33 ತ್ರಯಸ್ತ್ರಿಂಶದಶಕಃ - ಗೌತಮಕಥಾKANNADA NARRATI0N Pr0fManjula Bharadwaj ST0RY@5G

 

https://www.youtube.com/watch?v=CBExhIxZg64

33 ತ್ರಯಸ್ತ್ರಿಂಶದಶಕಃ -    ಗೌತಮಕಥಾ
ಶಕ್ರಃ ಪುರಾ ಜೀವಗಣಸ್ಯ ಕರ್ಮದೋಷಾತ್ಸಮಾಃ ಪಂಚದಶ ಕ್ಷಮಾಯಾಂ .
ವೃಷ್ಟಿಂ ನ ಚಕ್ರೇ ಧರಣೀ ಚ ಶುಷ್ಕವಾಪೀತಡಾಗಾದಿಜಲಾಶಯಾಽಽಸೀತ್ .. 33-1..

ಸಸ್ಯಾನಿ ಶುಷ್ಕಾಣಿ ಖಗಾನ್ ಮೃಗಾಂಶ್ಚ ಭುಕ್ತ್ವಾಽಪ್ಯತೃಪ್ತಾಃ ಕ್ಷುಧಯಾ ತೃಷಾ ಚ .
ನಿಪೀಡಿತಾ ಮರ್ತ್ಯಶವಾನಿ ಚಾಹೋ ಮರ್ತ್ಯಾ ಅನಿಷ್ಟಾನ್ಯಪಿ ಭುಂಜತೇ ಸ್ಮ .. 33-2..

ಕ್ಷುಧಾಽರ್ದಿತಾಃ ಸರ್ವಜನಾ ಮಹಾಽಽಪದ್ವಿಮುಕ್ತಿಕಾಮಾ ಮಿಲಿತಾಃ ಕದಾಚಿತ್ .
ತಪೋಧನಂ ಗೌತಮಮೇತ್ಯ ಭಕ್ತ್ಯಾ ಪೃಷ್ಟಾ ಮುನಿಂ ಸ್ವಾಗಮಹೇತುಮೂಚುಃ .. 33-3..

ವಿಜ್ಞಾಯ ಸರ್ವಂ ಮುನಿರಾಟ್ ಕೃಪಾಲುಃ ಸಂಪೂಜ್ಯ ಗಾಯತ್ರ್ಯಭಿಧಾಂ ಶಿವೇ ತ್ವಾಂ .
ಪ್ರಸಾದ್ಯ ದೃಷ್ಟ್ವಾ ಚ ತವೈವ ಹಸ್ತಾಲ್ಲೇಭೇ ನವಂ ಕಾಮದಪಾತ್ರಮೇಕಂ .. 33-4..

ದುಕೂಲಸೌವರ್ಣವಿಭೂಷಣಾನ್ನವಸ್ತ್ರಾದಿ ಗಾವೋ ಮಹಿಷಾದಯಶ್ಚ .
ಯದ್ಯಜ್ಜನೈರೀಪ್ಸಿತಮಾಶು ತತ್ತತ್ತತ್ಪಾತ್ರತೋ ದೇವಿ ಸಮುದ್ಬಭೂವ .. 33-5..

ರೋಗೋ ನ ದೈನ್ಯಂ ನ ಭಯಂ ನ ಚೈವ ಜನಾ ಮಿಥೋ ಮೋದಕರಾ ಬಭೂವುಃ .
ತೇ ಗೌತಮಸ್ಯೋಗ್ರತಪಃಪ್ರಭಾವಮುಚ್ಚೈರ್ಜಗುಸ್ತಾಂ ಕರುಣಾರ್ದ್ರತಾಂ ಚ .. 33-6..

ಏವಂ ಸಮಾ ದ್ವಾದಶ ತತ್ರ ಸರ್ವೇ ನಿನ್ಯುಃ ಕದಾಚಿನ್ಮಿಲಿತೇಷು ತೇಷು .
ಶ್ರೀನಾರದೋ ದೇವಿ ಶಶೀವ ಗಾಯತ್ರ್ಯಾಶ್ಚರ್ಯಶಕ್ತಿಂ ಪ್ರಗೃಣನ್ನವಾಪ .. 33-7..

ಸ ಪೂಜಿತಸ್ತತ್ರ ನಿಷಣ್ಣ ಉಚ್ಚೈರ್ನಿವೇದ್ಯ ತಾಂ ಗೌತಮಕೀರ್ತಿಲಕ್ಷ್ಮೀಂ .
ಸಭಾಸು ಶಕ್ರಾದಿಸುರೈಃ ಪ್ರಗೀತಾಂ ಜಗಾಮ ಸಂತೋ ಜಹೃಷುಃ ಕೃತಜ್ಞಾಃ .. 33-8..

ಕಾಲೇ ಧರಾಂ ವೃಷ್ಟಿಸಮೃದ್ಧಸಸ್ಯಾಂ ದೃಷ್ಟ್ವಾ ಜನಾ ಗೌತಮಮಾನಮಂತಃ .
ಆಪೃಚ್ಛ್ಯ ತೇ ಸಜ್ಜನಸಂಗಪೂತಾ ಮುದಾ ಜವಾತ್ಸ್ವಸ್ವಗೃಹಾಣಿ ಜಗ್ಮುಃ .. 33-9..

ದುಃಖಾನಿ ಮೇ ಸಂತು ಯತೋ ಮನೋ ಮೇ ಪ್ರತಪ್ತಸಂಘಟ್ಟಿತಹೇಮಶೋಭಿ .
ವಿಶುದ್ಧಮಸ್ತು ತ್ವಯೀ ಬದ್ಧರಾಗೋ ಭವಾನಿ ತೇ ದೇವಿ ನಮೋಽಸ್ತು ಭೂಯಃ .. 33-10..

गाइये गणपति जगवंदन - भजन (Gaiye Ganpati Jagvandan)gaayiye ganapathi 1ganesa tulasidas bhajan

https://youtu.be/o2Ke3O_aZ4E 

https://youtu.be/yh7JunyuwtQ

गाइये गणपति जगवंदन । शंकर सुवन भवानी के नंदन ॥सिद्धि सदन गजवदन विनायक । कृपा सिंधु सुंदर सब लायक ॥ गाइये गणपति जगवंदन । शंकर सुवन भवानी के नंदन ॥ मोदक प्रिय मुद मंगल दाता । विद्या बारिधि बुद्धि विधाता ॥ गाइये गणपति जगवंदन । शंकर सुवन भवानी के नंदन ॥ मांगत तुलसीदास कर जोरे । बसहिं रामसिय मानस मोरे ॥ गाइये गणपति जगवंदन । शंकर सुवन भवानी के नंदन ॥

32 ದ್ವಾತ್ರಿಂಶದಶಕಃ - ಯಕ್ಷಕಥಾKANNADA NARRATI0N Pr0fManjula Bharadwaj ST0RY@5G

https://youtu.be/osElAONLbfQ

 

32 ದ್ವಾತ್ರಿಂಶದಶಕಃ  -    ಯಕ್ಷಕಥಾ
ಪುರಾ ಸುರಾ ವರ್ಷಶತಂ ರಣೇಷು ನಿರಂತರೇಷು ತ್ವದನುಗ್ರಹೇಣ .
ವಿಜಿತ್ಯ ದೈತ್ಯಾನ್ ಜನನೀಮಪಿ ತ್ವಾಂ ವಿಸ್ಮೃತ್ಯ ದೃಪ್ತಾ ನಿತರಾಂ ಬಭೂವುಃ .. 32-1..

ಮಯೈವ ದೈತ್ಯಾ ಬಲವತ್ತರೇಣ ಹತಾ ನ ಚಾನ್ಯೈರಿತಿ ಶಕ್ರಮುಖ್ಯಾಃ .
ದೇವಾ ಅಭೂವನ್ನತಿದರ್ಪವಂತಸ್ತ್ವಂ ದೇವಿ ಚಾಂತಃ ಕುರುಷೇ ಸ್ಮ ಹಾಸಂ .. 32-2..

ತಚ್ಚಿತ್ತದರ್ಪಾಸುರನಾಶನಾಯ ತೇಜೋಮಯಂ ಯಕ್ಷವಪುರ್ದಧಾನಾ .
ತ್ವಂ ನಾತಿದೂರೇ ಸ್ವಯಮಾವಿರಾಸೀಸ್ತ್ವಾಂ ವಾಸವಾದ್ಯಾ ದದೃಶುಃ ಸುರೌಘಾಃ .. 32-3..

ಸದ್ಯಃ ಕಿಲಾಶಂಕ್ಯತ ತೈರಿದಂ ಕಿಂ ಮಾಯಾಽಽಸುರೀ ವೇತಿ ತತೋ ಮಘೋನಾ .
ಅಗ್ನಿರ್ನಿಯುಕ್ತೋ ಭವತೀಮವಾಪ್ತಃ ಪೃಷ್ಟಸ್ತ್ವಯಾ ಕೋಽಸಿ ಕುತೋಽಸಿ ಚೇತಿ .. 32-4..

ಸ ಚಾಹ ಸರ್ವೈರ್ವಿದಿತೋಽಗ್ನಿರಸ್ಮಿ ಮಯ್ಯೇವ ತಿಷ್ಠತ್ಯಖಿಲಂ ಜಗಚ್ಚ .
ಶಕ್ನೋಮಿ ದಗ್ಧುಂ ಸಕಲಂ ಹವಿರ್ಭುಙ್ಮದ್ವೀರ್ಯತೋ ದೈತ್ಯಗಣಾ ಜಿತಾಶ್ಚ .. 32-5..

ಇತೀರಿತಾ ಶುಷ್ಕತೃಣಂ ತ್ವಮೇಕಂ ಪುರೋ ನಿಧಾಯಾತ್ಥ ದಹೈತದಾಶು .
ಏವಂ ಜ್ವಲನ್ನಗ್ನಿರಿದಂ ಚ ದಗ್ಧುಂ ಕುರ್ವನ್ ಪ್ರಯತ್ನಂ ನ ಶಶಾಕ ಮತ್ತಃ .. 32-6..

ಸ ನಷ್ಟಗರ್ವಃ ಸಹಸಾ ನಿವೃತ್ತಸ್ತತೋಽನಿಲೋ ವಜ್ರಭೃತಾ ನಿಯುಕ್ತಃ .
ತ್ವಾಂ ಪ್ರಾಪ್ತವಾನಗ್ನಿವದೇವ ಪೃಷ್ಟೋ ದೇವಿ ಸ್ವಮಾಹಾತ್ಮ್ಯವಚೋ ಬಭಾಷೇ .. 32-7..

ಮಾಂ ಮಾತರಿಶ್ವಾನಮವೇಹಿ ಸರ್ವೇ ವ್ಯಾಪಾರವಂತೋ ಹಿ ಮಯೈವ ಜೀವಾಃ .
ನ ಪ್ರಾಣಿನಃ ಸಂತಿ ಮಯಾ ವಿನಾ ಚ ಗೃಹ್ಣಾಮಿ ಸರ್ವಂ ಚಲಯಾಮಿ ವಿಶ್ವಂ .. 32-8..

ಇತ್ಯುಕ್ತಮಾಕರ್ಣ್ಯ ತೃಣಂ ತದೇವ ಪ್ರದರ್ಶ್ಯ ಚೈತಚ್ಚಲಯೇತ್ಯಭಾಣೀಃ .
ಪ್ರಭಂಜನಸ್ತತ್ಸ ಚ ಕರ್ಮ ಕರ್ತುಮಶಕ್ತ ಏವಾಸ್ತಮದೋ ನಿವೃತ್ತಃ .. 32-9..

ಅಥಾತಿಮಾನೀ ಶತಮನ್ಯುರಂತರಗ್ನಿಂ ಚ ವಾಯುಂ ಚ ಹಸನ್ನವಾಪ .
ತ್ವಾಂ ಯಕ್ಷರೂಪಾಂ ಸಹಸಾ ತಿರೋಽಭೂಃ ಸೋಽದಹ್ಯತಾಂತಃ ಸ್ವಲಘುತ್ವಭೀತ್ಯಾ .. 32-10..

ಅಥ ಶ್ರುತಾಕಾಶವಚೋಽನುಸಾರೀ ಹ್ರೀಂಕಾರಮಂತ್ರಂ ಸ ಚಿರಾಯ ಜಪ್ತ್ವಾ .
ಪಶ್ಯನ್ನುಮಾಂ ತ್ವಾಂ ಕರುಣಾಶ್ರುನೇತ್ರಾಂ ನನಾಮ ಭಕ್ತ್ಯಾ ಶಿಥಿಲಾಭಿಮಾನಃ .. 32-11..

ಜ್ಞಾನಂ ಪರಂ ತ್ವನ್ಮುಖತಃ ಸ ಲಬ್ಧ್ವಾ ಕೃತಾಂಜಲಿರ್ನಮ್ರಶಿರಾ ನಿವೃತ್ತಃ .
ಸರ್ವಾಮರೇಭ್ಯಃ ಪ್ರದದೌ ತತಸ್ತೇ ಸರ್ವಂ ತ್ವದಿಚ್ಛಾವಶಗಂ ವ್ಯಜಾನನ್ .. 32-12..

ತತಃ ಸುರಾ ದಂಭವಿಮುಕ್ತಿಮಾಪುರ್ಭವಂತು ಮರ್ತ್ಯಾಶ್ಚ ವಿನಮ್ರಶೀರ್ಷಾಃ .
ಅನ್ಯೋನ್ಯಸಾಹಾಯ್ಯಕರಾಶ್ಚ ಸರ್ವೇ ಮಾ ಯುದ್ಧವಾರ್ತಾ ಭುವನತ್ರಯೇಽಸ್ತು .. 32-13..

ತ್ವದಿಚ್ಛಯಾ ಸೂರ್ಯಶಶಾಂಕವಹ್ನಿವಾಯ್ವಾದಯೋ ದೇವಿ ಸುರಾಃ ಸ್ವಕಾನಿ .
ಕರ್ಮಾಣಿ ಕುರ್ವಂತಿ ನ ತೇ ಸ್ವತಂತ್ರಾಸ್ತಸ್ಯೈ ನಮಸ್ತೇಽಸ್ತು ಮಹಾನುಭಾವೇ .. 32-14..

31 ಏಕತ್ರಿಂಶದಶಕಃ - ಭ್ರಾಮರ್ಯವತಾರಃKANNADA NARRATI0N Pr0fManjula Bharadwaj ST0RY@5G

 

https://www.youtube.com/watch?v=LbfPZfRRlWM

31 ಏಕತ್ರಿಂಶದಶಕಃ -    ಭ್ರಾಮರ್ಯವತಾರಃ
ಕಶ್ಚಿತ್ಪುರಾ ಮಂತ್ರಮುದೀರ್ಯ ಗಾಯತ್ರೀತಿ ಪ್ರಸಿದ್ಧಂ ದಿತಿಜೋಽರುಣಾಖ್ಯಃ .
ಚಿರಾಯ ಕೃತ್ವಾ ತಪ ಆತ್ಮಯೋನೇಃ ಪ್ರಸಾದಿತಾದಾಪ ವರಾನಪೂರ್ವಾನ್ .. 31-1..

ಸ್ತ್ರೀಪುಂಭಿರಸ್ತ್ರೈಶ್ಚ ರಣೇ ದ್ವಿಪಾದೈಶ್ಚತುಷ್ಪದೈಶ್ಚಾಪ್ಯುಭಯಾತ್ಮಕೈಶ್ಚ .
ಅವಧ್ಯತಾಂ ದೇವಪರಾಜಯಂ ಚ ಲಬ್ಧ್ವಾ ಸ ದೃಪ್ತೋ ದಿವಮಾಸಸಾದ .. 31-2..

ರಣೇ ಜಿತಾ ದೈತ್ಯಭಯೇನ ಲೋಕಪಾಲೈಃ ಸಹ ಸ್ವಸ್ವಪದಾನಿ ಹಿತ್ವಾ .
ದೇವಾ ದ್ರುತಾಃ ಪ್ರಾಪ್ಯ ಶಿವಂ ರಿಪೂಣಾಂ ಸಂಯಗ್ವಧೋಪಾಯಮಚಿಂತಯಂಶ್ಚ .. 31-3..

ತದಾಽಭವತ್ಕಾಪ್ಯಶರೀರಿಣೀ ವಾಗ್ಭಜೇತ ದೇವೀಂ ಶುಭಮೇವ ವಃ ಸ್ಯಾತ್ .
ದೈತ್ಯೋಽರುಣೋ ವರ್ಧಯತೀಹ ಗಾಯತ್ರ್ಯುಪಾಸನೇನಾತ್ಮಬಲಂ ತ್ವಧೃಷ್ಯಂ .. 31-4..

ಯದ್ಯೇಷ ತಂ ಮಂತ್ರಜಪಂ ಜಹಾತಿ ಸ ದುರ್ಬಲಃ ಸಾಧ್ಯವಧೋಽಪಿ ಚ ಸ್ಯಾತ್ .
ಏವಂ ನಿಶಮ್ಯ ತ್ರಿದಶೈಃ ಪ್ರಹೃಷ್ಟೈರಭ್ಯರ್ಥಿತೋ ದೇವಗುರುಃ ಪ್ರತಸ್ಥೇ .. 31-5..

ಸ ಪ್ರಾಪ ದೈತ್ಯಂ ಯತಿರೂಪಧಾರೀ ಪ್ರತ್ಯುದ್ಗತೋ ಮಂತ್ರಜಪಾತಿಸಕ್ತಂ .
ಸ್ಮಿತಾರ್ದ್ರಮೂಚೇ ಕುಶಲೀ ಸಬಂಧುಮಿತ್ರೋ ಭವಾನ್ ಕಿಂ ಜಗದೇಕವೀರ .. 31-6..

ದೈತ್ಯಸ್ಯ ತೇ ಮಂತ್ರಜಪೇನ ಕಿಂ ಯೋ ನೂನಂ ಬಲಿಷ್ಠಂ ತ್ವಬಲಂ ಕರೋತಿ .
ಯೇನೈವ ದೇವಾ ಅಬಲಾ ರಣೇಷು ತ್ವಯಾ ಜಿತಾಸ್ತ್ವಂ ಸ್ವಹಿತಂ ಕುರುಷ್ವ .. 31-7..

ಸಂನ್ಯಾಸಿನೋ ಮಂತ್ರಜಪೇನ ರಾಗದ್ವೇಷಾದಿ ಜೇತುಂ ಸತತಂ ಯತಂತೇ .
ನ ತ್ವಂ ಯತಿರ್ನಾಪಿ ಮುಮುಕ್ಷುರರ್ಥಕಾಮಾತಿಸಕ್ತಸ್ಯ ಜಪೇನ ಕಿಂ ತೇ .. 31-8..

ಏಕಂ ಹಿ ಮಂತ್ರಂ ಸಮುಪಾಸ್ವಹೇ ದ್ವೌ ತೇನಾಸಿ ಮಿತ್ರಂ ಮಮ ತದ್ವದಾಮಿ .
ಮಂತ್ರಶ್ಚ ಮೇ ಮುಕ್ತಿದ ಏವ ತುಭ್ಯಂ ವೃದ್ಧಿಂ ನ ದದ್ಯಾದಯಮಿತ್ಯವೇಹಿ .. 31-9..

ಬೃಹಸ್ಪತಾವೇವಮುದೀರ್ಯ ಯಾತೇ ಸತ್ಯಂ ತದುಕ್ತಂ ದಿತಿಜೋ ವಿಚಿಂತ್ಯ .
ಕ್ರಮಾಜ್ಜಹೌ ಮಂತ್ರಜಪಂ ಸದಾ ಹಿ ಮೂಢಃ ಪರಪ್ರೋಕ್ತವಿನೇಯಬುದ್ಧಿಃ .. 31-10..

ಏವಂ ಗುರೌ ಕುರ್ವತಿ ದೈತ್ಯಭೀತೈಃ ಕೃತ್ವಾ ತಪೋಯೋಗಜಪಾಧ್ವರಾದಿ .
ಜಾಂಬೂನದೇಶ್ವರ್ಯಮರೈಃ ಸ್ತುತಾ ತ್ವಂ ಪ್ರಸಾದಿತಾ ಪ್ರಾದುರಭೂಃ ಕೃಪಾರ್ದ್ರಾ .. 31-11..

ತ್ವದ್ದೇಹಜಾತೈರ್ಭ್ರಮರೈರನಂತೈರ್ದೈತ್ಯಃ ಸಸೈನ್ಯೋ ವಿಫಲಾಸ್ತ್ರಶಸ್ತ್ರಃ .
ದಷ್ಟೋ ಹತಸ್ತ್ವಂ ಚ ನುತಿಪ್ರಸನ್ನಾ ಪಶ್ಯತ್ಸು ದೇವೇಷು ತಿರೋಹಿತಾಽಭೂಃ .. 31-12..

ಸ್ವದೇಹತೋ ವೈ ಭ್ರಮರಾನ್ ವಿಧಾತ್ರೀ ತ್ವಂ ಭ್ರಾಮರೀತಿ ಪ್ರಥಿತಾ ಜಗತ್ಸು .
ಅಹೋ ವಿಚಿತ್ರಾಸ್ತವ ದೇವಿ ಲೀಲಾಃ ನಮೋ ನಮಸ್ತೇ ಭುವನೇಶಿ ಮಾತಃ .. 31-13..

30 ತ್ರಿಂಶದಶಕಃ - ಶ್ರೀಪಾರ್ವತ್ಯವತಾರಃKANNADA NARRATI0N Pr0Manjula Bharadwaj ST0RY@5G

 

https://www.youtube.com/watch?v=Y2Thsk4QDP4

30 ತ್ರಿಂಶದಶಕಃ  -    ಶ್ರೀಪಾರ್ವತ್ಯವತಾರಃ
ಸಮಾಧಿಮಗ್ನೇ ಗಿರಿಶೇ ವಿರಿಂಚಾತ್ತಪಃಪ್ರಸನ್ನಾತ್ಕಿಲ ತಾರಕಾಖ್ಯಃ .
ದೈತ್ಯೋ ವರಂ ಪ್ರಾಪ್ಯ ವಿಜಿತ್ಯ ದೇವಾನ್ ಸಬಾಂಧವಃ ಸ್ವರ್ಗಸುಖಾನ್ಯಭುಂಕ್ತ 1 ..

ವರೈಃ ಸ ಭರ್ಗೌರಸಪುತ್ರಮಾತ್ರವಧ್ಯತ್ವಮಾಪ್ತೋಽಸ್ಯ ಚ ಪತ್ನ್ಯಭಾವಾತ್ .
ಸರ್ವಾಧಿಪತ್ಯಂ ಸ್ವಬಲಂ ಚ ಮೋಹಾನ್ಮತ್ತೋ ಭೃಶಂ ಶಾಶ್ವತಮೇವ ಮೇನೇ .. 30-2..

ನಷ್ಟಾಖಿಲಾಃ ಶ್ರೀಹರಯೇ ಸುರಾಸ್ತೇ ನಿವೇದಯಾಮಾಸುರಶೇಷದುಃಖಂ .
ಸ ಚಾಹ ದೇವಾ ಅನಯೇನ ನೂನಮುಪೇಕ್ಷತೇ ನೋ ಜನನೀ ಕೃಪಾರ್ದ್ರಾ .. 30-3..

ತದ್ವಿಸ್ಮೃತೇರ್ಜಾತಮಿದಂ ಕರೇಣ ಯಷ್ಟ್ಯಾ ಚ ಯಾ ತಾಡಯತಿ ಸ್ವಪುತ್ರಂ .
ತಾಮೇವ ಬಾಲಃ ಸ ನಿಜೇಷ್ಟದಾತ್ರೀಂ ಸಾಸ್ರಂ ರುದನ್ಮಾತರಮಭ್ಯುಪೈತಿ .. 30-4..

ಮಾತಾ ಹಿ ನಃ ಶಕ್ತಿರಿಮಾಂ ಪ್ರಸನ್ನಾಂ ಕುರ್ಯಾಮ ಭಕ್ತ್ಯಾ ತಪಸಾ ಚ ಶೀಘ್ರಂ .
ಸರ್ವಾಪದಃ ಸೈವ ಹರಿಷ್ಯತೀತಿ ಶ್ರುತ್ವಾಮರಾಸ್ತ್ವಾಂ ನುನುವುರ್ಮಹೇಶಿ .. 30-5..

ನಿಶಮ್ಯ ತೇಷಾಂ ಶ್ರುತಿವಾಕ್ಯಗರ್ಭಸ್ತುತಿಂ ಪ್ರಸನ್ನಾ ವಿಬುಧಾಂಸ್ತ್ವಮಾತ್ಥ .
ಅಲಂ ವಿಷಾದೇನ ಸುರಾಃ ಸಮಸ್ತಂ ಜಾನೇ ಹರಿಷ್ಯಾಮಿ ಭಯಂ ದ್ರುತಂ ವಃ .. 30-6..

ಹಿಮಾದ್ರಿಪುತ್ರೀ ವಿಬುಧಾಸ್ತದರ್ಥಂ ಜಾಯೇತ ಗೌರೀ ಮಮ ಶಕ್ತಿರೇಕಾ .
ಸಾ ಚ ಪ್ರದೇಯಾ ವೃಷಭಧ್ವಜಾಯ ತಯೋಃ ಸುತಸ್ತಂ ದಿತಿಜಂ ಚ ಹನ್ಯಾತ್ .. 30-7..

ಇತ್ಥಂ ನಿಶಮ್ಯಾಸ್ತಭಯೇಷು ದೇವೇಷ್ವಭ್ಯರ್ಥಿತಾ ದೇವಿ ಹಿಮಾಚಲೇನ .
ತ್ವಂ ವರ್ಣಯಂತೀ ನಿಜತತ್ತ್ವಮೇಭ್ಯಃ ಪ್ರದರ್ಶಯಾಮಾಸಿಥ ವಿಶ್ವರೂಪಂ .. 30-8..

ಸಹಸ್ರಶೀರ್ಷಂ ಚ ಸಹಸ್ರವಕ್ತ್ರಂ ಸಹಸ್ರಕರ್ಣಂ ಚ ಸಹಸ್ರನೇತ್ರಂ .
ಸಹಸ್ರಹಸ್ತಂ ಚ ಸಹಸ್ರಪಾದಮನೇಕವಿದ್ಯುತ್ಪ್ರಭಮುಜ್ಜ್ವಲಂ ಚ .. 30-9..

ದೃಷ್ಟ್ವೇದಮೀಶ್ವರ್ಯಖಿಲೈರ್ಭಿಯೋಕ್ತಾ ತ್ವಂ ಚೋಪಸಂಹೃತ್ಯ ವಿರಾಟ್ಸ್ವರೂಪಂ .
ಕೃಪಾವತೀ ಸ್ಮೇರಮುಖೀ ಪುನಶ್ಚ ನಿವೃತ್ತಿಮಾರ್ಗಂ ಗಿರಯೇ ನ್ಯಗಾದೀಃ .. 30-10..

ಉಕ್ತ್ವಾಽಖಿಲಂ ಸಂಸೃತಿಮುಕ್ತಿಮಾರ್ಗಂ ಸುರೇಷು ಪಶ್ಯತ್ಸು ತಿರೋದಧಾಥ .
ಶ್ರುತ್ವಾಽದ್ರಿಮುಖ್ಯಾಸ್ತವ ಗೀತಮುಚ್ಚೈರ್ದೇವಾ ಜಪಧ್ಯಾನಪರಾ ಬಭೂವುಃ .. 30-11..

ಅಥೈಕದಾ ಪ್ರಾದುರಭೂದ್ಧಿಮಾದ್ರೌ ಶಾಕ್ತಂ ಮಹೋ ದಕ್ಷಗೃಹೇ ಯಥಾ ಪ್ರಾಕ್ .
ಕ್ರಮೇಣ ತದ್ದೇವಿ ಬಭೂವ ಕನ್ಯಾ ಸಾ ಪಾರ್ವತೀತಿ ಪ್ರಥಿತಾ ಜಗತ್ಸು .. 30-12..

ಹಿಮಾದ್ರಿಣೈಷಾ ಚ ಹರಾಯ ದತ್ತಾ ತಯೋಃ ಸುತಃ ಸ್ಕಂದ ಇತಿ ಪ್ರಸಿದ್ಧಃ .
ಸ ತಾರಕಾಖ್ಯಂ ದಿತಿಜಂ ನಿಹತ್ಯ ರರಕ್ಷ ಲೋಕಾನಖಿಲಾನ್ ಮಹೇಶಿ .. 30-13..

ದುರ್ವಾಸಸಃ ಶಾಪಬಲೇನ ಶಕ್ರೋ ನಷ್ಟಾಖಿಲಶ್ರೀರ್ವಚನೇನ ವಿಷ್ಣೋಃ .
ಕ್ಷೀರೋದಧಿಂ ಸಾಸುರದೇವಸಂಘೋ ಮಮಂಥ ತಸ್ಮಾದುದಭೂಚ್ಚ ಲಕ್ಷ್ಮೀಃ .. 30-14..

ಯಾ ಪೂಜಿತೇಂದ್ರೇಣ ರಮಾ ತವೈಕಾ ಶಕ್ತಿಃ ಸ್ವರೈಶ್ವರ್ಯಪುನಃಪ್ರದಾನಾತ್ .
ಶಾಪಾನ್ಮುನೇರ್ದೇವಗಣಾನ್ವಿಮೋಚ್ಯ ಕಟಾಕ್ಷತಸ್ತೇ ಹರಿಮಾಪ ಭೂಯಃ .. 30-15..

ತ್ವಂ ಸರ್ವಶಕ್ತಿರ್ನ ಜಿತಾಽಸಿ ಕೇನಾಪ್ಯನ್ಯಾನ್ ಜಯಸ್ಯೇವ ಸದಾ ಶರಣ್ಯಾ .
ಮಾತೇವ ಪತ್ನೀವ ಸುತೇವ ವಾ ತ್ವಂ ವಿಭಾಸಿ ಭಕ್ತಸ್ಯ ನಮೋ ನಮಸ್ತೇ .. 30-16..