11 mal SWAMI VIVhttps://youtu.be/xPkwW8CFV5Q
D:\GR SLOKA\devinarayaneeyam\11 mal\11 mal.pptx
न चोरहार्यं न च राजहार्यं न भ्रातृभाज्यनम् न च भारकारि । व्यये कृते वर्धत एव नित्यम् विद्याधनं सर्वधनप्रधानं ॥ na chorahaaryaM na cha raajahaaryaMna bhraatR^ibhaajyaMna cha bhaarakaari | vyaye kR^ute vardhata eva nityam vidyaadhanaM sarvadhanapradhaanaM ||
Monday, 24 July 2023
13 ത്രയോദശദശകഃ - ഉതഥ്യമഹിമാ 13 13 mal viv swaminathan{12aug 2023] story mal
13 ത്രയോദശദശകഃ - ഉതഥ്യമഹിമാ
ത്രയോദശദശകഃ - ഉതഥ്യമഹിമാ
അഥാഗതഃ കശ്ചിദധിജ്യധന്വാ മുനിം നിഷാദഃ സഹസാ ജഗാദ .
ത്വം സത്യവാഗ്ബ്രൂഹി മുനേ ത്വയാ കിം ദൃഷ്ടഃ കിടിഃ സായകവിദ്ധദേഹഃ .. 13-1..
ദൃഷ്ടസ്ത്വയാ ചേദ്വദ സൂകരഃ ക്വ ഗതോ ന വാഽദൃശ്യത കിം മുനീന്ദ്ര .
അഹം നിഷാദഃ ഖലു വന്യവൃത്തിർമമാസ്തി ദാരാദികപോഷ്യവർഗഃ .. 13-2..
ശ്രുത്വാ നിഷാദസ്യ വചോ മുനിഃ സ തൂഷ്ണീം സ്ഥിതശ്ചിന്തയതി സ്മ ഗാഢം .
വദാമി കിം ദൃഷ്ട ഇതീര്യതേ ചേദ്ധന്യാദയം തം മമ ചാപ്യഘം സ്യാത് .. 13-3..
സത്യം നരം രക്ഷതി രക്ഷിതം ചേദസത്യവക്താ നരകം വ്രജേച്ച .
സത്യം ഹി സത്യം സദയം ന കിഞ്ചിത്സത്യം കൃപാശൂന്യമിദം മതം മേ .. 13-4..
ഏവം മുനേശ്ചിന്തയതഃ സ്വകാര്യവ്യഗ്രോ നിഷാദഃ പുനരേവമൂചേ .
ദൃഷ്ടസ്ത്വയാ കിം സ കിടിർന കിം വാ ദൃഷ്ടഃ സ ശീഘ്രം കഥയാത്ര സത്യം .. 13-5..
മുനിസ്തമാഹാത്ര പുനഃ പുനഃ കിം നിഷാദ മാം പൃച്ഛസി മോഹമഗ്നഃ .
പശ്യൻ ന ഭാഷേത ന ച ബ്രുവാണഃ പശ്യേദലം വാഗ്ഭിരവേഹി സത്യം .. 13-6..
ഉന്മാദിനോ ജല്പനമേതദേവം മത്വാ നിഷാദഃ സഹസാ ജഗാമ .
ന സത്യമുക്തം മുനിനാ ന കോലോ ഹതശ്ച സർവം തവ ദേവി ലീലാഃ .. 13-7..
ദ്രഷ്ടാ പരം ബ്രഹ്മ തദേവ ച സ്യാദിതി ശ്രുതിഃ പ്രാഹ ന ഭാഷതേ സഃ .
സദാ ബ്രുവാണസ്തു ന പശ്യതീദമയം ഹി സത്യവ്രതവാക്യസാരഃ .. 13-8..
ഭൂയഃ സ സാരസ്വതബീജമന്ത്രം ചിരം ജപൻ ജ്ഞാനനിധിഃ കവിശ്ച .
വാല്മീകിവത്സർവദിശി പ്രസിദ്ധോ ബഭൂവ ബന്ധൂൻ സമതർപയച്ച .. 13-9..
സ്മൃതാ നതാ ദേവി സുപൂജിതാ വാ ശ്രുതാ നുതാ വാ ഖലു വന്ദിതാ വാ .
ദദാസി നിത്യം ഹിതമാശ്രിതേഭ്യഃ കൃപാർദ്രചിത്തേ സതതം നമസ്തേ .. 13-10..
Subscribe to:
Posts (Atom)