28 അഷ്ടാവിംശദശകഃ - ശക്ത്യവമാനദോഷഃ

https://onedrive.live.com/edit.aspx?resid=9854A1791CB05F1C!1054&app=PowerPoint&wdnd=1&wdPreviousSession=0a49171a%2D7a63%2D4cbe%2D875d%2Dfb2b4e081ed2&wdNewAndOpenCt=1693721502846&wdo=4&wdOrigin=wacFileNew&wdTpl=blank&wdPreviousCorrelation=7f639b17%2D3d95%2D429f%2Dac56%2D97824844a7ed

PPT 28 MAL STORY

https://www.youtube.com/watch?v=jJDPGQL7MII

https://www.youtube.com/watch?v=jJDPGQL7MII

 

28 അഷ്ടാവിംശദശകഃ -    ശക്ത്യവമാനദോഷഃ
ഹാലാഹലാഖ്യാനസുരാൻ പുരാ തു നിജഘ്നതുർവിഷ്ണുഹരൗ രണാന്തേ .
സ്വേനൈവ വീര്യേണ ജയോഽയമേവം തൗ മോഹിതൗ ദർപമവാപതുശ്ച .. 28-1..

തതോ വിധിസ്തൗ തരുവദ്വിചേഷ്ടൗ തേജോവിഹീനാവഭിവീക്ഷ്യ ഭീതഃ .
നിമീലിതാക്ഷഃ സകലം വിചിന്ത്യ ജാനൻ സുതാൻ ദക്ഷമുഖാനുവാച .. 28-2..

പുത്രാ ഹരിം പശ്യത ധൂർജടിം ച യൗ നഷ്ടശക്തീ ഖലു ശക്തികോപാത് .
തതോ ജഗദ്ഭാരയുതോഽസ്മി യൂയം ശക്തിം തപോഭിഃ കുരുത പ്രസന്നാം .. 28-3..

ശക്തേഃ പ്രസാദേന ഹി പൂർവവത്തൗ സ്യാതാം യശോവൃദ്ധിരനേന വഃ സ്യാത് .
ശക്തിശ്ച യത്രാവതരത്യമോഘമേതത്കുലം യാതി കൃതാർഥതാം ച .. 28-4..

ശക്തേഃ കടാക്ഷൈർജഗതോഽസ്തു ഭദ്രമേവം നിശമ്യാശു ഹിമാദ്രിമേത്യ .
ദക്ഷാദയോ ധ്യാനജപാദിഭിസ്ത്വാമാരാധ്യ ഭക്ത്യാഽബ്ദശതാനി നിന്യുഃ .. 28-5..

ദൃഷ്ടാ പുരസ്തൈസ്തു നുതാ ത്വമാത്ഥ ഭീത്യാലമാർത്യാ ച ഹിതം ദദാമി .
ഗൗരീ ച ലക്ഷ്മീശ്ച മമൈവ ശക്തീ തേ ശംഭവേ പ്രാഗ് ഹരയേ ച ദത്തേ .. 28-6..

തൗ ശക്തിസാഹായ്യത ഏവ ദൈത്യാന്നിജഘ്നതുഃ സത്യമിദം തു താഭ്യാം .
ഹാ വിസ്മൃതം ശക്ത്യവമാനദോഷാദ്വിനഷ്ടശക്തീ ഖലു താവഭൂതാം .. 28-7..

തൗ പൂർവവത്സ്താമിഹ ശക്തിരേകാ ജായേത ദക്ഷസ്യ കുലേ മദീയാ .
ക്ഷീരാബ്ധിതോഽന്യാ ച പുരാരിരാദ്യാം ഗൃഹ്ണാതു പശ്ചാദിതരാം ച വിഷ്ണുഃ .. 28-8..

സർവേ സ്വശക്തിം പരിപൂജ്യ മായാബീജാദിമന്ത്രാന്വിധിവജ്ജപന്തഃ .
വിരാട്സ്വരൂപം മമ രൂപമേതത്സച്ചിത്സ്വരൂപം ച സദാ സ്മരേത .. 28-9..

പ്രയാത തുഷ്ടാ ജഗതാം ശുഭം സ്യാദേവം ത്വമാഭാഷ്യ തിരോദധാഥ .
കാരുണ്യതസ്തേ ഗിരിശോ ഹരിശ്ച ശക്താവഭൂതാം നിജകർമ കർതും .. 28-10..

മാതഃ കടാക്ഷാ മയീ തേ പതന്തു മാ മാഽസ്തു മേ ശക്ത്യവമാനപാപം .
സർവാൻസ്വധർമാൻ കരവാണ്യഭീതോ ഭദ്രം മമ സ്യാത്സതതം നമസ്തേ .. 28-11..