18 ಅಷ್ಟಾದಶದಶಕಃ - ರಾಮಕಥಾ

ppt 

https://www.youtube.com/watch?v=VJyWyRGHlB8

18 ಅಷ್ಟಾದಶದಶಕಃ -    ರಾಮಕಥಾ


ಸೂರ್ಯಾನ್ವಯೇ ದಾಶರಥೀ ರಮೇಶೋ ರಾಮಾಭಿಧೋಽಭೂದ್ಭರತೋಽಥ ಜಾತಃ . 

          ಜ್ಯೇಷ್ಟಾನುವರ್ತ್ತೀ ಖಲು ಲಕ್ಷ್ಮಣಶ್ಚ ಶತ್ರುಘ್ನನಾಮಾಽಪಿ ಜಗದ್ವಿಧಾತ್ರಿ .. 18-1..

ವಿಮಾತೃವಾಕ್ಯೋಜ್ಝಿತರಾಜ್ಯಭೋಗೋ ರಾಮಃ ಸಸೀತಃ ಸಹಲಕ್ಷ್ಮಣಶ್ಚ .
ಚರನ್ ಜಟಾವಲ್ಕಲವಾನರಣ್ಯೇ ಗೋದಾವರೀತೀರಮವಾಪ ದೇವಿ .. 18-2..

ತಂ ವಂಚಯನ್ ರಾವಣ ಏತ್ಯ ಮಾಯೀ ಜಹಾರ ಸೀತಾಂ ಯತಿರೂಪಧಾರೀ .
ರಾಮಸ್ಯ ಪತ್ನೀವಿರಹಾತುರಸ್ಯ ಶ್ರುತ್ವಾ ವಿಲಾಪಂ ವನಮಪ್ಯರೋದೀತ್ .. 18-3..

ಶ್ರೀನಾರದೋಽಭ್ಯೇತ್ಯ ಜಗಾದ ರಾಮಂ ಕಿಂ ರೋದಿಷಿ ಪ್ರಾಕೃತಮರ್ತ್ಯತುಲ್ಯಃ .
ತ್ವಂ ರಾವಣಂ ಹಂತುಮಿಹಾವತೀರ್ಣೋ ಹರಿಃ ಕಥಂ ವಿಸ್ಮರಸೀದಮಾರ್ಯ .. 18-4..

ಕೃತೇ ಯುಗೇ ವೇದವತೀತಿ ಕನ್ಯಾ ಹರಿಂ ಶ್ರುತಿಜ್ಞಾ ಪತಿಮಾಪ್ತುಮೈಚ್ಛತ್ .
ಸಾ ಪುಷ್ಕರದ್ವೀಪಗತಾ ತದರ್ಥಮೇಕಾಕಿನೀ ತೀವ್ರತಪಶ್ಚಕಾರ .. 18-5..

ಶ್ರುತಾ ತಯಾಽಭೂದಶರೀರಿವಾಕ್ ತೇ ಹರಿಃ ಪತಿರ್ಭಾವಿನಿ ಜನ್ಮನಿ ಸ್ಯಾತ್ .
ನಿಶಮ್ಯ ತದ್ಧೃಷ್ಟಮನಾಸ್ತಥೈವ ಕೃತ್ವಾ ತಪಸ್ತತ್ರ ನಿನಾಯ ಕಾಲಂ .. 18-6..

ತಾಂ ರಾವಣಃ ಕಾಮಶರಾರ್ದ್ದಿತಃ ಸಂಶ್ಚಕರ್ಷ ಸಾ ಚ ಸ್ತವನೇನ ದೇವೀಂ .
ಪ್ರಸಾದ್ಯ ಕೋಪಾರುಣಲೋಚನಾಭ್ಯಾಂ ನಿರೀಕ್ಷ್ಯ ತಂ ನಿಶ್ಚಲಮಾತತಾನ .. 18-7..
ಶಶಾಪ ತಂ ಚ ತ್ವಮರೇ ಮದರ್ಥೇ ಸಬಾಂಧವೋ ರಾಕ್ಷಸ ನಂಕ್ಷ್ಯಸೀತಿ . ಸ್ವಂ ಕೌಣಪಸ್ಪೃಷ್ಟಮಶುದ್ಧದೇಹಂ ಯೋಗೇನ ಸದ್ಯೋ ವಿಜಹೌ ಸತೀ ಸಾ .. 18-8.. ಜಾತಾ ಪುನಃ ಸಾ ಮಿಥಿಲೇಶಕನ್ಯಾ ಕಾಲೇ ಹರಿಂ ತ್ವಾಂ ಪತಿಮಾಪ ದೈವಾತ್ . ಸ ಹನ್ಯತಾಂ ಸತ್ವರಮಾಶರೇಂದ್ರಸ್ತನ್ನಾಶಕಾಲಸ್ತು ಸಮಾಗತಶ್ಚ .. 18-9.. ತದರ್ಥಮಾರಾಧಯ ಲೋಕನಾಥಾಂ ನವಾಹಯಜ್ಞೇನ ಕೃತೋಪವಾಸಃ . ಪ್ರಸಾದ್ಯ ತಾಮೇವ ಸುರಾ ನರಾಶ್ಚ ಕಾಮಾನ್ ಲಭಂತೇ ಶುಭಮೇವ ತೇ ಸ್ಯಾತ್ .. 18-10.. ಇತ್ಯೂಚಿವಾಂಸಂ ಮುನಿಮೇವ ರಾಮ ಆಚಾರ್ಯಮಾಕಲ್ಪ್ಯ ಸಲಕ್ಷ್ಮಣಸ್ತ್ವಾಂ . ಸಂಪೂಜ್ಯ ಸುಸ್ಮೇರಮುಖೀಂ ವ್ರತಾಂತೇ ಸಿಂಹಾಧಿರೂಢಾಂ ಚ ಪುರೋ ದದರ್ಶ .. 18-11.. ಭಕ್ತ್ಯಾ ನತಂ ತಂ ದ್ರುತಮಾತ್ಥ ರಾಮ ಹರಿಸ್ತ್ವಮಂಶೇನ ಮದಾಜ್ಞಯೈವ . ಜಾತೋ ನರತ್ವೇನ ದಶಾಸ್ಯಹತ್ಯೈ ದದಾಮಿ ತಚ್ಛಕ್ತಿಮಹಂ ತವೇಹ .. 18-12.. ಶ್ರುತ್ವಾ ತವೋಕ್ತಿಂ ಸ ಹನೂಮದಾದ್ಯೈಃ ಸಾಕಂ ಕಪೀಂದ್ರೈಃ ಕೃತಸೇತುಬಂಧಃ . ಲಂಕಾಂ ಪ್ರವಿಷ್ಟೋ ಹತರಾವಣಾದ್ಯಃ ಪುರೀಮಯೋಧ್ಯಾಮಗಮತ್ಸಸೀತಃ .. 18-13.. ಹಾ ದೇವಿ ಭಕ್ತಿರ್ನ ಹಿ ಮೇ ಗುರುಶ್ಚ ನ ಚೈವ ವಸ್ತುಗ್ರಹಣೇ ಪಟುತ್ವಂ . ಸತ್ಸಂಗತಿಶ್ಚಾಪಿ ನ ತೇ ಪತಂತು ಕೃಪಾಕಟಾಕ್ಷಾ ಮಯಿ ತೇ ನಮೋಽಸ್ತು .. 18-14..

17 ಸಪ್ತದಶದಶಕಃ - ಸುದರ್ಶನಕೋಸಲಪ್ರಾಪ್ತಿಃ

PPT17 

https://youtu.be/uqWBL4kkKEY
17 ಸಪ್ತದಶದಶಕಃ  -    ಸುದರ್ಶನಕೋಸಲಪ್ರಾಪ್ತಿಃ


ಯುಧಾಜಿತಂ ಶತ್ರುಜಿತಂ ಚ ಹತ್ವಾ ರಣಾಂಗಣಸ್ಥಾ ನುತಿಭಿಃ ಪ್ರಸನ್ನಾ .
ಸುಬಾಹುಮುಖ್ಯಾನನುಗೃಹ್ಯ ಭಕ್ತಾನ್ ಸರ್ವೇಷು ಪಶ್ಯತ್ಸು ತಿರೋದಧಾಥ .. 17-1..

ಪೃಷ್ಟೋ ನೃಪಾನ್ ಪ್ರಾಹ ಸುದರ್ಶನಸ್ತಾನ್ ದೃಷ್ಟಾ ಭವದ್ಭಿಃ ಖಲು ಸರ್ವಶಕ್ತಾ .
ಯಾ ನಿರ್ಗುಣಾ ಯೋಗಿಭಿರಪ್ಯದೃಶ್ಯಾ ದೃಶ್ಯಾ ಚ ಭಕ್ತೈಃ ಸಗುಣಾ ವಿನೀತೈಃ .. 17-2..

ಯಾ ರಾಜಸೀದಂ ಸೃಜತೀವ ಶಕ್ತಿರ್ಯಾ ಸಾತ್ವಿಕೀ ಪಾಲಯತೀವ ವಿಶ್ವಂ .
ಯಾ ತಾಮಸೀ ಸಂಹರತೀವ ಸರ್ವಂ ಸದ್ವಸ್ತು ಸೈವಾನ್ಯದಸತ್ಸಮಸ್ತಂ .. 17-3..

ಭಕ್ತಾರ್ತಿಹಂತ್ರೀ ಕರುಣಾಮಯೀ ಸಾ ಭಕ್ತದ್ರುಹಾಂ ಭೀತಿಕರೀ ಪ್ರಕಾಮಂ .
ವಸನ್ ಭರದ್ವಾಜತಪೋವನಾಂತೇ ಚಿರಾಯ ಮಾತ್ರಾ ಸಹ ತಾಂ ಭಜೇಽಹಂ .. 17-4..

ತಾಮೇವ ಭಕ್ತ್ಯಾ ಭಜತೇಹ ಭುಕ್ತಿಮುಕ್ತಿಪ್ರದಾಮಸ್ತು ಶುಭಂ ಸದಾ ವಃ .
ಶ್ರುತ್ವೇದಮಾನಮ್ರಮುಖಾಸ್ತಥೇತಿ ಸಮ್ಮಂತ್ರ್ಯ ಭೂಪಾಶ್ಚ ತತೋ ನಿವೃತ್ತಾಃ .. 17-5..

ಸುದರ್ಶನೋ ಮಾತೃವಧೂಸಮೇತಃ ಸುಬಾಹುಮಾಪೃಛ್ಯ ರಥಾಧಿರೂಢಃ .
ಪುರೀಮಯೋಧ್ಯಾಂ ಪ್ರವಿಶನ್ ಪುರೇವ ಸೀತಾಪತಿಸ್ತೋಷಯತಿ ಸ್ಮ ಸರ್ವಾನ್ .. 17-6..

ಲೀಲಾವತೀಂ ಪ್ರಾಪ್ಯ ವಿಮಾತರಂ ಚ ನತ್ವಾ ವಿಷಣ್ಣಾಂ ಹತಪುತ್ರತಾತಾಂ .
ಸದುಕ್ತಿಭಿಃ ಕರ್ಮಗತೀಃ ಪ್ರಬೋಧ್ಯ ಸ ಸಾಂತ್ವಯಾಮಾಸ ಮಹೇಶಿ ಭಕ್ತಃ .. 17-7..

ಜನೇಷು ಪಶ್ಯತ್ಸು ಸುದರ್ಶನೋಽತ್ರ ತ್ವಾಂ ಪೂಜಯಿತ್ವಾ ಗುರುಣಾಽಭಿಷಿಕ್ತಃ .
ರಾಜ್ಯೇ ತ್ವದೀಯಂ ಗೃಹಮಾಶು ಕೃತ್ವಾ ಪೂಜಾವಿಧಾನಾದಿ ಚ ಸಂವೃಧತ್ತ .. 17-8..

ತಸ್ಮಿನ್ ನೃಪೇ ತ್ವತ್ಸದನಾನಿ ಕೃತ್ವಾ ಜನಾಃ ಪ್ರತಿಗ್ರಾಮಮಪೂಜಯಂಸ್ತ್ವಾಂ .
ಕಾಶ್ಯಾಂ ಸುಬಾಹುಶ್ಚ ತಥಾಽಕರೋತ್ತೇ ಸರ್ವತ್ರ ಪೇತುಃ ಕರುಣಾಕಟಾಕ್ಷಾಃ .. 17-9..

ನ ಕರ್ಮಣಾ ನ ಪ್ರಜಯಾ ಧನೇನ ನ ಯೋಗಸಾಂಖ್ಯಾದಿವಿಚಿಂತಯಾ ಚ .
ನ ಚ ವ್ರತೇನಾಪಿ ಸುಖಾನುಭೂತಿರ್ಭಕ್ತ್ಯೈವ ಮರ್ತ್ಯಃ ಸುಖಮೇತಿ ಮಾತಃ .. 17-10..

ನಾಹಂ ಸುಬಾಹುಶ್ಚ ಸುದರ್ಶನಶ್ಚ ನ ಮೇ ಭರದ್ವಾಜಮುನಿಃ ಶರಣ್ಯಃ .
ಗುರುಃ ಸುಹೃದ್ಬಂಧುರಪಿ ತ್ವಮೇವ ಮಹೇಶ್ವರಿ ತ್ವಾಂ ಸತತಂ ನಮಾಮಿ .. 17-11..

16 ಷೋಡಶದಶಕಃ - ಸುದರ್ಶನವಿವಾಹಂ PPT

 

16 ಷೋಡಶದಶಕಃ  -    ಸುದರ್ಶನವಿವಾಹಂ
PPT

https://www.youtube.com/watch?v=31R08P8WX5A

ಶ್ರುತ್ವಾ ವಧೂವಾಕ್ಯಮರಂ ಕುಮಾರೋ ಹೃಷ್ಟೋ ಭರದ್ವಾಜಮುನಿಂ ಪ್ರಣಮ್ಯ .
ಆಪೃಛ್ಯ ಮಾತ್ರಾ ಸಹ ದೇವಿ ಸ ತ್ವಾಂ ಸ್ಮರನ್ ರಥೇನಾಪ ಪುರಂ ಸುಬಾಹೋಃ .. 16-1..

ಸ್ವಯಂವರಾಹೂತಮಹೀಭುಜಾಂ ಸ ಸಭಾಂ ಪ್ರವಿಷ್ಟೋ ಹತಭೀರ್ನಿಷಣ್ಣಃ .
ಕನ್ಯಾ ಕಲಾ ಪೂರ್ಣಶಶೀ ತ್ವಸಾವಿತ್ಯಾಹುರ್ಜನಾಸ್ತಾಮಭಿವೀಕ್ಷಮಾಣಾಃ .. 16-2..

ವಧೂಶ್ಚ ತದ್ದರ್ಶನವರ್ಧಿತಾನುರಾಗಾ ಸ್ಮರಂತೀ ತವ ವಾಕ್ಯಸಾರಂ .
ಸಭಾಂ ನೃಪಾಣಾಮಜಿತೇಂದ್ರಿಯಾಣಾಂ ನ ಪ್ರಾವಿಶತ್ಸಾ ಪಿತೃಚೋದಿತಾಽಪಿ .. 16-3..

ಶಂಕಾಕುಲಾಸ್ತೇ ನೃವರಾ ಬಭೂವುರುಚ್ಚೈರ್ಯುಧಾಜಿತ್ಕುಪಿತೋ ಜಗಾದ- .
ಮಾ ದೀಯತಾಂ ಲೋಕಹಿತಾನಭಿಜ್ಞಾ ವಧೂರಶಕ್ತಾಯ ಸುದರ್ಶನಾಯ .. 16-4..

ಬಾಲೋಽಯಮಿತ್ಯೇಷ ಮಯಾಽಽಶ್ರಮೇ ಪ್ರಾಗುಪೇಕ್ಷಿತಃ ಸೋಽತ್ರ ರಿಪುತ್ವಮೇತಿ .
ಮಾಽಯಂ ಚ ವಧ್ವಾ ವ್ರಿಯತಾಂ ವೃತಶ್ಚೇದ್ಧನ್ಯಾಮಿಮಂ ತಾಂ ಚ ಹರೇಯಮಾಶು .. 16-5..

ಶ್ರುತ್ವಾ ಯುಧಾಜಿದ್ವಚನಂ ನೃಪಾಲಾ ಹಿತೈಷಿಣಃ ಕೇಚಿದುಪೇತ್ಯ ಸರ್ವಂ .
ಸುದರ್ಶನಂ ಪ್ರೋಚುರಥಾಪಿ ಧೀರಃ ಸ ನಿರ್ಭಯೋ ನೈವ ಚಚಾಲ ದೇವಿ .. 16-6..

ಏಕತ್ರ ಪುತ್ರೀ ಚ ಸುದರ್ಶನಶ್ಚ ಯುಧಾಜಿದನ್ಯತ್ರ ಬಲೀ ಸಕೋಪಃ .
ತನ್ಮಧ್ಯಗೋ ಮಂಕ್ಷು ನೃಪಃ ಸುಬಾಹುರ್ಬದ್ಧಾಂಜಲಿಃ ಪ್ರಾಹ ನೃಪಾನ್ ವಿನಮ್ರಃ .. 16-7..

ನೃಪಾ ವಚೋ ಮೇ ಶೃಣುತೇಹ ಬಾಲಾ ನಾಯಾತಿ ಪುತ್ರೀ ಮಮ ಮಂಡಪೇಽತ್ರ .
ತತ್ಕ್ಷಮ್ಯತಾಂ ಶ್ವೋಽತ್ರ ನಯಾಮ್ಯಹಂ ತಾಂ ಯಾತಾದ್ಯ ವೋ ವಿಶ್ರಮಮಂದಿರಾಣಿ .. 16-8..

ಗತೇಷು ಸರ್ವೇಷು ಸುದರ್ಶನಸ್ತು ತ್ವಾಂ ಸಂಸ್ಮರನ್ ಮಾತೃಹಿತಾನುಸಾರೀ .
ಸುಬಾಹುನಾ ತನ್ನಿಶಿ ತೇನ ದತ್ತಾಂ ವಧೂಂ ಯಥಾವಿಧ್ಯುದುವಾಹ ದೇವಿ .. 16-9..

ಪ್ರಾತರ್ಯುಧಾಜಿತ್ಪ್ರಬಲೋ ವಿವಾಹವಾರ್ತಾಂ ನಿಶಮ್ಯಾತ್ತರುಷಾ ಸಸೈನ್ಯಃ .
ಸುದರ್ಶನಂ ಮಾತೃವಧೂಸಮೇತಂ ಯಾತ್ರೋನ್ಮುಖಂ ಭೀಮರವೋ ರುರೋಧ .. 16-10..

ತತೋ ರಣೇ ಘೋರತರೇ ಸುಬಾಹುಃ ಕ್ಲೀಂ ಕ್ಲೀಮಿತೀಶಾನಿ ಸಮುಚ್ಚಚಾರ .
ತತ್ರಾವಿರಾಸೀಃ ಸಮರಾಂಗಣೇ ತ್ವಂ ಸಿಂಹಾಧಿರೂಢಾ ಸ್ವಜನಾರ್ತಿಹಂತ್ರೀ .. 16-11..

ತ್ವನ್ನಾಮ ಗಾಯನ್ ಕಥಯನ್ ಗುಣಾಂಸ್ತೇ ತ್ವಾಂ ಪೂಜಯಂಶ್ಚಾತ್ರ ನಯಾಮಿ ಕಾಲಂ .
ಸ್ವಪ್ನೇಽಪಿ ದೃಷ್ಟಾ ನ ಮಯಾ ತ್ವಮಂಬೇ ಕೃಪಾಂ ಕುರು ತ್ವಂ ಮಯಿ ತೇ ನಮೋಽಸ್ತು .. 16-12..

15 ಪಂಚದಶದಶಕಃ - ಸುದರ್ಶನಕಥಾ - ದೇವೀದರ್ಶನಂ

video 

ppt edited audio

PPT




ಏವಂ ತವೈವ ಕೃಪಯಾ ಮುನಿವರ್ಯಶೀತಚ್ಛಾಯಾಶ್ರಿತೋ ಹತಭಯಃ ಸ ಸುದರ್ಶನೋಽಯಂ .
ವೇದಧ್ವನಿಶ್ರವಣಪೂತಹೃದಾಶ್ರಮಾಂತೇ ಸಮ್ಮೋದಯನ್ ಮುನಿಜನಾನ್ ವವೃಧೇ ಕುಮಾರಃ .. 15-1..

ಆಬಾಲ್ಯಮೇಷ ಮುನಿಬಾಲಕಸಂಗಮೇನ ಕ್ಲೀಂ ಕ್ಲೀಮಿತೀಶ್ವರಿ ಸದಾ ತವ ಬೀಜಮಂತ್ರಂ .
ತತ್ರೋಚ್ಚಚಾರ ಕೃಪಯಾಽಸ್ಯ ಪುರಃ ಕದಾಚಿದಾವಿರ್ಬಭೂವಿಥ ನತಂ ತಮಭಾಷಥಾಶ್ಚ .. 15-2..

ಪ್ರೀತಾಽಸ್ಮಿ ತೇ ಸುತ ಜಗಜ್ಜನನೀಮವೇಹಿ ಮಾಂ ಸರ್ವಕಾಮವರದಾಂ ತವ ಭದ್ರಮಸ್ತು .
ಚಂದ್ರಾನನಾಂ ಶಶಿಕಲಾಂ ವಿಮಲಾಂ ಸುಬಾಹೋಃ ಕಾಶೀಶ್ವರಸ್ಯ ತನಯಾಂ ವಿಧಿನೋದ್ವಹ ತ್ವಂ .. 15-3..

ನಷ್ಟಾ ಭವೇಯುರಚಿರೇಣ ತವಾರಿವರ್ಗಾ ರಾಜ್ಯಂ ಚ ಯೈರಪಹೃತಂ ಪುನರೇಷ್ಯಸಿ ತ್ವಂ .
ಮಾತೃದ್ವಯೇನ ಸಚಿವೈಶ್ಚ ಸಮಂ ಸ್ವಧರ್ಮಾನ್ ಕುರ್ಯಾಃ ಸದೇತಿ ಸಮುದೀರ್ಯ ತಿರೋದಧಾಥ .. 15-4..

ಸ್ವಪ್ನೇ ತ್ವಯಾ ಶಶಿಕಲಾ ಕಥಿತಾಽಸ್ತಿ ಭಾರದ್ವಾಜಾಶ್ರಮೇ ಪ್ರಥಿತಕೋಸಲವಂಶಜಾತಃ .
ಧೀಮಾನ್ ಸುದರ್ಶನ ಇತಿ ಧ್ರುವಸಂಧಿಪುತ್ರ ಏನಂ ಪತಿಂ ವೃಣು ತವಾಸ್ತು ಶುಭಂ ಸದೇತಿ .. 15-5..

ಸ್ವಪ್ನಾನುಭೂತಮನೃತಂ ಕಿಮೃತಂ ನ ವೇತಿ ಸುಪ್ತೋತ್ಥಿತಾ ತು ಮತಿಮತ್ಯಪಿ ನ ವ್ಯಜಾನಾತ್ .
ಪೃಷ್ಟಾತ್ಸುದರ್ಶನಕಥಾಂ ಸುಮುಖೀ ದ್ವಿಜಾತ್ಸಾ ಶ್ರುತ್ವಾಽನುರಕ್ತಹೃದಯೈವ ಬಭೂವ ದೇವಿ .. 15-6..

ಜ್ಞಾತ್ವಾ ಸುಬಾಹುರಿದಮಾಕುಲಮಾನಸಸ್ತಾಮಸ್ಮಾನ್ನಿವರ್ತ್ತಯಿತುಮಾಶು ಸಹೇಷ್ಟಪತ್ನ್ಯಾ .
ಕೃತ್ವಾ ಪ್ರಯತ್ನಮಖಿಲಂ ವಿಫಲಂ ಚ ಪಶ್ಯನ್ನಿಚ್ಛಾಸ್ವಯಂವರವಿಧಿಂ ಹಿತಮೇವ ಮೇನೇ .. 15-7..

ಕಶ್ಚಿತ್ಕದಾಚನ ಸುದರ್ಶನಮೇತ್ಯ ವಿಪ್ರಃ ಪ್ರಾಹಾಗತಃ ಶಶಿಕಲಾವಚಸಾಽಹಮತ್ರ .
ಸಾ ತ್ವಾಂ ಬ್ರವೀತಿ- ನೃಪಪುತ್ರ ಜಗಜ್ಜನನ್ಯಾ ವಾಚಾ ವೃತೋಽಸಿ ಪತಿರಸ್ಮಿ ತವೈವ ದಾಸೀ .. 15-8..

ಅತ್ರಾಗತಾ ನೃಪತಯೋ ಬಹವಸ್ತ್ವಮೇತ್ಯ ತೇಷಾಂ ಸುಧೀರ ಮಿಷತಾಂ ನಯ ಮಾಂ ಪ್ರಿಯಾಂ ತೇ .
ಏವಂ ವಧೂವಚನಮಾನಯ ತಾಂ ಸುಶೀಲಾಂ ಭದ್ರಂ ತವಾಸ್ತ್ವಿದಮುದೀರ್ಯ ಜಗಾಮ ವಿಪ್ರಃ .. 15-9..

ಸ್ವಪ್ನೇ ಚ ಜಾಗ್ರತಿ ಚ ಪಶ್ಯತಿ ಭಕ್ತವರ್ಯಸ್ತ್ವಾಂ ಸಂತತಂ ತವ ವಚೋ ಮಧುರಂ ಶೃಣೋತಿ .
ಐಶ್ವರ್ಯಮಾಶು ಲಭತೇಽಪಿ ಚ ಮುಕ್ತಿಮೇತಿ ತ್ವದ್ಭಕ್ತಿಮೇವ ಮಮ ದೇಹಿ ನಮೋ ಜನನ್ಯೈ .. 15-10..

14 ಚತುರ್ದಶದಶಕಃ - ಸುದರ್ಶನಕಥಾ - ಭರದ್ವಾಜಾಶ್ರಮಪ್ರವೇಶಂ

 

14 ಚತುರ್ದಶದಶಕಃ -    ಸುದರ್ಶನಕಥಾ - ಭರದ್ವಾಜಾಶ್ರಮಪ್ರವೇಶಂ
https://youtu.be/sl9IcJDLBGA




PPT
ರಾಜಾ ಪುರಾಽಽಸೀತ್ಕಿಲ ಕೋಸಲೇಷು ಧರ್ಮೈಕನಿಷ್ಠೋ ಧ್ರುವಸಂಧಿನಾಮಾ .
ಆಸ್ತಾಂ ಪ್ರಿಯೇ ಅಸ್ಯ ಮನೋರಮಾ ಚ ಲೀಲಾವತೀ ಚೇತಿ ದೃಢಾನುರಕ್ತೇ .. 14-1..

ಮನೋರಮಾಽಸೂತ ಸುದರ್ಶನಾಖ್ಯಂ ಕುಮಾರಕಂ ಶತ್ರುಜಿತಂ ಚ ಸಾಽನ್ಯಾ .
ಸಂವರ್ಧಯಂಸ್ತೌ ಮೃಗಯಾವಿಹಾರೀ ವನೇ ನೃಪೋ ಹಾ ಹರಿಣಾ ಹತೋಽಭೂತ್ .. 14-2..

ವಿಚಿಂತಯನ್ ರಾಜಕುಲಸ್ಯ ವೃತ್ತಂ ತಜ್ಜ್ಯೇಷ್ಠಪುತ್ರಸ್ಯ ಸುದರ್ಶನಸ್ಯ .
ರಾಜ್ಯಾಭಿಷೇಕಾಯ ಗುರುರ್ವಸಿಷ್ಠಶ್ಚಕಾರ ಮಂತ್ರಂ ಸಚಿವೈಃ ಸಮೇತಃ .. 14-3..

ಮಾತಾಮಹಃ ಶತ್ರುಜಿತೋ ಯುಧಾಜಿದಭ್ಯೇತ್ಯ ಸದ್ಯೋಽಮಿತವೀರ್ಯಶಾಲೀ .
ರಾಜ್ಯೇ ಸ್ವದೌಹಿತ್ರಮಿಹಾಭಿಷಿಕ್ತಂ ಕರ್ತುಂ ಕುಬುದ್ಧಿಃ ಕುರುತೇ ಸ್ಮ ಯತ್ನಂ .. 14-4..

ಮನೋರಮಾಯಾ ಅಪಿ ವೀರಸೇನಃ ಪಿತಾಽಭ್ಯುಪೇತ್ಯಾಶು ರುರೋಧ ತಸ್ಯ .
ಯತ್ನಂ ಬಲೀ ಸ್ವಸ್ವಸುತಾಸುತಾಭಿಷೇಕೈಕಬುದ್ಧೀ ಖಲು ತಾವಭೂತಾಂ .. 14-5..

ಕೃತ್ವಾ ವಿವಾದಂ ಚ ತತೋ ನೃಪೌ ದ್ವೌ ಘೋರಂ ರಣಂ ಚಕ್ರತುರಿದ್ಧರೋಷೌ .
ಯುಧಾಜಿತಾ ತತ್ರ ತು ವೀರಸೇನೋ ದೈವಾದ್ಧತೋಽಭೂದ್ಧರಿಣಾ ಕರೀವ .. 14-6..

ರಾಜ್ಯೇಽಭಿಷಿಕ್ತಃ ಖಲು ಶತ್ರುಜಿತ್ಸ ಬಾಲಸ್ತತೋಽಯಂ ರಿಪುಭಿದ್ಯುಧಾಜಿತ್ .
ದೌಹಿತ್ರರಾಜ್ಯಂ ಸುಖಮೇಕನಾಥಃ ಶಶಾಸ ವಜ್ರೀವ ದಿವಂ ಮಹೇಶಿ .. 14-7..

ಪತ್ಯುಃ ಪಿತುಶ್ಚಾಪಿ ಮೃತೇರನಾಥಾ ಭೀತಾ ವಿದಲ್ಲಾಭಿಧಮಂತ್ರಿಯುಕ್ತಾ .
ಮನೋರಮಾ ಬಾಲಸುತಾ ತ್ವರಣ್ಯೇ ಯಯೌ ಭರದ್ವಾಜಮುನಿಂ ಶರಣ್ಯಂ .. 14-8..

ತಪೋನಿಧಿರ್ದೀನಜನಾನುಕಂಪೀ ಜ್ಞಾತ್ವಾ ಮುನಿಸ್ತಾಂ ಧ್ರುವಸಂಧಿಪತ್ನೀಂ .
ಉವಾಚ- ವತ್ಸೇ ವಸ ನಿರ್ಭಯೈವ ತಪೋವನೇಽತ್ರಾಸ್ತು ಶುಭಂ ತವೇತಿ .. 14-9..

ಅಲ್ಪೋಽಪ್ಯುಪೇಕ್ಷ್ಯೋ ನ ರಿಪುರ್ನ ರೋಗೋಽಪ್ಯೇವಂ ಸ್ಮರನ್ನಾಶು ನೃಪೋ ಯುಧಾಜಿತ್ .
ತಾಂ ಹರ್ತುಕಾಮಃ ಸಸುತಾಂ ಮಹರ್ಷೇಃ ಪ್ರಾಪಾಶ್ರಮಂ ಮಂತ್ರಿವರೇಣ ಸಾಕಂ .. 14-10..

ನ ಮಾನಿತಸ್ತೇನ ತಪಸ್ವಿನಾ ಸ ಮನೋರಮಾಂ ನೈವ ಸುತಂ ಚ ಲೇಭೇ .
ಪ್ರಹರ್ತುಕಾಮೋಽಪಿ ಮುನಿಂ ಸ ಮಂತ್ರಿವಾಚಾ ನಿವೃತ್ತಃ ಶ್ರುತಕೌಶಿಕೋಽಭೂತ್ .. 14-11..

ಏವಂ ಮುನಿಸ್ತಾಂ ಸಸುತಾಂ ರರಕ್ಷ ಭೀತೋಽಸ್ಮಿ ಸಂಸಾರಯುಧಾಜಿತೋಽಹಂ .
ನ ಮೇ ಸಹಾಯೋಽಸ್ತಿ ವಿನಾ ತ್ವಯೈಷ ಸನೂಪುರಂ ತೇ ಚರಣಂ ನಮಾಮಿ .. 14-12.

.<iframe src="https://onedrive.live.com/embed?resid=9854A1791CB05F1C%211012&amp;authkey=!AHwg3v3FfxcbnCg&amp;em=2&amp;wdAr=1.7777777777777777" width="476px" height="288px" frameborder="0">This is an embedded <a target="_blank" href="https://office.com">Microsoft Office</a> presentation, powered by <a target="_blank" href="https://office.com/webapps">Office</a>.</iframe>

23 ത്രയോവിംശദശകഃ - മഹാലക്ഷ്മ്യവതാരഃ DASAKAM23 MALAYALAM STORY@5G read by Swaminathan N

https://youtu.be/vY_D-J_0lDU 

23 ത്രയോവിംശദശകഃ - മഹാലക്ഷ്മ്യവതാരഃ

രംഭസ്യ പുത്രോ മഹിഷാസുരഃ പ്രാക് തീവ്രൈസ്തപോഭിർദ്രുഹിണാത്പ്രസന്നാത് .
അവധ്യതാം പുംഭിരവാപ്യ ധൃഷ്ടോ ന മേ മൃതിഃ സ്യാദിതി ച വ്യചിന്തീത് .. 23-1..

സ ചിക്ഷുരാദ്യൈരസുരൈഃ സമേതഃ ശക്രാദിദേവാന്യുധി പദ്മജം ച .
രുദ്രം ച വിഷ്ണും ച വിജിത്യ നാകേ വസൻ ബലാദ്യജ്ഞഹവിർജഹാര .. 23-2..

ചിരം ഭൃശം ദൈത്യനിപീഡിതാസ്തേ ദേവാഃ സമം പദ്മജശങ്കരാഭ്യാം .
ഹരിം സമേത്യാസുരദൗഷ്ട്യമൂചൂസ്ത്വാം സംസ്മരൻ ദേവി മുരാരിരാഹ .. 23-3..

സുരാ വയം തേന രണേഽതിഘോരേ പരാജിതാ ദൈത്യവരോ ബലിഷ്ഠഃ .
മത്തോ ഭൃശം പുംഭിരവധ്യഭാവാന്ന നഃ സ്ത്രിയോ യുദ്ധവിചക്ഷണാശ്ച .. 23-4..

തേജോഭിരേകാ ഭവതീഹ നശ്ചേത്സൈവാസുരാൻ ഭീമബലാന്നിഹന്താ .
യഥാ ഭവത്യേതദരം തഥൈവ സമ്പ്രാർഥയാമോഽവതു നോ മഹേശീ .. 23-5..

ഏവം ഹരൗ വക്തരി പദ്മജാതാത്തേജോഽഭവദ്രാജസരക്തവർണം .
ശിവാദഭൂത്താമസരൗപ്യവർണം നീലപ്രഭം സാത്ത്വികമച്യുതാച്ച .. 23-6..

തേജാംസ്യഭൂവൻ വിവിധാനി ശക്രമുഖാമരേഭ്യോ മിഷതോഽഖിലസ്യ .
സമ്യോഗതസ്താന്യചിരേണ മാതഃ സ്ത്രീരൂപമഷ്ടാദശഹസ്തമാപുഃ .. 23-7..

തത്തു ത്വമാസീഃ ശുഭദേ മഹാലക്ഷ്മ്യാഖ്യാ ജഗന്മോഹനമോഹനാംഗീ .
ത്വം ഹ്യേവ ഭക്താഭയദാനദക്ഷാ ഭക്തദ്രുഹാം ഭീതികരീ ച ദേവി .. 23-8..

സദ്യസ്ത്വമുച്ചൈശ്ചകൃഷേഽട്ടഹാസം സുരാഃ പ്രഹൃഷ്ടാ വസുധാ ചകമ്പേ .
ചുക്ഷോഭ സിന്ധുർഗിരയോ വിചേലുർദൈത്യശ്ച മത്തോ മഹിഷശ്ചുകോപ .. 23-9..

ത്വാം സുന്ദരീം ചാരമുഖാത് സ ദൈത്യോ വിജ്ഞായ കാമീ വിസസർജ ദൂതം .
സ ചേശ്വരീം ദൈത്യഗുണാൻ പ്രവക്താ ത്വാം നേതുകാമോ വിഫലോദ്യമോഽഭൂത് .. 23-10..

പ്രലോഭനൈസ്ത്വാമഥ ദേവശക്തിം ജ്ഞാത്വാഽപി വാക്യൈരനുനേതുകാമഃ .
ഏകൈകശഃ പ്രേഷയതിസ്മ ദൂതാൻ ത്വാം കാമിനീം കർതുമിമേ ന ശേകുഃ .. 23-11..

അവേഹി മാം പുച്ഛവിഷാണഹീനം ഭാരം വഹന്തം മഹിഷം ദ്വിപാദം .
ഹിംസന്തി മാം സ്വർഥിജനാസ്ത്വമേവ രക്ഷാകരീ മേ ശുഭദേ നമസ്തേ .. 23-12..