dasakam18mal syntax anvaya gr

https://youtu.be/ME_FAYAXtlQ 

uploaded here to delete from #rajnishdsktop

dasakam 18 mal without pics edited anvutu.be/2_zNMDZgmH4

uploaded here to delete from #rajnishdsktop

18 അഷ്ടാദശദശകഃ -    രാമകഥാ
സൂര്യാന്വയേ ദാശരഥീ രമേശോ രാമാഭിധോഽഭൂദ്ഭരതോഽഥ ജാതഃ .
ജ്യേഷ്ടാനുവർത്തീ ഖലു ലക്ഷ്മണശ്ച ശത്രുഘ്നനാമാഽപി ജഗദ്വിധാത്രി .. 18-1..

വിമാതൃവാക്യോജ്ഝിതരാജ്യഭോഗോ രാമഃ സസീതഃ സഹലക്ഷ്മണശ്ച .
ചരൻ ജടാവൽകലവാനരണ്യേ ഗോദാവരീതീരമവാപ ദേവി .. 18-2..

തം വഞ്ചയൻ രാവണ ഏത്യ മായീ ജഹാര സീതാം യതിരൂപധാരീ .
രാമസ്യ പത്നീവിരഹാതുരസ്യ ശ്രുത്വാ വിലാപം വനമപ്യരോദീത് .. 18-3..

ശ്രീനാരദോഽഭ്യേത്യ ജഗാദ രാമം കിം രോദിഷി പ്രാകൃതമർത്യതുല്യഃ .
ത്വം രാവണം ഹന്തുമിഹാവതീർണോ ഹരിഃ കഥം വിസ്മരസീദമാര്യ .. 18-4..

കൃതേ യുഗേ വേദവതീതി കന്യാ ഹരിം ശ്രുതിജ്ഞാ പതിമാപ്തുമൈച്ഛത് .
സാ പുഷ്കരദ്വീപഗതാ തദർഥമേകാകിനീ തീവ്രതപശ്ചകാര .. 18-5..

ശ്രുതാ തയാഽഭൂദശരീരിവാക് തേ ഹരിഃ പതിർഭാവിനി ജന്മനി സ്യാത് .
നിശമ്യ തദ്ധൃഷ്ടമനാസ്തഥൈവ കൃത്വാ തപസ്തത്ര നിനായ കാലം .. 18-6..

താം രാവണഃ കാമശരാർദ്ദിതഃ സംശ്ചകർഷ സാ ച സ്തവനേന ദേവീം .
പ്രസാദ്യ കോപാരുണലോചനാഭ്യാം നിരീക്ഷ്യ തം നിശ്ചലമാതതാന .. 18-7..

ശശാപ തം ച ത്വമരേ മദർഥേ സബാന്ധവോ രാക്ഷസ നങ്ക്ഷ്യസീതി .
സ്വം കൗണപസ്പൃഷ്ടമശുദ്ധദേഹം യോഗേന സദ്യോ വിജഹൗ സതീ സാ .. 18-8..

ജാതാ പുനഃ സാ മിഥിലേശകന്യാ കാലേ ഹരിം ത്വാം പതിമാപ ദൈവാത് .
സ ഹന്യതാം സത്വരമാശരേന്ദ്രസ്തന്നാശകാലസ്തു സമാഗതശ്ച .. 18-9..

തദർഥമാരാധയ ലോകനാഥാം നവാഹയജ്ഞേന കൃതോപവാസഃ .
പ്രസാദ്യ താമേവ സുരാ നരാശ്ച കാമാൻ ലഭന്തേ ശുഭമേവ തേ സ്യാത് .. 18-10..

ഇത്യൂചിവാംസം മുനിമേവ രാമ ആചാര്യമാകല്പ്യ സലക്ഷ്മണസ്ത്വാം .
സമ്പൂജ്യ സുസ്മേരമുഖീം വ്രതാന്തേ സിംഹാധിരൂഢാം ച പുരോ ദദർശ .. 18-11..

ഭക്ത്യാ നതം തം ദ്രുതമാത്ഥ രാമ ഹരിസ്ത്വമംശേന മദാജ്ഞയൈവ .
ജാതോ നരത്വേന ദശാസ്യഹത്യൈ ദദാമി തച്ഛക്തിമഹം തവേഹ .. 18-12..

ശ്രുത്വാ തവോക്തിം സ ഹനൂമദാദ്യൈഃ സാകം കപീന്ദ്രൈഃ കൃതസേതുബന്ധഃ .
ലങ്കാം പ്രവിഷ്ടോ ഹതരാവണാദ്യഃ പുരീമയോധ്യാമഗമത്സസീതഃ .. 18-13..

ഹാ ദേവി ഭക്തിർന ഹി മേ ഗുരുശ്ച ന ചൈവ വസ്തുഗ്രഹണേ പടുത്വം .
സത്സംഗതിശ്ചാപി ന തേ പതന്തു കൃപാകടാക്ഷാ മയി തേ നമോഽസ്തു .. 18-14..