదశకః  -   హయగ్రీవకథా
       3 తృతీయదశకః  -   మహాకాల్యవతారః
       4 చతుర్థదశకః  -   మధుకైటభవధః
       5 పంచమదశకః  -   సుద్యుమ్నకథా
       6 షష్ఠదశకః  -   వ్యాసనారదసమాగమః
       7 సప్తమదశకః  -   శుకోత్పత్తిః
       8 అష్టమదశకః  -   పరమజ్ఞానోపదేశః
       9 నవమదశకః  -   భువనేశ్వరీదర్శనః
      10 దశమదశకః  -   శక్తిప్రదానం
      11 ఏకాదశదశకః -   బ్రహ్మనారదసంవాదః
      12 ద్వాదశదశకః  -   ఉతథ్యజననం
      13 త్రయోదశదశకః -   ఉతథ్యమహిమా
      14 చతుర్దశదశకః -   సుదర్శనకథా - భరద్వాజాశ్రమప్రవేశం
      15 పంచదశదశకః  -   సుదర్శనకథా - దేవీదర్శనం
      16 షోడశదశకః  -   సుదర్శనవివాహం
      17 సప్తదశదశకః  -   సుదర్శనకోసలప్రాప్తిః
      18 అష్టాదశదశకః -   రామకథా
      19 ఏకోనవింశదశకః -   భూమ్యాః దుఃఖం 1
      20 వింశదశకః  -   దేవకీపుత్రవధం
      21 ఏకవింశదశకః -   నందసుతావతారః
      22 ద్వావింశదశకః  -   కృష్ణకథా
      23 త్రయోవింశదశకః -   మహాలక్ష్మ్యవతారః
      24 చతుర్వింశదశకః -   మహిషాసురవధం - దేవీస్తుతిః
      25 పంచవింశదశకః -   మహాసరస్వత్యవతారః
      26 షడ్వింశదశకః  -   సురథకథా
      27 సప్తవింశదశకః -   శతాక్ష్యవతారః
      28 అష్టావింశదశకః -   శక్త్యవమానదోషః
      29 ఏకోనత్రింశదశకః -   దేవీపీఠోత్పత్తిః
      30 త్రింశదశకః  -   శ్రీపార్వత్యవతారః
      31 ఏకత్రింశదశకః -   భ్రామర్యవతారః
      32 ద్వాత్రింశదశకః  -   యక్షకథా
      33 త్రయస్త్రింశదశకః -   గౌతమకథా
      34 చతుస్త్రింశదశకః -   గౌతమశాపః
      35 పంచత్రింశదశకః -   అనుగ్రహవైచిత్ర్యం
      36 షట్త్రింశదశకః  -   మూలప్రకృతిమహిమా
      37 సప్తత్రింశదశకః -   విష్ణుమహత్త్వం
      38 అష్టాత్రింశదశకః -   చిత్తశుద్ధిప్రాధాన్యం
      39 ఏకోనచత్వారింశదశకః -   మణిద్వీపనివాసినీ
      40 చత్వారింశదశకః -   ప్రార్థనా
      41 ఏకచత్వారింశదశకః -   ప్రణామం