16 ഷോഡശദശകഃ - സുദർശനവിവാഹം Dasakam 16 sudarsana vivaham malayalam storyvivaranamDrgr@5G

dasakam 16 audiohttps://soundcloud.com/user-952154265/sets/dasakam-16-mal-story?si=b4ad5f9d05b546a1a82bd8fba84e98f3&utm_source=clipboard&utm_medium=text&utm_campaign=social_sharing

 Dasakam 16 sudarsana vivaham malayalam storyvivaranamDrgr@5G

16 ഷോഡശദശകഃ  -    സുദർശനവിവാഹം
ശ്രുത്വാ വധൂവാക്യമരം കുമാരോ ഹൃഷ്ടോ ഭരദ്വാജമുനിം പ്രണമ്യ .
ആപൃഛ്യ മാത്രാ സഹ ദേവി സ ത്വാം സ്മരൻ രഥേനാപ പുരം സുബാഹോഃ .. 16-1..

സ്വയംവരാഹൂതമഹീഭുജാം സ സഭാം പ്രവിഷ്ടോ ഹതഭീർനിഷണ്ണഃ .
കന്യാ കലാ പൂർണശശീ ത്വസാവിത്യാഹുർജനാസ്താമഭിവീക്ഷമാണാഃ .. 16-2..

വധൂശ്ച തദ്ദർശനവർധിതാനുരാഗാ സ്മരന്തീ തവ വാക്യസാരം .
സഭാം നൃപാണാമജിതേന്ദ്രിയാണാം ന പ്രാവിശത്സാ പിതൃചോദിതാഽപി .. 16-3..

ശങ്കാകുലാസ്തേ നൃവരാ ബഭൂവുരുച്ചൈര്യുധാജിത്കുപിതോ ജഗാദ- .
മാ ദീയതാം ലോകഹിതാനഭിജ്ഞാ വധൂരശക്തായ സുദർശനായ .. 16-4..

ബാലോഽയമിത്യേഷ മയാഽഽശ്രമേ പ്രാഗുപേക്ഷിതഃ സോഽത്ര രിപുത്വമേതി .
മാഽയം ച വധ്വാ വ്രിയതാം വൃതശ്ചേദ്ധന്യാമിമം താം ച ഹരേയമാശു .. 16-5..

ശ്രുത്വാ യുധാജിദ്വചനം നൃപാലാ ഹിതൈഷിണഃ കേചിദുപേത്യ സർവം .
സുദർശനം പ്രോചുരഥാപി ധീരഃ സ നിർഭയോ നൈവ ചചാല ദേവി .. 16-6..

ഏകത്ര പുത്രീ ച സുദർശനശ്ച യുധാജിദന്യത്ര ബലീ സകോപഃ .
തന്മധ്യഗോ മങ്ക്ഷു നൃപഃ സുബാഹുർബദ്ധാഞ്ജലിഃ പ്രാഹ നൃപാൻ വിനമ്രഃ .. 16-7..

നൃപാ വചോ മേ ശൃണുതേഹ ബാലാ നായാതി പുത്രീ മമ മണ്ഡപേഽത്ര .
തത്ക്ഷമ്യതാം ശ്വോഽത്ര നയാമ്യഹം താം യാതാദ്യ വോ വിശ്രമമന്ദിരാണി .. 16-8..

ഗതേഷു സർവേഷു സുദർശനസ്തു ത്വാം സംസ്മരൻ മാതൃഹിതാനുസാരീ .
സുബാഹുനാ തന്നിശി തേന ദത്താം വധൂം യഥാവിധ്യുദുവാഹ ദേവി .. 16-9..

പ്രാതര്യുധാജിത്പ്രബലോ വിവാഹവാർതാം നിശമ്യാത്തരുഷാ സസൈന്യഃ .
സുദർശനം മാതൃവധൂസമേതം യാത്രോന്മുഖം ഭീമരവോ രുരോധ .. 16-10..

തതോ രണേ ഘോരതരേ സുബാഹുഃ ക്ലീം ക്ലീമിതീശാനി സമുച്ചചാര .
തത്രാവിരാസീഃ സമരാംഗണേ ത്വം സിംഹാധിരൂഢാ സ്വജനാർതിഹന്ത്രീ .. 16-11..

ത്വന്നാമ ഗായൻ കഥയൻ ഗുണാംസ്തേ ത്വാം പൂജയംശ്ചാത്ര നയാമി കാലം .
സ്വപ്നേഽപി ദൃഷ്ടാ ന മയാ ത്വമംബേ കൃപാം കുരു ത്വം മയി തേ നമോഽസ്തു .. 16-12.

DrGanga · dasakam 16 mal story


.