29 ಏಕೋನತ್ರಿಂಶದಶಕಃ - ದೇವೀಪೀಠೋತ್ಪತ್ತಿಃKANNADA NARRATI0N Pr0Manjula Bharadwaj ST0RY@5G

https://youtu.be/1X6ckrVx1z8 

29 ಏಕೋನತ್ರಿಂಶದಶಕಃ -    ದೇವೀಪೀಠೋತ್ಪತ್ತಿಃ


ಅಥೈಕದಾಽದೃಶ್ಯತ ದಕ್ಷಗೇಹೇ ಶಾಕ್ತಂ ಮಹಸ್ತಚ್ಚ ಬಭೂವ ಬಾಲಾ .
ವಿಜ್ಞಾಯ ತೇ ಶಕ್ತಿಮಿಮಾಂ ಜಗತ್ಸು ಸರ್ವೇಽಪಿ ಹೃಷ್ಟಾ ಅಭವನ್ ಕ್ಷಣಶ್ಚ .. 29-1..

ದಕ್ಷಃ ಸ್ವಗೇಹಾಪತಿತಾಂ ಚಕಾರ ನಾಮ್ನಾ ಸತೀಂ ಪೋಷಯತಿ ಸ್ಮ ತಾಂ ಸಃ .
ಸ್ಮರನ್ ವಚಸ್ತೇ ಗಿರಿಶಾಯ ಕಾಲೇ ಪ್ರದಾಯ ತಾಂ ದ್ವೌ ಸಮತೋಷಯಚ್ಚ .. 29-2..

ಏವಂ ಶಿವಃಶಕ್ತಿಯುತಃ ಪುನಶ್ಚ ಬಭೂವ ಗಚ್ಛತ್ಸು ದಿನೇಷು ದಕ್ಷಃ .
ದೈವಾಚ್ಛಿವದ್ವೇಷಮವಾಪ ದೇಹಂ ತತ್ಪೋಷಿತಂ ಸ್ವಂ ವಿಜಹೌ ಸತೀ ಚ .. 29-3..

ದುಃಖೇನ ಕೋಪೇನ ಚ ಹಾ ಸತೀತಿ ಮುಹುರ್ವದನ್ನುದ್ಧೃತದಾರದೇಹಃ .
ಬಭ್ರಾಮ ಸರ್ವತ್ರ ಹರಃ ಸುರೇಷು ಪಶ್ಯತ್ಸು ಶಾರ್ಙ್ಗೀ ಶಿವಮನ್ವಚಾರೀತ್ .. 29-4..

ರುದ್ರಾಂಸವಿನ್ಯಸ್ತಸತೀಶರೀರಂ ವಿಷ್ಣುಃ ಶರೌಘೈರ್ಬಹುಶಶ್ಚಕರ್ತ .
ಏಕೈಕಶಃ ಪೇತುರಮುಷ್ಯ ಖಂಡಾ ಭೂಮೌ ಶಿವೇ ಸಾಷ್ಟಶತಂ ಸ್ಥಲೇಷು .. 29-5..

ಯತೋ ಯತಃ ಪೇತುರಿಮೇ ಸ್ಥಲಾನಿ ಸರ್ವಾಣಿ ತಾನಿ ಪ್ರಥಿತಾನಿ ಲೋಕೇ .
ಇಮಾನಿ ಪೂತಾನಿ ಭವಾನಿ ದೇವೀಪೀಠಾನಿ ಸರ್ವಾಘಹರಾಣಿ ಭಾಂತಿ .. 29-6..

ತ್ವಮೇಕಮೇವಾದ್ವಯಮತ್ರ ಭಿನ್ನನಾಮಾನಿ ಧೃತ್ವಾ ಖಲು ಮಂತ್ರತಂತ್ರೈಃ .
ಸಂಪೂಜ್ಯಮಾನಾ ಶರಣಾಗತಾನಾಂ ಭುಕ್ತಿಂ ಚ ಮುಕ್ತಿಂ ಚ ದದಾಸಿ ಮಾತಃ .. 29-7..

ನಿರ್ವಿಣ್ಣಚಿತ್ತಃ ಸ ಸತೀವಿಯೋಗಾಚ್ಛಿವಃ ಸ್ಮರಂಸ್ತ್ವಾಂ ಕುಹಚಿನ್ನಿಷಣ್ಣಃ .
ಸಮಾಧಿಮಗ್ನೋಽಭವದೇಷ ಲೋಕಃ ಶಕ್ತಿಂ ವಿನಾ ಹಾ ವಿರಸೋಽಲಸಶ್ಚ .. 29-8..

ಚಿಂತಾಕುಲಾ ಮೋಹಧಿಯೋ ವಿಶೀರ್ಣತೋಷಾ ಮಹಾರೋಗನಿಪೀಡಿತಾಶ್ಚ .
ಸೌಭಾಗ್ಯಹೀನಾ ವಿಹತಾಭಿಲಾಷಾಃ ಸರ್ವೇ ಸದೋದ್ವಿಗ್ನಹೃದೋ ಬಭೂವುಃ .. 29-9..

ಶಿವೋಽಪಿ ಶಕ್ತ್ಯಾ ಸಹಿತಃ ಕರೋತಿ ಸರ್ವಂ ವಿಯುಕ್ತಶ್ಚ ತಯಾ ಜಡಃ ಸ್ಯಾತ್ .
ಮಾ ಮಾಽಸ್ತು ಮೇ ಶಕ್ತಿವಿಯೋಗ ಏಷ ದಾಸೋಽಸ್ಮಿ ಭೂಯೋ ವರದೇ ನಮಸ್ತೇ .. 29-10..

40 ചത്വാരിംശദശകഃ - പ്രാർഥനാ

 

40 ചത്വാരിംശദശകഃ -    പ്രാർഥനാ
ആദ്യേതി വിദ്യേതി ച കഥ്യതേ യാ യാ ചോദയേദ്ബുദ്ധിമുപാസകസ്യ .
ധ്യായാമി താമേവ സദാഽപി സർവചൈതന്യരൂപാം ഭവമോചനീം ത്വാം .. 40-1..

പ്രതിഷ്ഠിതാഽന്തഃകരണേഽസ്തു വാങ്മേ വദാമി സത്യം ന വദാമ്യസത്യം .
സത്യോക്തിരേനം പരിപാതു മാം മേ ശ്രുതം ച മാ വിസ്മൃതിമേതു മാതഃ .. 40-2..

തേജസ്വി മേഽധീതമജസ്രമസ്തു മാ മാ പരദ്വേഷമതിശ്ച ദേവി .
കരോമി വീര്യാണി സമം സുഹൃദ്ഭിർവിദ്യാ പരാ സാഽവതു മാം പ്രമാദാത് .. 40-3..

ത്വം രക്ഷ മേ പ്രാണശരീരകർമജ്ഞാനേന്ദ്രിയാന്തഃകരണാനി ദേവി .
ഭവന്തു ധർമാ മയി വൈദികാസ്തേ നിരാകൃതിർമാഽസ്തു മിഥഃ കൃപാർദ്രേ .. 40-4..

യച്ഛ്രൂയതേ യത്ഖലു ദൃശ്യതേ ച തദസ്തു ഭദ്രം സകലം യജത്രേ .
ത്വാം സംസ്തുവന്നസ്തസമസ്തരോഗ ആയുഃ ശിവേ ദേവഹിതം നയാനി .. 40-5..

അവിഘ്നമായാത്വിഹ വിശ്വതോ മേ ജ്ഞാനം പ്രസന്നാ മമ ബുദ്ധിരസ്തു .
നാവേവ സിന്ധും ദുരിതം സമസ്തം ത്വത്സേവയൈവാതിതരാമി ദേവി .. 40-6..

ഉർവാരുകം ബന്ധനതോ യഥൈവ തഥൈവ മുച്യേയ ച കർമപാശാത് .
ത്വാം ത്ര്യംബകാം കീർതിമതീം യജേയ സന്മാർഗതോ മാം നയ വിശ്വമാതഃ .. 40-7..

ക്ഷീണായുഷോ മൃത്യുഗതാൻ സ്വശക്ത്യാ ദീർഘായുഷോ വീതഭയാൻ കരോഷി .
സംഗച്ഛതഃ സംവദതശ്ച സർവാൻ പരോപകാരൈകരതാൻ കുരുഷ്വ .. 40-8..

മർത്യോ ഹ്യഹം ബാലിശബുദ്ധിരേവ ധർമാനഭിജ്ഞോഽപ്യപരാധകൃച്ച .
ഹാ ദുർലഭം മേ കപിഹസ്തപുഷ്പസുമാല്യവച്ഛീർണമിദം നൃജന്മ .. 40-9..

യഥാ പഥാ വാരി യഥാ ച ഗൗഃ സ്വം വത്സം തഥാഽഽധാവതു മാം മനസ്തേ .
വിശ്വാനി പാപാനി വിനാശ്യ മേ യദ്ഭദ്രം ശിവേ ദേഹി തദാർതിഹന്ത്രി .. 40-10..

ബഹൂക്തിഭിഃ കിം വിദിതസ്ത്വയാഽഹം പുത്രഃ ശിശുസ്തേ ന ച വേദ്മി കിഞ്ചിത് .
ആഗച്ഛ പശ്യാനി മുഖാരവിന്ദം പദാംബുജാഭ്യാം സതതം നമസ്തേ .. 40-11..

27 ಸಪ್ತವಿಂಶದಶಕಃ - ಶತಾಕ್ಷ್ಯವತಾರಃ ಶ್ರೀಪಾರ್ವತ್ಯವತಾರಃKANNADA NARRATI0N Pr0Manjula Bharadwaj ST0RY@5G

https://youtu.be/auLJmP0Scls?si=RaFjcok--3HWKioZ 

27 ಸಪ್ತವಿಂಶದಶಕಃ -    ಶತಾಕ್ಷ್ಯವತಾರಃ
ದೈತ್ಯಃ ಪುರಾ ಕಶ್ಚನ ದುರ್ಗಮಾಖ್ಯಃ ಪ್ರಸಾದಿತಾತ್ಪದ್ಮಭವಾತ್ತಪೋಭಿಃ .
ಅವೈದಿಕಂ ವೈದಿಕಮಪ್ಯಗೃಹ್ಣಾನ್ಮಂತ್ರಂ ಸಮಸ್ತಂ ದಿವಿಷಜ್ಜಯೈಷೀ .. 27-1..

ವೇದೇ ಗೃಹೀತೇ ದಿತಿಜೇನ ವಿಪ್ರಾಃ ಶ್ರುತಿಸ್ಥಿರಾ ವಿಸ್ಮೃತವೇದಮಂತ್ರಾಃ .
ಸಾಂಧ್ಯಾನಿ ಕರ್ಮಾಣ್ಯಪಿ ನೈವ ಚಕ್ರುಃ ಕ್ಷಿತಿಸ್ತ್ವವೇದಾಧ್ಯಯನಾ ಬಭೂವ .. 27-2..

ಹೃತೇಷು ಮಂತ್ರೇಷ್ವಖಿಲೇಷು ಪೂಜಾಯಜ್ಞಾದಿ ಭೂಮೌ ನ ಕೃತಂ ಮನುಷ್ಯೈಃ .
ಸುರಾ ಅಶಕ್ತಾಸ್ತದಲಾಭಖಿನ್ನಾ ದೈತ್ಯೇನ ಯುದ್ಧೇ ಬಲಿನಾ ಜಿತಾಶ್ಚ .. 27-3..

ತ್ಯಕ್ತ್ವಾ ದಿವಂ ತೇ ಗಿರಿಗಹ್ವರೇಷು ನಿಲೀಯ ವರ್ಷಾಣಿ ಬಹೂನಿ ನಿನ್ಯುಃ .
ವೃಷ್ಟೇರಭಾವಾದ್ಧರಣೀ ಚ ಶುಷ್ಕಜಲಾಶಯಾ ತರ್ಷನಿಪೀಡಿತಾಽಭೂತ್ .. 27-4..

ಸರ್ವೇ ತೃಷಾರ್ತಾಶ್ಚ ಹಿಮಾದ್ರಿಮೇತ್ಯ ತ್ವಾಂ ಧ್ಯಾನಪೂಜಾನುತಿಭಿರ್ಭಜಂತಃ .
ಪ್ರಸಾದಯಾಮಾಸುರನೇಕಕೋಟಿಬ್ರಹ್ಮಾಂಡಕರ್ತ್ರೀಮಖಿಲಾರ್ತಿಹಂತ್ರೀಂ .. 27-5..

ದೃಷ್ಟಾ ದಯಾರ್ದ್ರಾಕ್ಷಿಶತಾ ತ್ವಮೇಭಿಃ ಕೃಪಾಶ್ರುವರ್ಷೈರ್ನವರಾತ್ರಮುರ್ವ್ಯಾಂ .
ಜಲಾಶಯಾನ್ಪೂರ್ಣಜಲಾಂಶ್ಚಕರ್ಥ ಜನಾಃ ಶತಾಕ್ಷೀತ್ಯಭಿಧಾಂ ದದುಸ್ತೇ .. 27-6..

ಕ್ಷುತ್ಪೀಡಿತಾನಾಂ ಚ ಚರಾಚರಾಣಾಂ ಸರ್ವತ್ರ ನಾನಾವಿಧಮನ್ನಮಿಷ್ಟಂ .
ಸ್ವಾದೂನಿ ಮೂಲಾನಿ ಫಲಾನಿ ಚಾದಾಃ ಶಾಕಂಭರೀತಿ ಪ್ರಥಿತಾ ತತೋಽಭೂಃ .. 27-7..

ದೈತ್ಯಸ್ತು ವಿಜ್ಞಾಯ ಸಮಸ್ತಮಸ್ತ್ರಶಸ್ತ್ರೈಃ ಸಸೈನ್ಯಃ ಪ್ರಹರನ್ ವಪುಸ್ತೇ .
ರಣಾಂಗಣೇ ಸಾಯಕವಿದ್ಧಗಾತ್ರಃ ಸಶಬ್ದಮುರ್ವ್ಯಾಂ ತರುವತ್ಪಪಾತ .. 27-8..

ಸ ಚಾಸುರಾತ್ಮಾ ಖಲು ವೇದಮಂತ್ರಾನ್ ಚಿರಂ ಪಠಂಸ್ತ್ವಾಮಭಿವೀಕ್ಷಮಾಣಃ .
ಗತಾಯುರಾವಿಶ್ಯ ಪರಾತ್ಮನಿ ತ್ವಯ್ಯವಾಪ ಮುಕ್ತಿಂ ಮಿಷತಾಂ ಸುರಾಣಾಂ .. 27-9..

ವೇದಾನ್ಹೃತಾನಬ್ಜಭವಾನನೇ ತ್ವಂ ಪುನಶ್ಚ ನಿಕ್ಷಿಪ್ಯ ಜಗತ್ಸುರಕ್ಷಾಂ .
ಕೃತ್ವಾ ನುತಾ ದೇವಗಣೈರ್ನರೈಶ್ಚ ತುಷ್ಟಾ ತಿರೋಽಭೂಃ ಕರುಣಾರ್ದ್ರನೇತ್ರಾ .. 27-10..

ಭಕ್ತಸ್ಯ ವೈ ದುರ್ಗತಿನಾಶಿನೀ ತ್ವಂ ಸುಖಪ್ರದಾ ದುರ್ಗಮಹಂತ್ರಿ ಮಾತಃ .
ದುರ್ಗೇತಿ ನಾಮ್ನಾ ವಿದಿತಾ ಚ ಲೋಕೇ ವಿಚಿತ್ರರೂಪಾಸ್ತವ ದೇವಿ ಲೀಲಾಃ .. 27-11..

ಕೋಽಪ್ಯಸ್ತಿ ಚಿತ್ತೇ ಮಮ ದುರ್ಗಮೋಽಯಂ ಜ್ಞಾತಸ್ತ್ವಯಾ ನೈವ ಮಯಾ ತು ದೇವಿ .
ಯಃ ಸಂತತಂ ದ್ರುಹ್ಯತಿ ಮೇ ತಮಾಶು ಸಂಹೃತ್ಯ ಮಾಂ ರಕ್ಷ ನಮೋ ನಮಸ್ತೇ .. 27-12..

28 ಅಷ್ಟಾವಿಂಶದಶಕಃ - ಶಕ್ತ್ಯವಮಾನದೋಷಃ

https://www.youtube.com/watch?v=1lQ7SjGQ34g 

28 ಅಷ್ಟಾವಿಂಶದಶಕಃ -    ಶಕ್ತ್ಯವಮಾನದೋಷಃ
ಹಾಲಾಹಲಾಖ್ಯಾನಸುರಾನ್ ಪುರಾ ತು ನಿಜಘ್ನತುರ್ವಿಷ್ಣುಹರೌ ರಣಾಂತೇ .
ಸ್ವೇನೈವ ವೀರ್ಯೇಣ ಜಯೋಽಯಮೇವಂ ತೌ ಮೋಹಿತೌ ದರ್ಪಮವಾಪತುಶ್ಚ .. 28-1..

ತತೋ ವಿಧಿಸ್ತೌ ತರುವದ್ವಿಚೇಷ್ಟೌ ತೇಜೋವಿಹೀನಾವಭಿವೀಕ್ಷ್ಯ ಭೀತಃ .
ನಿಮೀಲಿತಾಕ್ಷಃ ಸಕಲಂ ವಿಚಿಂತ್ಯ ಜಾನನ್ ಸುತಾನ್ ದಕ್ಷಮುಖಾನುವಾಚ .. 28-2..

ಪುತ್ರಾ ಹರಿಂ ಪಶ್ಯತ ಧೂರ್ಜಟಿಂ ಚ ಯೌ ನಷ್ಟಶಕ್ತೀ ಖಲು ಶಕ್ತಿಕೋಪಾತ್ .
ತತೋ ಜಗದ್ಭಾರಯುತೋಽಸ್ಮಿ ಯೂಯಂ ಶಕ್ತಿಂ ತಪೋಭಿಃ ಕುರುತ ಪ್ರಸನ್ನಾಂ .. 28-3..

ಶಕ್ತೇಃ ಪ್ರಸಾದೇನ ಹಿ ಪೂರ್ವವತ್ತೌ ಸ್ಯಾತಾಂ ಯಶೋವೃದ್ಧಿರನೇನ ವಃ ಸ್ಯಾತ್ .
ಶಕ್ತಿಶ್ಚ ಯತ್ರಾವತರತ್ಯಮೋಘಮೇತತ್ಕುಲಂ ಯಾತಿ ಕೃತಾರ್ಥತಾಂ ಚ .. 28-4..

ಶಕ್ತೇಃ ಕಟಾಕ್ಷೈರ್ಜಗತೋಽಸ್ತು ಭದ್ರಮೇವಂ ನಿಶಮ್ಯಾಶು ಹಿಮಾದ್ರಿಮೇತ್ಯ .
ದಕ್ಷಾದಯೋ ಧ್ಯಾನಜಪಾದಿಭಿಸ್ತ್ವಾಮಾರಾಧ್ಯ ಭಕ್ತ್ಯಾಽಬ್ದಶತಾನಿ ನಿನ್ಯುಃ .. 28-5..

ದೃಷ್ಟಾ ಪುರಸ್ತೈಸ್ತು ನುತಾ ತ್ವಮಾತ್ಥ ಭೀತ್ಯಾಲಮಾರ್ತ್ಯಾ ಚ ಹಿತಂ ದದಾಮಿ .
ಗೌರೀ ಚ ಲಕ್ಷ್ಮೀಶ್ಚ ಮಮೈವ ಶಕ್ತೀ ತೇ ಶಂಭವೇ ಪ್ರಾಗ್ ಹರಯೇ ಚ ದತ್ತೇ .. 28-6..

ತೌ ಶಕ್ತಿಸಾಹಾಯ್ಯತ ಏವ ದೈತ್ಯಾನ್ನಿಜಘ್ನತುಃ ಸತ್ಯಮಿದಂ ತು ತಾಭ್ಯಾಂ .
ಹಾ ವಿಸ್ಮೃತಂ ಶಕ್ತ್ಯವಮಾನದೋಷಾದ್ವಿನಷ್ಟಶಕ್ತೀ ಖಲು ತಾವಭೂತಾಂ .. 28-7..

ತೌ ಪೂರ್ವವತ್ಸ್ತಾಮಿಹ ಶಕ್ತಿರೇಕಾ ಜಾಯೇತ ದಕ್ಷಸ್ಯ ಕುಲೇ ಮದೀಯಾ .
ಕ್ಷೀರಾಬ್ಧಿತೋಽನ್ಯಾ ಚ ಪುರಾರಿರಾದ್ಯಾಂ ಗೃಹ್ಣಾತು ಪಶ್ಚಾದಿತರಾಂ ಚ ವಿಷ್ಣುಃ .. 28-8..

ಸರ್ವೇ ಸ್ವಶಕ್ತಿಂ ಪರಿಪೂಜ್ಯ ಮಾಯಾಬೀಜಾದಿಮಂತ್ರಾನ್ವಿಧಿವಜ್ಜಪಂತಃ .
ವಿರಾಟ್ಸ್ವರೂಪಂ ಮಮ ರೂಪಮೇತತ್ಸಚ್ಚಿತ್ಸ್ವರೂಪಂ ಚ ಸದಾ ಸ್ಮರೇತ .. 28-9..

ಪ್ರಯಾತ ತುಷ್ಟಾ ಜಗತಾಂ ಶುಭಂ ಸ್ಯಾದೇವಂ ತ್ವಮಾಭಾಷ್ಯ ತಿರೋದಧಾಥ .
ಕಾರುಣ್ಯತಸ್ತೇ ಗಿರಿಶೋ ಹರಿಶ್ಚ ಶಕ್ತಾವಭೂತಾಂ ನಿಜಕರ್ಮ ಕರ್ತುಂ .. 28-10..

ಮಾತಃ ಕಟಾಕ್ಷಾ ಮಯೀ ತೇ ಪತಂತು ಮಾ ಮಾಽಸ್ತು ಮೇ ಶಕ್ತ್ಯವಮಾನಪಾಪಂ .
ಸರ್ವಾನ್ಸ್ವಧರ್ಮಾನ್ ಕರವಾಣ್ಯಭೀತೋ ಭದ್ರಂ ಮಮ ಸ್ಯಾತ್ಸತತಂ ನಮಸ್ತೇ .. 28-11..

26 ಷಡ್ವಿಂಶದಶಕಃ - ಸುರಥಕಥಾ

https://www.youtube.com/watch?v=PrbUVXt2_UY 

26 ಷಡ್ವಿಂಶದಶಕಃ  -    ಸುರಥಕಥಾ
ರಾಜಾ ಪುರಾಽಽಸಿತ್ ಸುರಥಾಭಿಧಾನಃ ಸ್ವಾರೋಚಿಷೇ ಚೈತ್ರಕುಲಾವತಂಸಃ .
ಮನ್ವಂತರೇ ಸತ್ಯರತೋ ವದಾನ್ಯಃ ಸಮ್ಯಕ್ಪ್ರಜಾಪಾಲನಮಾತ್ರನಿಷ್ಠಃ .. 26-1..

ವೀರೋಽಪಿ ದೈವಾತ್ಸಮರೇ ಸ ಕೋಲಾವಿಧ್ವಂಸಿಭಿಃ ಶತ್ರುಬಲೈರ್ಜಿತಃ ಸನ್ .
ತ್ಯಕ್ತ್ವಾ ಸ್ವರಾಜ್ಯಂ ವನಮೇತ್ಯ ಶಾಂತಂ ಸುಮೇಧಸಂ ಪ್ರಾಪ ಮುನಿಂ ಶರಣ್ಯಂ .. 26-2..

ತಪೋವನಂ ನಿರ್ಭಯಮಾವಸಂದ್ರುಮಚ್ಛಾಯಾಶ್ರಿತಃ ಶೀತಲವಾತಪೃಕ್ತಃ .
ಸ ಏಕದಾ ರಾಜ್ಯಗೃಹಾದಿಚಿಂತಾಪರ್ಯಾಕುಲಃ ಕಂಚಿದಪಶ್ಯದಾರ್ತಂ .. 26-3..

ರಾಜಾ ತಮೂಚೇ ಸುರಥೋಽಸ್ಮಿ ನಾಮ್ನಾ ಜಿತೋಽರಿಭಿರ್ಭ್ರಷ್ಟವಿಭೂತಿಜಾಲಃ .
ಗೃಹಾದಿಚಿಂತಾಮಥಿತಾಂತರಂಗಃ ಕುತೋಽಸಿ ಕಸ್ತ್ವಂ ವದ ಮಾಂ ಸಮಸ್ತಂ .. 26-4..

ಶ್ರುತ್ವೇತಿ ಸ ಪ್ರತ್ಯವದತ್ಸಮಾಧಿನಾಮಾಽಸ್ಮಿ ವೈಶ್ಯೋ ಹೃತಸರ್ವವಿತ್ತಃ .
ಪತ್ನೀಸುತಾದ್ಯೈಃ ಸ್ವಗೃಹಾನ್ನಿರಸ್ತಸ್ತಥಾಽಪಿ ಸೋತ್ಕಂಠಮಿಮಾನ್ ಸ್ಮರಾಮಿ .. 26-5..

ಅನೇನ ಸಾಕಂ ಸುರಥೋ ವಿನೀತೋ ಮುನಿಂ ಪ್ರಣಮ್ಯಾಹ ಸಮಧಿನಾಮಾ .
ಗೃಹಾನ್ನಿರಸ್ತೋಽಪಿ ಗೃಹಾದಿಚಿಂತಾಂ ಕರೋತಿ ಸೋತ್ಕಂಠಮಯಂ ಮಹರ್ಷೇ .. 26-6..

ಬ್ರಹ್ಮೈವ ಸತ್ಯಂ ಪರಮದ್ವಿತೀಯಂ ಮಿಥ್ಯಾ ಜಗತ್ಸರ್ವಮಿದಂ ಚ ಜಾನೇ .
ತಥಾಽಪಿ ಮಾಂ ಬಾಧತ ಏವ ರಾಜ್ಯಗೃಹಾದಿಚಿಂತಾ ವದ ತಸ್ಯ ಹೇತುಂ .. 26-7..

ಊಚೇ ತಪಸ್ವೀ ಶೃಣು ಭೂಪ ಮಾಯಾ ಸರ್ವಸ್ಯ ಹೇತುಃ ಸಗುಣಾಽಗುಣಾ ಸಾ .
ಬಂಧಂ ಚ ಮೋಕ್ಷಂ ಚ ಕರೋತಿ ಸೈವ ಸರ್ವೇಽಪಿ ಮಾಯಾವಶಗಾ ಭವಂತಿ .. 26-8..

ಜ್ಞಾನಂ ಹರೇರಸ್ತಿ ವಿಧೇಶ್ಚ ಕಿಂತು ಕ್ವಚಿತ್ಕದಾಚಿನ್ಮಿಲಿತೌ ಮಿಥಸ್ತೌ .
ವಿಮೋಹಿತೌ ಕಸ್ತ್ವಮರೇ ನು ಕಸ್ತ್ವಮೇವಂ ವಿವಾದಂ ಕಿಲ ಚಕ್ರತುಃ ಸ್ಮ .. 26-9..

ಜ್ಞಾನಂ ದ್ವಿಧೈಕಂ ತ್ವಪರೋಕ್ಷಮನ್ಯತ್ಪರೋಕ್ಷಮಪ್ಯೇತದವೇಹಿ ರಾಜನ್ .
ಆದ್ಯಂ ಮಹೇಶ್ಯಾಃ ಕೃಪಯಾ ವಿರಕ್ತ್ಯಾ ಭಕ್ತ್ಯಾ ಮಹತ್ಸಂಗಮತಶ್ಚ ಲಭ್ಯಂ .. 26-10..

ಯ ಏತದಾಪ್ನೋತಿ ಸ ಸರ್ವಮುಕ್ತೋ ದ್ವೇಷಶ್ಚ ರಾಗಶ್ಚ ನ ತಸ್ಯ ಭೂಪ .
ಜ್ಞಾನಂ ದ್ವಿತೀಯಂ ಖಲು ಶಾಸ್ತ್ರವಾಕ್ಯವಿಚಾರತೋ ಬುದ್ಧಿಮತೈವ ಲಭ್ಯಂ .. 26-11..

ಶಮಾದಿಹೀನೋ ನ ಚ ಶಾಸ್ತ್ರವಾಕ್ಯವಿಚಾರಮಾತ್ರೇಣ ವಿಮುಕ್ತಿಮೇತಿ .
ದೇವ್ಯಾಃ ಕಟಾಕ್ಷೈರ್ಲಭತೇ ಚ ಭುಕ್ತಿಂ ಮುಕ್ತಿಂ ಚ ಸಾ ಕೇವಲಭಕ್ತಿಗಮ್ಯಾ .. 26-12..

ಸಂಪೂಜ್ಯ ತಾಂ ಸಾಕಮನೇನ ದುರ್ಗಾಂ ಕೃತ್ವಾ ಪ್ರಸನ್ನಾಂ ಸ್ವಹಿತಂ ಲಭಸ್ವ .
ಶ್ರುತ್ವಾ ಮುನೇರ್ವಾಕ್ಯಮುಭೌ ಮಹೇಶಿ ತ್ವಾಂ ಪೂಜಯಾಮಾಸತುರಿದ್ಧಭಕ್ತ್ಯಾ .. 26-13..

ವರ್ಷದ್ವಯಾಂತೇ ಭವತೀಂ ಸಮೀಕ್ಷ್ಯ ಸ್ವಪ್ನೇ ಸತೋಷಾವಪಿ ತಾವತೃಪ್ತೌ .
ದಿದೃಕ್ಷಯಾ ಜಾಗ್ರತಿ ಚಾಪಿ ಭಕ್ತಾವಾಚೇರತುರ್ದ್ವೌ ಕಠಿನವ್ರತಾನಿ .. 26-14..

ವರ್ಷತ್ರಯಾಂತೇ ಸುಮುಖೀಂ ಪ್ರಸನ್ನಾಂ ತ್ವಾಂ ವೀಕ್ಷ್ಯ ತೌ ತುಷ್ಟುವತುಃ ಪ್ರಹೃಷ್ಟೌ .
ದೈವಾತ್ಸಮಾಧಿಸ್ತ್ವದನುಗ್ರಹೇಣ ಲಬ್ಧ್ವಾ ಪರಂ ಜ್ಞಾನಮವಾಪ ಮುಕ್ತಿಂ .. 26-15..

ಭೋಗಾವಿರಕ್ತಃ ಸುರಥಸ್ತು ಶೀಘ್ರಂ ನಿಷ್ಕಂಟಕಂ ರಾಜ್ಯಮವಾಪ ಭೂಯಃ .
ಮನ್ವಂತರೇ ಭೂಪತಿರಷ್ಟಮೇ ಸ ಸಾವರ್ಣಿನಾಮಾ ಚ ಮನುರ್ಬಭೂವ .. 26-16..

ತ್ವಂ ಭುಕ್ತಿಕಾಮಾಯ ದದಾಸಿ ಭೋಗಂ ಮುಮುಕ್ಷವೇ ಸಂಸೃತಿಮೋಚನಂ ಚ .
ಕಿಂಚಿನ್ನ ಪೃಚ್ಛಾಮಿ ಪರಂ ವಿಮೂಢೋ ನಮಾಮಿ ತೇ ಪಾದಸರೋಜಯುಗ್ಮಂ .. 26-17..

41 ഏകചത്വാരിംശദശകഃ - പ്രണാമംST0RY@5G https://youtu.be/hmH3AXRsjXQ ANVAYA https://youtu.be/CXVS9VP0nxQ

https://youtu.be/h

mH3AXRsjXQ

 

41 ഏകചത്വാരിംശദശകഃ -    പ്രണാമം
ദേവി ത്വദാവാസ്യമിദം ന കിഞ്ചിദ്വസ്തു ത്വദന്യദ്ബഹുധേവ ഭാസി .
ദേവാസുരാസൃക്പനരാദിരൂപാ വിശ്വാത്മികേ തേ സതതം നമോഽസ്തു .. 41-1..

ന ജന്മ തേ കർമ ച ദേവി ലോകക്ഷേമായ ജന്മാനി ദധാസി മാതഃ .
കരോഷി കർമാണി ച നിസ്പൃഹാ ത്വം ജഗദ്വിധാത്ര്യൈ സതതം നമസ്തേ .. 41-2..

തത്ത്വത്പദം യദ്ധ്രുവമാരുരുക്ഷുഃ പുമാൻ വ്രതീ നിശ്ചലദേഹചിത്തഃ .
കരോതി തീവ്രാണി തപാംസി യോഗീ തസ്യൈ നമസ്തേ ജഗദംബികായൈ .. 41-3..

ത്വദാജ്ഞയാ വാത്യനിലോഽനലശ്ച ജ്വലത്യുദേതി ദ്യുമണിഃ ശശീ ച .
നിജൈർനിജൈഃ കർമഭിരേവ സർവേ ത്വാം പൂജയന്തേ വരദേ നമസ്തേ .. 41-4..

ഭക്തിർന വന്ധ്യാ യത ഏവ ദേവി രാഗാദിരോഗാഭിഭവാദ്വിമുക്താഃ .
മർത്ത്യാദയസ്ത്വത്പദമാപ്നുവന്തി തസ്യൈ നമസ്തേ ഭുവനേശി മാതഃ .. 41-5..

സർവാത്മനാ യോ ഭജതേ ത്വദംഘ്രിം മായാ തവാമുഷ്യ സുഖം ദദാതി .
ദുഃഖം ച സാ ത്വദ്വിമുഖസ്യ ദേവി മായാധിനാഥേ സതതം നമസ്തേ .. 41-6..

ദുഃഖം ന ദുഃഖം ന സുഖം സുഖം ച ത്വദ്വിസ്മൃതിർദുഃഖമസഹ്യഭാരം .
സുഖം സദാ ത്വത്സ്മരണം മഹേശി ലോകായ ശം ദേഹി നമോ നമസ്തേ .. 41-7..

പതന്തു തേ ദേവി കൃപാകടാക്ഷാഃ സർവത്ര ഭദ്രാണി ഭവന്തു നിത്യം .
സർവോഽപി മൃത്യോരമൃതത്വമേതു നശ്യന്ത്വഭദ്രാണി ശിവേ നമസ്തേ .. 41-8..

നമോ നമസ്തേഽഖിലശക്തിയുക്തേ നമോ നമസ്തേ ജഗതാം വിധാത്രി .
നമോ നമസ്തേ കരുണാർദ്രചിത്തേ നമോ നമസ്തേ സകലാർതിഹന്ത്രി .. 41-9..

ദുർഗേ മഹാലക്ഷ്മി നമോ നമസ്തേ ഭദ്രേ മഹാവാണി നമോ നമസ്തേ .
കല്യാണി മാതംഗി രമേ ഭവാനി സർവസ്വരൂപേ സതതം നമസ്തേ .. 41-10..

യത് കിഞ്ചിദജ്ഞാതവതേഹ ദേവീനാരായണീയം രചിതം മയേദം .
അഭദ്രനാശായ സതാം ഹിതായ തവ പ്രസാദായ ച നിത്യമസ്തു .. 41-11..

ശുഭം

39 ഏകോനചത്വാരിംശദശകഃ - മണിദ്വീപനിവാസിനീ

https://www.youtube.com/watch?v=vRZIJSbjEF4

 

39 ഏകോനചത്വാരിംശദശകഃ -    മണിദ്വീപനിവാസിനീ
സുധാസമുദ്രോ ജഗതാം ത്രയാണാം ഛത്രീഭവൻ മഞ്ജുതരംഗഫേനഃ .
സവാലുകാശംഖവിചിത്രരത്നഃ സതാരകവ്യോമസമോ വിഭാതി .. 39-1..

തന്മധ്യദേശേ വിമലം മണിദ്വീപാഖ്യാം പദം ദേവി വിരാജതേ തേ .
യദുച്യതേ സംസൃതിനാശകാരി സർവോത്തരം പാവനപാവനം ച .. 39-2..

തത്രാസ്ത്യയോധാതുമയോ മനോജ്ഞഃ സാലോ മഹാസാരമയസ്തതശ്ച .
ഏവം ച താമ്രാദിമയാഃ കിലാഷ്ടാദശാതിചിത്രാ വരണാ ലസന്തി .. 39-3..

തൈരാവൃതം തേ പദമദ്വിതീയം വിഭാതി ചിന്താമണിസദ്മ ദേവി .
സന്ത്യത്ര സത്സ്തംഭസഹസ്രരമ്യശൃംഗാരമുക്ത്യാദികമണ്ഡപാശ്ച .. 39-4..

ബ്രഹ്മാണ്ഡകോടീഃ സുഖമാവസന്ത ഉപാസകാസ്തേ മനുജാഃ സുരാശ്ച .
ദൈത്യാശ്ച സിദ്ധാശ്ച തഥേതരേ ച യദന്തതോ യാന്തി പദം തദേതത് .. 39-5..

ത്വം മണ്ഡപസ്ഥാ ബഹുശക്തിയുക്താ ശൃണോഷി ദേവീകലഗീതകാനി .
ജ്ഞാനം വിമുക്തിം ച ദദാസി ലോകരക്ഷാമജസ്രം കുരുഷേ ച ദേവി .. 39-6..

മഞ്ചോഽസ്തി ചിന്താമണിഗേഹതസ്തേ ബ്രഹ്മാ ഹരീ രുദ്ര ഇഹേശ്വരശ്ച .
ഖുരാ ഭവന്ത്യസ്യ സദാശിവസ്തു വിരാജതേ സത്ഫലകത്വമാപ്തഃ .. 39-7..

തസ്യോപരി ശ്രീഭുവനേശ്വരി ത്വം സർവേശവാമാങ്കതലേ നിഷണ്ണാ .
ചതുർഭുജാ ഭൂഷണഭൂഷിതാംഗീ നിർവ്യാജകാരുണ്യവതീ വിഭാസി .. 39-8..

പ്രതിക്ഷണം കാരയസി ത്വമിച്ഛാജ്ഞാനക്രിയാശക്തിസമന്വിതാഽത്ര .
ത്രിമൂർതിഭിഃ ശക്തിസഹസ്രയുക്താ ബ്രഹ്മാണ്ഡസർഗസ്ഥിതിസംഹൃതീശ്ച .. 39-9..

സാ ത്വം ഹി വാചാം മനസോഽപ്യഗമ്യാ വിചിത്രരൂപാഽസി സദാഽപ്യരൂപാ .
പുരഃ സതാം സന്നിഹിതാ കൃപാർദ്രാ സദാ മണിദ്വീപനിവാസിനീ ച .. 39-10..

മാതർമദന്തഃകരണേ നിഷണ്ണാ വിദ്യാമയം മാം കുരു ബന്ധമുക്തം .
ബന്ധം ച മോക്ഷം ച ദദാസ്യസക്താ ദാസോഽസ്മി തേ ദേവി നമോ നമസ്തേ .. 39-11..

38 അഷ്ടാത്രിംശദശകഃ - ചിത്തശുദ്ധിപ്രാധാന്യം

https://youtu.be/hTiN2ysThZE

 

38 അഷ്ടാത്രിംശദശകഃ -    ചിത്തശുദ്ധിപ്രാധാന്യം
അന്തർമുഖോ യഃ സ്വശുഭേച്ഛയൈവ സ്വയം വിമർശേന മനോമലാനി .
ദൃഷ്ട്വാ ശമാദ്യൈർധുനുതേ സമൂലം സ ഭാഗ്യവാന്ദേവി തവ പ്രിയശ്ച .. 38-1..

ന വേദശാസ്ത്രാധ്യയനേന തീർഥസംസേവയാ ദാനതപോവ്രതൈർവാ .
ശുദ്ധിം മനോ യാതി തവ സ്മൃതേസ്തദ്വൈശദ്യമാദർശവദേതി മാതഃ .. 38-2..

ശുദ്ധിർന യജ്ഞേന യജൻ ശശാങ്കഃ പത്നീം ഗുരോഃ പ്രാപ ഭൃശം സ്മരാർതഃ .
ശതക്രതുർഗൗതമധർമപത്നീമഗാദഹല്യാം മദനേഷു വിദ്ധഃ .. 38-3..

സ വിഘ്നകാരീ തപസാം മുനീനാം ഗതസ്പൃഹം യോഗിവരം പ്രശാന്തം .
ഹാ വിശ്വരൂപം പവിനാ ജഘാന ന കിഞ്ചനാകാര്യമധർമബുദ്ധേഃ .. 38-4..

മുനിർവസിഷ്ഠഃ ഖലു തീർഥസേവീ തപോനിധിർഗാധിസുതശ്ച കോപാത് .
ഉഭൗ മിഥഃ ശേപതുരാഡിഭാവം പ്രാപ്തഃ കിലൈകോ ബകതാം പരശ്ച .. 38-5..

ധനാനി പൃഷ്ടാനി ഗുരൂനദാതൄൻ സ്വാൻ ഭാർഗവാൻ പുത്രകലത്രഭാജഃ .
ക്രുദ്ധാഃ പരം ഹൈഹയഭൂമിപാലാ ന്യപീഡയൻ കോഽത്ര വിശുദ്ധചിത്തഃ .. 38-6..

കുര്യാന്ന കിം ലോഭഹതോ മനുഷ്യോ യുധിഷ്ഠിരാദ്യാ അപി ധർമനിഷ്ഠാഃ .
പിതാമഹം ബന്ധുജനാൻ ഗുരൂംശ്ച രണേ നിജഘ്നുഃ ഖലു രാജ്യലോഭാത് .. 38-7..

കൃഷ്ണോപദിഷ്ടോ ജനമേജയസ്തു ശുദ്ധാന്തരംഗഃ പിതരം മഖേന .
പരീക്ഷിതം പാപവിമുക്തമാര്യം വിധായ തേ പ്രാപയതിസ്മ ലോകം .. 38-8..

സദാ സദാചാരരതോ വിവിക്തേ ദേശേ നിഷണ്ണശ്ചരണാംബുജേ തേ .
ധ്യായന്നജസ്രം നിജവാസനാ യോ നിർമാർഷ്ടി സ ത്വന്മയതാമുപൈതി .. 38-9..

ജ്ഞാനം ന ഭക്തിർന തപോ ന യോഗബുദ്ധിർന മേ ചിത്തജയോഽപി മാതഃ .
അന്ധം തമോഽഹം പ്രവിശാമി മൃത്യോഃ സമുദ്ധരേമം വരദേ നമസ്തേ .. 38-10..

37 സപ്തത്രിംശദശകഃ - വിഷ്ണുമഹത്ത്വംhttps://www.youtube.com/watch?v=P7VWB4bQfzE

https://www.youtube.com/watch?v=P7VWB4bQfzE

 

37 സപ്തത്രിംശദശകഃ -    വിഷ്ണുമഹത്ത്വം
പുരാ ഹരിസ്ത്വാം കില സാത്ത്വികേന പ്രസാദയാമാസ മഖേന ദേവി .
സുരേഷു തം ശ്രേഷ്ഠതമം ചകർഥ സ തേന സർവത്ര ബഭൂവ പൂജ്യഃ .. 37-1..

അധർമവൃദ്ധിശ്ച യദാ ത്രിലോകേ ധർമക്ഷയശ്ചാപി തദാ ഭവത്യാ .
ധർമം സമുദ്ധർതുമധർമമൃദ്ധം മാർഷ്ടും ച ദേവ്യേഷ നിയുജ്യതേ ഹി .. 37-2..

സ ഈഡ്യതേ സർവത ഏവ സർവൈഃ പത്ന്യാ ച ഭൂതൈശ്ച സമം ഗിരീശഃ .
ഇലാവൃതേഽപൂരുഷസന്നിധാനേ സങ്കർഷണാഖ്യം ഭജതേ മുരാരിം .. 37-3..

തമേവ ഭദ്രശ്രവസോ ഹയാസ്യം ഭദ്രാശ്വവർഷേ മുനയഃ സ്തുവന്തി .
പ്രഹ്ലാദ ഉച്ചൈർഹരിവർഷവാസീ വിശ്വാർതിശാന്ത്യൈ നൃഹരിം ച നൗതി .. 37-4..

ശ്രീഃ കേതുമാലേ ഖലു കാമരൂപം തം രമ്യകേ മത്സ്യതനും മനുശ്ച .
ഹിരണ്മയേ കൂർമശരീരഭാജം സ്തുവന്തി നാരായണമര്യമാ ച .. 37-5..

മഹാവരാഹം കുരുഷൂത്തരേഷു ഭൂ രാഘവം കിമ്പുരുഷേ ഹനൂമാൻ .
തം നാരദോ ഭാരതവർഷവർതീ നരം ച നാരായണമാശ്രയന്തേ .. 37-6..

സത്കർമഭൂമിർഭരതസ്യ രാജ്യം സന്ത്യത്ര വൈകുണ്ഠകഥൈകസക്താഃ .
തീർഥാനി പുണ്യാശ്രമപർവതാശ്ച ജന്മാത്ര ദേവാഃ സ്പൃഹയന്ത്യജസ്രം .. 37-7..

പ്രഹ്ലാദപൗത്രഃ സുതലാധിവാസഃ സുരക്ഷിതശ്ചാത്മനിവേദനേന .
വാർധക്യരോഗക്ലമഭീതിമുക്തോ മഹാബലിർവാമനമേവ നൗതി .. 37-8..

സഹസ്രശീർഷഃ ശിരസാ ദധത് ക്ഷ്മാം ഹലീ ഹരേസ്താമസമൂർതിരാര്യൈഃ .
സംസ്തൂയമാനഃ സഹനാഗകന്യഃ പാതാലമൂലേ ച സലീലമാസ്തേ .. 37-9..

വിചിത്രരൂപം ജഗതാം ഹിതായ സർവേ സ്തുവന്ത്യച്യുതമിദ്ധഭക്ത്യാ .
ഏനം കുരു ത്വം വരദാനദക്ഷം മാതഃ കൃപാർദ്രേ വരദേ നമസ്തേ .. 37-10..